الاب المخفه

[مخباتها فاضي .]

بسم الله الرحمن الرحيم
كان ياما كان في ذيك الديره.كان هناك رجال عنده ثلاث بنيات يتيمات<أمهم ميته>وعندهم مرة أبو قشرا حاطه حيالها في ذا البنيات؛الموهم جاء ذاك اليوم وقالت لأبوهم أن بات سبهوني مهبليني ..مابيهم ....
قال وين أوديهم.؟!!قالت :رحبهم بعيد عن البيت وحطهم وتعال<بعد ذا الابو االمسكين >الموهم انه قال لبناتهم تعالوا نطلع نكشت..(( ..طبعا هو قايل لحرمته قبل حطيلهم زاد .طحين وتمر...هي حطت من النذاله رماد وبل(1) البعارين؛وحطت فوقه تموه لأبوهم يبيسات التمر(2)؛...
طلعوا الابو البنيات ويوم جاء الليل وينامون تحت الشجره ؛الصغيره ماطاعت تنام الا على حضن أبوها<كنها حاسه انه يبي يزلبهم>الموهم كلما بغى يقوم حستبه وقامت الين ماقالها :يا بنيتي أبروح أطير الماء(3)..
هو قام منا وراح ورى ذيك الشجره شق القربه وخلها تسرب<كنه يعملها>والبنيه تنادي ابوها وتقول :طولت يابيي ؛...
يوم أنهم أصبحوا ولا ماعندهم احد..ويدورون شي ياكلونه ولاه رماد وبل البعارين ويبيسات التمر ..كلوا هااليبيسات ..ولو ماسدة جوعهم ويدورون شي ينكول ويدورون ويدورون الا هذيك الحواة (4)شافتها الصغيره وتبي تاخذها الا وينفتح هذاك الدرج يوم حولت الا ولاه دار ولا العشاء مولم على الضؤ<النار> وتاخذ نصفه وتروحبه لاخياتها وياكلون منه...
جو أصحاب العشاء ولاهم ثلاثة أخوان في النهار يقنصون..شافو الا نص عشاهم ماخوذ ..
البنيات إذا جاء الظهر راحت الصغيره وخذت نص عشاء الشباب ؛وإذا جاء الليل نامو تحت الشجيره لا ذيب ولا انيس..هالشباب الثلاثة أيام وعشاهم ينوخذ يوم جاء اليوم الرابع قالو:لازم نشوف من ذا الي ياخذ عشانا قال الكبير انا اليوم منيب طالع معكم.ابراقب..ويسهر يوم راحت عليه نومه وتجي الصغيره وتدخل ولا حس فيها وتاخذ نص العشاء وتروح...
جو اخوانه ولا عشاهم ماخوذ؟؟ قالوله شفت من الي ماخذه؟؟ قال :ماشفت احد!!
قال الاوسط :الليلة الثانيه انا ابشوف..
راحو الكبير والصغير للقنص والاوسط جلس ...راحت عليه نومه .وزي العاده دخلت الصغيره وخذت عشاهم...
جو الكبير والصغير الا عشاهم ماخوذ !!! قالو ماشفت من الي ماخذه ؟؟ قال :لا والله!!
قال الغير الليلة التاليه انا الي ابشوف انشاء الله.. وجلس يحتري وحط فوق راسه قربه فيها ماء ينقط على وحهه<شفتوا الذكي عشان ماينام>وكل ما جاء ينام نقطة على وجهه وقام ...
يوم جت الصغيره وتاخذ العشاء ..!!وجت تبي تطلع ويمسكها...قال :وش انتي جنيه ولا انسيه؟؟
قالت :انا انسية من خيار الانس ..وقالت له هالسواة وهالسواة>قصتهم هي واخواتها مع أبيهم>..
قالها خذي العشاء وروحي <كريم وشهم موب زي ...>جو اخوانهم وحتسالهم السالفه...الا ويتزوج الكبير من الكبيره والاوسط من الوسطيه والصغير من الصغيره..................................
ومرت الايام والسنين.............
وجاهم هذيك الليله هذاك الشويب الي مافي قلبه رحمه يرحمه ومعه هذيك العجيز فوق راسه رحى تطحن<يشحذون>صار الشويب ابيهم والعجيز حرمته...
البنيات عرفن ابيهم ودخلوه واكرموه وحرمته طردنها.......................
وعشوا في هنا وسعاده وامان....
معني الحتسي
(1)و(2)(3)(4)اسالوا ابوانكم او امهاتكم او جدانكم او جداتكم ...الخ

[طرطشلي]

ههههههههههههههههههه
الله يرجك يا وادي ايام الحزاوي اجل عمرك 40


والبنات يقولون ياطووووووول عملتك يــــــــــا يبه ما علي منكم انا كذا واصلتني


تحياتي اختي ويعطيك العافيه

[Sub_Zero]

هذا من مقابل جدتس ؟.؟

ياحبيلتس والله القصه خطيييييييييييييييييييييييييييييييييره وقطعت نياط قلبي

( ماتلاحظين إن قصصنا صارت كنها افلام هنديه نفس البدايه والنهايه بس يختلف شوي المضمون )



الموهم تشكرااااااااااااااااات قد شعر راسي على هالقصه

[الماس]

[align=center]<<<< عيونها تصافقت في بعضها ودها تنام
عجبتني
مشكوره اختي مخباتك فاضيه

تحياتي لك..
اختــــــــــــــك<< ركزوا
الماس[/align]