(أسف وجروح )لليتيمه

[دانة القصيد]

صباح الحيرآت

شخباركم يالغالين

هذي جديده

_(أسف وجروح)_

بغيتك تأسف لي كثرما للجروح علاج
بغيبك تقول الله على ذنبي يجازيني

بغيتك تعتذروتقول قلبي من جروحه هاج
بغيتك تعتذر وتحاول بنفسك تراضيني

بغيتك تعتذرلي كثرماني للعذر
محتاج
بغيتك تطلب إني لك أسامح وأنت تعطيني

بغيتك ماتخلي للشكوك بداخلك منهاج
عذاب الشك بخيانه _يعذبني وينهيني

عطيتك وعد وعهود"ن"بنيت بها
عليك سياج
وحلفت إني بأمان الله أصون الزين والشيني

أنا لومنت لي محتاج ماجيتك بحروأمواج
وإذا ماكنت بي واثق على وشو تعنيني

بغيتك ماتخاف ولايصيبك شك
أوإحراج
بغيتك تعتبرني لك مرايه تلقى صورتك فيني

بغيتك لاحداك الضيم تشكي لي وأجيك سراج
وأحاول قد ماأقدرعنك أشيل الهم بيديني

ولكن"للأسف"شكيت في كف"ن"عطاك علاج
كسرت بخاطري وأرخصت دمع"ن"هلته عيني

أنا ياهووه لو إني بخونك ماعطيتك تاج
ولاسلمت لك روح"ن"من الضيقات تشكيني

أناماقد شكيت ولاتذمرتك وقلت أزعاج
أجي في حاجتك وأدمح لأجل عينك وتشقيني

وأناماجيتك أتصنع مثل مايغير المكياج
أناجيتك على الفطره ورب البيت هاديني

وأناحطيت للصدمات ورياح الزمن مزلاج
وبابن أقفله في وجه من حاول
يجافيني

أناخذني ذخرأشك الجروح ودقها
مهباج
أناموتي يهون ولاخيانة من وثق فيني

بسامح غلطتك وأغفرلأجل نور
السما ينباج
وعشان تريح أعصابك سمحت بكل مافيني

وربي أني دمحت الغلطه لعينك
عطيتك بعدهاأفراج
على كيفك تدلل طول ماالله لك مخليني

بس"بشرط"تتأسف كثرما للجروح علاج
تأسف!!لي وقل ربي على ذبني يجازيني

وسلامتكم
أختكم
اليتيمه

[شوشة منفوشة]

ماشاء الله .. جدا رائعه ..
أسلوبك رااائع ..

تحياتي لك ..

[دانة القصيد]

هلابك أختي شوشه منفوشه

سرني مرورك واسعدني

أعجابك

سلمتي غاليتي

أختك
اليتيمه

[ناصر الحنو]

الله الله الله يا اليتيمة

مشاعر تنبض وفاء
واحساس يغرد نقاء
وقلب ينبض بالعفو والتسامح

جميلة هذه المشاعر ورائع هذا الحضور الشعري
لولا بعض الخلل الوزني في بعض الأشطر من القصيدة

صح لسانك ولاهنتِ يابنت الأجواد

تنقل لقسم محاولات شعرية لأنه المكان الأنسب للقصائد التي بها خلل

كل التقدير والاحترام

اخوك ناصر
ظماالعشق

[ღأغاريد الأملღ]

ررووعـــــــــهـ..
و أسلوبك أروع ...

[دانة القصيد]

هلابك أخوي ناصرالحنو

سلمت وسلم مرورك

بس ليتك وضحت الأخطاء

كذا مايصيرتقييم

مع اني ولامؤاخذه أراهن إذا

فيهاأخطاء

أختك
اليتيمه

[ناصر الحنو]

اهلا بكِ اختي اليتيمه

عذراً لعدم ذكر الأشطر التي لاحظت بها خلل وزني
المسألة ليست تحدي اختي الفاضلة
هي مجرد وجهة نظر وقد اكون مخطئ وان اخطأت فلك حق الأعتذار لكِ ايتها الكريمة
والشعراء هنا كثير وان اتفقو على اني مخطئ في نظرتي فالعذر لكِ اختي


بغيتك تعتبرني لك مرايه تلقى صورتك فيني

وأناحطيت للصدمات ورياح الزمن مزلاج

وربي أني دمحت الغلطه لعينك عطيتك بعدهاأفراج


وايضاً مطلع القصيده به ثقل واضح

بغيتك تأسف لي كثرما للجروح علاج
بغيبك تقول الله على ذنبي يجازيني


دمتِ كما تحبين

ناصر
ظماالعشق

[دانة القصيد]

هلابك أخوي ناصر

موقضيت تحدي أوأجماع على راي

انالست مبتدئه

أنا لي مشاركات في كذا منتدى

ولست بحاجه حتى لأن أكتب

لكن أنتم أهلي وحبيت أشوف رايكم

بس مالقيت ذاك القبول او ذاك

التشجيع أنا مومشكله عندي

كل ماهنالك أني حبيت أوضح لكم

أن المشرف يجب ان يقييم القصيده

من عدة نواحي

_من ناحيت وزن البيت

ويجب ان يلاحظ ان الكتابه غيراللفظ

_أن يوجه الشاعرالى الأخطاء

من جميع النواحي

_الشاعريكتب لكي يشجع لا لكي

يحبط وتكسرمجاديفه والا لكان

أحتفظ بمايكتب لنفسه

فأنا لاحظت انكم مجرد المرورعلى

القصيده تنقل للمحاولات

الشباب وحتى المبتدئين يحتاجون

لدعمكم

وتشجيعكم

لكي يستمرون قدما

كلنا مبتدأون

وكلنا بدأ نامن الصفر

ولاحظ أخوي ناصرأنا كلنا نخطأ

وجل من لايخطأ

قال صلى الله عليه وسلم
كل أبن آدم خطاء وأنا أول الخطاؤن

عذرا أخوي ناصر ع الإطاله

مجرد وجهة نظر وأنتم أبخص

تحياتي للجميع

ودمتم بخير

أختك
اليتيمه

[قلم سدير]

صح لسانك ياليتيمة قصيده رائعة

[دانة القصيد]

هلابك أخوي الكنج

شهاده أعتزفيها يالغالي

سلمت وسلم مرورك

أختك
اليتيمه

[ابو داحم-99]

قصيه رائعه من حيث المعنى والمفردات ...

اما الوزن فأنا لا اعلم فيه الا القليل..

اختي:
استمري فانتي مبدعه ...