أمك تغازل ورى ابوك بالدس!!!

[مشــاعر]

السلام عليكم..




هذه القصيده للشاعر مرير الحبيل الحمادي العتيبي



قالها في احدى الفتيات التي كانت تتحدث على جهاز الكنود (ايام الكنود وموضته ) . المهم الرجال الظاهر انه نصحها كم مره لكن ماعطته وجه .. وسمع مرة صوت ولدها عندها .. وعرف انها متزوجه





يابنت قلبك يفعل العيب ما حـس
وان ما هداه الله عسى الله يخسـه
يكفي غزل للناس ياخاينـه بـس
خلي حلالك قفـر لأحـد يعســــــــه
أبليس لك يابنت في الشر وسوس
تعـوذي بالله لعـلـه يخـســـــــــه
الستر له ثوب من العـز يلبـس
وجسم الشرف ما كل رجل يجســه
عار ونار مذهب البنـت يلمـس
وعرض المره ادناة شيء يهســه
يابنت عرضك بالمجالس يدنـس
حدر النصايب جعل ربعك تدســه
ولا جايك الا مثل ما قيل واخس
واللي شرفها غالـي مـا نمســه
ياورع ياللي عندها بان لك حس
قلبك على امك يوم خانتك نسـه
امك تغازل من ورى ابوك بالدس
والله مـن رجـل تلـذذ بحســـــــه
قله تراخي الحبل يحتاج له مـس
وعلم لأبوك الحبـل لازم يمســـــه
ولا يشيـل العارلاعـاد يجلـس
في وسط بيت عاش ما فيه هسـه
قله يجوز عن النجس لا يتنجـس
ثم يقلعـه ياليـن يقلـع مرســــــه
ولا تلحقونه من حسايف ليا طس
عسى العمى في نون عينه يطسه

ان شاء الله تعجبكم..

تحيتي لكم

[بدر]

أعوذ بالله!!

مشكورة يا أختي مشاعر...

[المعنّى]

ولا تلحقونه من حسايف ليا طس
عسى العمى في نون عينه يطسه


اختي مشاعر

بصراحة قصيده روعه والله يستر على بنات المسلمين اجمعين


شاكر ومقدر نقلك المميز

اخوك المعنى

[أبو ريان]

مشاعر صبحك الله بالخير واحب ان اشكرك على اضافة قصيدة الشاعر مرير الحبيل العتيبي مع العلم اني سبق ان اضفتها بالمنتدى في وقت سابق ومصاحبها رد على محتواها وقد كتبت الرد اثناء تصفحي لاحد المنتديات الشعرية وكانت القصيدة من ضمن القصائد المنشوره بالمنتدى وهاذا ردي على قصيدة الشاعر الرائع مرير العتيبي



يا وجد قلبي وجد جيب إلى عـس &&& عــس الـفـياض ولجـلج الـقـلب حسه

أو وجد صقار على الطـير قرنس &&& يجـوب في روض عــشــــيب يجسه

يا بـنـت يــلـي بالمـحادث توجس &&& ترجــي عــلى الـنـبرات صوت تلسه

فيها غرام وهايف القـلب يرجس &&& صـوت الـنواعم داعــب الـقلـب حـسه

يا بنت وشلـك فـي جهاز يدنس &&& عرضـك وغــير العــرض شــي يمسه

هذا جهـاز فـيه الأصوات تهـمس &&& كـم واحــد يــرجـي هــنـوف تحسه

ويقـلب الـموجات والعـيـن تلهـس &&& ولا صـادفــه صــوت رهـــيف يعسه

الصوت شاحـط والحـناجر تـيـبس &&& ولا من سمع صــوت غـلــيــض يخسه

وزود عـلى طـبعه بفـعـله تـنجس &&& وأصبح يـقـول أبـيات شـعـر يـدسه

يا بـنت يـلي في جهـاز تجـسـس &&& تــرى الــشـرف يابــنت صعب معسه

خليـك لعيالك وجـوزي عن الرمس &&& وخـلـي جهـازك مـنـسـتر فـي مدسه

هـاذي نصيحة مخـلص لك تـوجـس &&& وتـرى الحـبل لا عـقــد يا كــود مسه

[سعود الخليل]

مشكوره يا مشاعر على نقل هذه القصيدة ..



والشكر موصول لشاعرنا المميز ابو ريان ...

بالتوفيق ...