مايحتاجه القناص او الكشات في رحلته

[ابو دحيم]

تحيه طيبه


اغراض الرحلات و التخييم ..
اولا : حياكم الله اخواني اهل البر وهذه ادوات يحتاجهاالكشات او القناص للرحلة
ثانيا : ادوات الخيمه وما يتعلق بها :
1_ الخيمه . 2_ اطناب الخيمه (( المنساب)). 3_ اعمدة الخيمه. 4_ مطرقه لدق الاطناب. 5_ ( مسحات لمساوات منطقة الخيمه).
6_ ( زوالي للخيمه ). 7_ مراكي.
ثالثا: ادوات الاضاءةوالنور:
1_ ماطور كهرباء + اسلاكه و اللمبات. 2_ ( اتريك او سراج ). 3_ كبس على بطارية السياره (( و الافضل كشافات قويه على البطاريه العاديه
( الحجار) لكي تتجنب استخدام بطارية السياره )).
رابعا:ادوات متعددة الاستخدام:
1_ كريك . 2_ فأس (( لللأحتطاب)). 3_ لي لشفط الماء. 4_ حبال قويه . 5_ شريط لاصق. 6_ مناشف لتمسيح الصحون . 7_ منقد فحم + ملقاط. 8_ مفك للعلب . 9_كيسان ورق. 10_ صابون 11_ اسفنجة لغسل القدور و الصحون. 12_ سفره لللأكل (( سماط)). 13_ مناديل 14_ثلج 15_ كبريت و ولاعه. 16_ مكعبات الفحم البيضاء ( ولعه ). 17_ جوالين للمياه (( جركل)). 18_ ترمس لماء الشرب 19_ ترمس ثلج.20_ ( طوفريه). 21_ صينيه للحم .22_ سطل بلاستيك . 23_ اكياس للنفايات ( لحفظ المكان نظيف).
خامسا: ادوات الطبخ : 1_ قدور ( متعددة الاحجام او قدر ضغط). 2_ صحون. 3_ قطاعه . 4_ مغرفه + ملاس الرز .
5_ سكاكين حاده + ساطور (لزوم الذبيحه). 6_ صاج او مقرصه للقرص. 7_ مقلاة 8_ اصياخ للشوي .
8_ مشخال كبير . 9_ ملاعق . 10_ اسطوانة غاز ( لمن يرغب بالطبخ على الغاز). 11_ ( مركب للقدور )12_ لي غاز + محول الغاز. 13_ صحون بلاستيكيه للتوزيع. 14_ قصدير.
15_ ذرايه ( مصد للقدور علشان الهواء القوي).
سادسا: ادوات واغراض القهوه و الشاي :
1_ دله + ابريق طبخ القهوه . 2_ ابريق شاي + ابريق لغليان الماء الحار. 3_ قهوه و هيل . 4_ زعفران
5_ شاي و سكر . 6 _ بيالات و فناجيل. 7_ بيز. 8_ ابريق للحليب.
سابعا : الاكل وما يتعلق به :
1_ بصل . 2_ طماطم 3_ خضار 4_ ليمون 5_ بهارات للطبخ و التتبيل . 6_ ليمون اسود 7_ فلفل 8_ ( دارسين) 9_ زيت الطبخ. 10_ صلصه ( معجون طماط + ماجي ). 11_ ملح خشن و ملح ناعم. 12_ رز
13_ طحين (( للقرص)). 14_ معلبات (( قشطه، جبن، فول، عسل،مربى،زيتون....الخ)). 15_ بيض.
16_ حليب ( سائل او مجفف نيدو ....). 17_ تمر (( اقدعوا يا الربع ))

17_ دجاج و لحم . 18_ زنجبيل (( مع البرد هو الدواء)). 19_ مشروبات غازيه + عصيرات. 20_ فواكه.21_ خبز . 22_ مكرونه. 23_ عدس
(( للي يحبون ينوعون)). 24_ كاتشب + مايونيز . 25_ شطه .
ثامنا : الحطب و الفحم . وكذلك جالون بنزين سواء للحطب او للماطور.
تاسعا: احتياطات مهمه جدا:
1_ حقيبة اسعافات (( لصقة جروح ، شاش، بخاخ للحروق، مقص، مسحه معقمه، جهاز استخراج سم العقرب وهو موجود في الصيدليات الكبرى)).
2_ طفاية حريق (( قد تشتعل الخيمه لا قدر الله)).
3_ عده ميكانيكيه كامله.
4_ استبنة السياره مهم مهم مهم مهم جدااااااا.

هذي العده الممتكامله ولو ينقص منها شيء ترى الرحله ما تخرب مثل عصيرات وغيره


منقول


تحياتي لكم

[الوحش]

هلا ابودحيم مشكور على هالاغراض

هذولا يبيلهم تريله يالله تاخذهم ........... مابقى الا غرفة النوم

[بن جعيثن]

موضوع جيد...

وما خليت شئ...

تقبل أجمل تحياتي...

[سعود الخليل]

المشاركة الأصلية كتبت بواسطة   باقتباس من مشاركة الوحش هلا ابودحيم مشكور على هالاغراض هذولا يبيلهم تريله يالله تاخذهم ........... مابقى الا غرفة النوم

;)

[الحنش]

اخوي ابو دحيم الله يطيك العافيه على هاالمعلومات


والله لو اطلع اقنص وها الدنيا معي


ماعاد والله ارجع لهلي


وبتستاثم فيني


وتقبل تحياتي
الحنش

[ابو دحيم]

تحيه طيبه

هلا بك الوحش واشكر مرورك .




وش علمك على طلعات الشيوخ شغل العزبه الي ما يشيلها الا واحد خلها عنك طق العايدي وحمل عزبك يا مال الغنات .




لك تحياتي

[ابو دحيم]

المشاركة الأصلية كتبت بواسطة   باقتباس من مشاركة ابو دحيم تحيه طيبه هلا بك الوحش واشكر مرورك . وش علمك على طلعات الشيوخ شغل العزبه الي ما يشيلها الا واحد خلها عنك طق العايدي وحمل عزبك يا مال الغنات . لك تحياتي

[ابو دحيم]

تحيه طيبه


هلا بك الحنش والله انك صادق .



كل هال عزبه ما صارت في بيوتنا في الديره بس عاد قلنا لكم ملطوش




تحياتي

[المعنّى]

ابو دحيم
صبحوه بالخير والله زي ما قالو الشباااب واجدات ذولا ما يمدينا نخفف منها شوي

وتشكر على النقل الحلو .

اخوك المعنى

[ابو دحيم]

تحيه طيبه


المعنني صدقت وصدقووووووووو الشباب بس انا قلت ابي اخليها كلها عشان تنقون






لك تحياتي

[_^ولد الكويت~_]

ابو دحيم شكلك من أهل الطلعات
مشاء الله اغرااااض حلوووه مع تحياتي
ولد الكويت

[ابو دحيم]

تحيه طيبه



هلا بك اخوي ولد لكويت ومرحبا بك في قسمنا .



اما الطلعات ابشر بعزك تبينا نطلع عندكم او نصيد ترى الرصاص عنكم سعره يغيري هو والسلاح .





لك تحياتي

[قلب الذيب]

موضوع رائع يا أبو دحيم لكن نسيت أشياء مهمة جداً

3088- معجون أسنان وفرشاه .
3089- حلتيته .
3090 - رشاد .

شكراً لك

مغليك
أخو نورة

[ابو دحيم]

تحيه طيبه


هلا بك اخوي اخو نوره .




ام فررشة اسنان ما نقص الا هي .




ام الرشاد والحلتيته + مره .
تراها اساسيه في البر وقت البرد.



لك تحياتي