تسلطـنـت بحنايا الروح .. وشرّعت الخضـوع طروق

[فقيدة امها]

تباطيت الأمل .. والياس فيني من بطاه .. عروق
تشِتتْ كل ..( نقطة نور ) .. تسري في شراييني

نزحت أبكي على أطلال الوصال .. وحلمي المسروق
وبكتني ذكريات القرب .. والضحكات وسنيني

رجعت بجعبتي هم ودموع .. ولوعة ٍ .. وحروق
وحظ ٍ منكسر .. من كثر ماقد طاح ف إيديني

شبيه الشمس .. دام إنّ الزمن ياغايتي .. ملحوق
أبصبر .. والعزا طيف ٍ.. مقرّه في وسط عيني

يمين الله .. ما زاحم مكانك بالحشا .. مخلوق
لحالك .. مستبيح القلب .. تذبحني وتحييني

تسلطـنـتْ بحنايا الروح .. وشرّعت الخضـوع طروق
رغم طول المسافة .. كـنـّك بجنبي .. تباريني

وفيتْ لحبك الطاهر .. ولاّ خالفت فيه حقوق
كأني في ( يراعك ) .. حرف .. تكتبني وتمحيني

تطـمّـن يانظر عيني ..معك .. لين الزمان يروق
مسير العشق .. يجتاح الفراق وغصب .. يدنِـيني

أنا لكْ .. رغم كل آهات بعدي .. والعنا والعوق
ومدامك داخل ضلوع الغلا - من جد- تكفيني

[بقايا الذكريات]

صح بوح الشاعر وصحت يمينك وعلا شائك يالغلا دوم مميزه بكل انتقاء

[انثى الجزيره]

صح لسان الشاعر
الله يعطيك العافيه

[فقيدة امها]

المشاركة الأصلية كتبت بواسطة بقايا الذكريات   صح بوح الشاعر وصحت يمينك وعلا شائك يالغلا دوم مميزه بكل انتقاء

هلا وغلا بالغاليه
حضورك هو الاجمل
وحروفك الجميله هي الاروع
فلك مني كل الشكر والتقدير

[فقيدة امها]

المشاركة الأصلية كتبت بواسطة انثى الجزيره   صح لسان الشاعر الله يعطيك العافيه

هلا بك وغلا
يعافيك ربي ويسلم حضورك الجميل ي جميله
لك آرق التحايا والشكر