نصــــيحــــــة لـــــكــــم مـــن (مــواااادع)

[مواااادع]

[poem=font="Simplified Arabic,5,white,bold,italic" bkcolor="teal" bkimage="" border="inset,4,black" type=1 line=0 align=center use=sp num="0,black"]
لياك تشكي للمخاليق بلواك=شكوى لغير الله عيب ومذله
احد (ن) بيفرح لآسمع من شكواك=حتى قريبك صرت له حكوة (ن) له
اشتك لمن هو دايم الدوم وياك=رب (ن) كريم وخالق الكون كله
ولاّصديق (ن) خابره داك ودواك=يستر عليك اليا حصل منك زله
الوافي اللي لآقسى الوقت ذراك=والى جلست بمجلسه ماتمله
لياك تسمع هرجة (ن) فيه من ذاك=نمام خاين والحكي عادة (ن) له
ترى الردي وان طاب في يوم ينساك=خسران من حط الردي ساعد (ن) له
وقت الرخى تلقاه ولا احتجت خلاّك=ماقدّرت يومك تجي فازع (ن) له
هذي نصيحة واحد (ن) جاه ماجاك=جرّب وشاف الضيم من عزوة (ن) له[/poem]

[( عابرة سبيل )]

:
:
نصيحه .. وابياتـ قمة الروعه والجمال
كلام .. منطقي .. وسليم.. وهمس صادق
وحروفـ طاهره ونبيله ... خرجت من قلب ناصحه
وطاهر ...

:
:

شاعرنـــا القديــر ( مــوااادع ) ..
للـــــه درك .. ودر حرفــك .. وجمالــه
وروعة سكبــه ... ونور طهـــره ..
ومشاعر .. صادقه خرجت ..
وانارت الصفحه . .. ببريقها الطيب
صح / لسانك / وبوحك / ودام نبضك

:
:

تحيتي / وتقديري لـــك

:
:

اختــك / دمعة ألــم

[مواااادع]

[frame="1 80"]اختي ( دمعة الم ) شاكر ومقدر مرورك الكريم على مشاركتي المتواضعه وثنائك العطر
تقبلي تقديري واحترامي
( مواااادع )[/frame]

[لهفة الخاطر]

[align=center]مــــــاشاء الله ابيات رائعه

ونصيحه في محلها ياخوي موااادع

كلمات في الصميم وفي الأيام هذي الصديق تدوره وتلقاه ولا يكون كفؤ بعد

يعطيك العافيه وبارك الله فيك على روعة الأبيات[/align]

[وارث الطيب]

موادع ---- مساء الخير

نصائح طيبه يا الغالي

ــــــــــــــــــــــــــــــــــــــــــــــــــ ــــــــــــــــــ

ولي ملاحظه أرجو قبولها
تكرار القاف يضعف القصيده وذلك في كلمة ( له )

والأولى أن تكون كلمات متغايره مثل

ملّه - علّه - مايجلّه ـ فهنا حرف اللام أساسي في الكلمه
اما كلمات - حكوة (له) - ساعد (له) له - فازع (له) -عزوة ( له )
هذه كلها ترجع لكلمه او ضمير ( له ) فأصبحت تكرار للقافيه



وتسلم

[!!أبونايف!!]

اشتك لمن هو دايم الدوم وياك
رب (ن) كريم وخالق الكون كله
ولاّصديق (ن) خابره داك ودواك
يستر عليك اليا حصل منك زله


ابداااااااااااعـ
سلمت يمنااكـ يالغالي
على نثر هذه الحرووف الررئعهـ وعطرها الفوواح
من ابدااع الررائعـ
فللهـ دركـ



أحترااامي

أخوكـ أبونايف

[مواااادع]

[frame="1 80"]عزيزي ( ابونايف ) شاكر ومقدر مرورك الكريم
تقبل تقديري واحترامي
( مواااادع )[/frame]

[سعود الخليل]

موااادع


صح لسانك اخوي .. والف شكر على هذه الأبيات الجميلة التي تحمل معها تجربة السنين ....

حمانا الله وايكم من كل مكروه ...

[مواااادع]

[frame="1 80"]عزيزتي ( قلبي المتيم ) شاكر مرورك وثنائك العطر
تقبلي تقديري وتحياتي[/frame]

[مواااادع]

[frame="1 80"]عزيزي (راعي الاوله - الصيدلي - وارث الطيب ) شاكر ومقدر مروركم الكريم
تقبلوا تقديري واحترامي[/frame]

[ابومطر]

صح لسان ياخالي

[ناصر الحنو]

الله الله الله عليك ياموادع

نصح وارشاد
وتوجيه صادق من رؤيا وتجربة بالحياة

مبدع ممتع ياغالي

صح لسانك ولاهنت ياغالي

اوافق اخي وارث الطيب في ملاحظته
وكذلك في هذا الشطر
احد (ن) بيفرح لآسمع من شكواك
اعتقد حرف سقط
احد (ن) بيفرح لآسمع منك شكواك

مجرد وجهة نظر

كل الحب والتقدير

اخوك ناصر
ظماالعشق

[ناصر العبيد]

صح لسانك على هذة الأبيات الجزله ولكن إذا سمحت لي فيه شطر فيه حرف خطأ الرجاء التعديل ولك الشكر00


ماقدرت والصح إذا ماخاب ظني ماقدرك يومك تجي فازع (ن) له

[القيصـــر]

السلام عليكم


ياطاهر القلب شكراً لهكذا نصيحة
فيها من العزة والعلو الشيئ الكثير
لله درك يالقرم
موفق

[عبدالله الغانم]

الشاعرالمتألق/ موادع

بورك فيك على هذا الإبداع والروعة

تدفقت قريحتك بكلماتٍ عذبة وتوجيهات

سامية فأسقت مغاني قلوبنا وأروت مشاعرنا

وقد أعجبتني هذه الأبيات كثيراً واستوقفني فيها

اشتك لمن هو دايم الدوم وياك,,,,,,,,,,, رب (ن) كريم وخالق الكون كله

شكراً لهذا العطاء ...... شكراً لهذا السمو.....هكذا فليكن الشعر

تقبل تقديري