[poem=font="Arial,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قبل يومينٍ تهاتفنا ضحكنا و انتشينا=قلت لك كيف السنين و قلت يا خيي صفتْ
طالت الرحلة علينا في مراكب ما رسينا=كل ما شبيت ناري من ردى حظي طفتْ
كم تعذبنا عليها كم مشينا .. كم عدينا=مير خالقنا ومرها و استقامت لي رفتْ
قلت ما ودك تجينا طالت الغيبة علينا=قلت لي انطر قدومي ساعة الفرحة وفتْ
آه يا عصر الخميس اللي مضى يومٍ درينا=ليتها يا ليتها لو هي عقاربها اوقفتْ
أدري إنه ما يفيد الدمع لو حنا بكينا=مير انا وشلون ابمنع دمعتي يوم ذرفتْ
ليتها بالمال تشرى كان سقناه وشرينا=لو عطيتك من سنيني يا عضيدي ما كفتْ
مير أنا مومن و عارف عمرنا قرضٍ و دينا=خفف أحزاني علومٍ من بعدكم لي لفتْ
من علوم الطيب يومك في جموع الساجدينا=وقفتك وقفة رفيق شمس بانت ما خفتْ
يا عسى الرحمن يقبل جيّتك فالوافدينا=باللقاء حورٍ بكارٍ من فرحها غطرفتْ
و يا عسى شربك زلالٍ من ختام المرسلينا=ينطفي منك الظمايا رشفةً داوتْ شفتْ
[/poem]