العودة   منتديات سدير > ¨° المنتدى الترفيهي °¨ > ¨° التراث والسياحة °¨

¨° التراث والسياحة °¨ نوادر- أدوات قديمة - قصص وقصائد من التراث - تبادل الخبرات و التجارب في مواقع وأزمنه و وسائل و طرق الرحلات البرية و الصيد ، والسفر والسياحة .

إضافة رد
 
أدوات الموضوع انواع عرض الموضوع
قديم 26-03-2007, 12:44 PM   #1
عضو مجلس الإدارة
 
الصورة الرمزية عبدالله الفـارس
 
تم شكره :  شكر 5090 فى 2284 موضوع
عبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضو

 

.. من روايات " محمد الشرهان " ..


بسم الله الرحمن الرحيم

السلام عليكم ورحمة الله وبركاته


نقلت لكم سالفه وقصيده عساها تنال اعجابكم إن شاء الله
وهي منقوله من روايات ،، الراوية المحبوب // محمد الشرهان .
وانا نقلتها لكم كما رواها بـ اسلوبه الشيق والمثير .
يقول الشرهان :
[frame="7 80"]هاذي سالفةٍ لـ الشاعر // عبدالله بن علي بن دويرج .
وهو من شعراء السر من أهل بلدة جفن توفي عام 1356
هالشاعر يوم كان شباب كان يشتغل في النخيل وبعد ما كبر صار يشتغل في البناء والطين
هذا الشاعر عاش في منطقة ( السر )
و تزوج في أول شبابه وجاه ولد ولا قعد عنده ,
راح يشتغل في المنطقة الشرقية واستقر هناك ,
و بعد ذلك توفت حرمته ، و جلس هالرجال فتره ما عنده حرمه ولا احد ٍ يواليه
الى هاك الحرمة الصالحة الدينه اللي متوفي عنها رجلها
و تقدم لها عبدالله بن دويرج و خذها وهو على كبر
و يوم خذها ولاها حرمة ذربه وفيها دين وضفره بالحيل
وبعد فتره ..
رزقه الله هاك البنية من هالمره
وبدت البنية تكبر ودائماَ البنت لها حنان خاص من أبوها
والبنت دائماَ الطف واحنّ من الولد ،المهم كبرت البنت ,
الحاصل يالربع أن هالرجال في هالبيت عنده هالمره مدللته وماشاء الله عليها ضفره وسنعه
تسوي قرصان وجريش ، هالجريش اللي ما شاء الله
تقول كأنه (( دماغ جربوع )) .. عاد من فيكم شاف دماغ الجربوع !!!؟
هذولي الحريم الضفرات اللي يطبخن قبل كذا عاد وين تلقونهن ذا الحين
( ما عاد فيه إلا بنات يقولن برجر << هذي السنعه فيهم ، الله يخلف بس )
المهم يالربع ما لكم بالطويلة البنت الحين كبرت وصار عمرها 13 سنة
مربيتها أمها على الضفاره والذرابه صارت هي اللي تقابل أبوها إذا جاء وهي اللي تقهويه
و فيها جمال يهبل هاك المبسم اللي يالله تدخل معه العنبه !!!!
عاد كثرو الشباب اللي يتسنعون ويتميلحون عند أبوها
( حركاتكم يا الشباب اذا حطيتو عينكم على أحد )
اللي يسلم عليه في المسجد واللي يحب رأسه
واللي يقول : تأمر شي ياعم أنا ولدك اللي ما تعبت عليه
و يا كثر هاللي يحببون رأسه والله ياجبهته أنحفرت من التحبيب !!!!!؟
كل ٍ قام يتكلم ما شاء الله تبارك الله يابنت ٍ عند عبدالله بن دويرج
تقول : للقمر زيح وانا اجي مكانك .
المهم .. يالربع كبرت البنت وصار عمرها 16
وصارت هي اللي تقهوي أبوها و تطيبه اذا بغا يروح المسجد وتولم بشته
عاد صار أبوها معتمد عليها في كل شي ,
الحاصل يوم جاء يوم من الأيام الله لا يعيد الشر
ولاها أيام شتاء جاء هو بعد صلاة العشاء
ولا حرمته شابة ٍ الجمر وحاطه عليه مركب جنبه الدله وبريق الحليب
قالن : تبي نصب لك قهوة وإلا حليب قال اللي تبون ,
قامت الأم وصبت له حليب يوم رشف الحليب ..
قال : كأنه بارد قالت !!؟
قلت الحرمه : ابشر نسخنه هالحين .
قال الابو لـ بنته : قومي وأنا أبوك روحي جيبي لنا حطب
عويدات رمث ولا تجيبين طوال مره جيبي عويدات تدخل تحت المركب
قامت البنت وخذت السراج وراحت للحوش تبي تلقط حطب
و قامت تلقط عويدات على قول أبوها تدخل تحت المركب والى توها ملقطةٍ ثلاث أو أربع
وتلقى هاك العود طويل بالحيل جت تبي تكسره على ركبتها
وطق السراج وينجعف وينكب قازه ويطفي !!
قامت هي تلمس في الحطب يوم تلمست يا دافع البلاء وتقرصها حيه مع أصبعها
وتجي معوده و تصبر وتألم ماتبي تبين لابوها وأمها
ماتبي تزعجهم << ( والله لوها من بنات اليوم كان تفضح الدنيا بالسانها )
المهم راح أول الليل ولا يوم كاد عليها الوجع وقامت تقلب وتسدح مع الألم
وتفزع الأم ويحطون هاك التمرة وعجين تمر يبغونه يفيد
يوم .. يومين .. ويوم جاء نهار ثالث وهي توفى !! الله يرحمها .
ولا يوم أنحشت كبد الأبو وقعد أربعة أشهر مثل الجرح قاطب على صدره
كل ما ذكرها يتزفر هاك الزفرة الله يجيركم
... أن ناظر الباب هذا تذكرها يوم أنها واقفه عنده
... وتذكريومها تقلط له الغداء
... ويومها تقهويه
وتغورق عيونه من الدموع ، ويتهيض ويقول هالابيات ، وهي من قصيد الرثاء .[/frame]
....
[poem=font="Simplified Arabic,5,white,bold,normal" bkcolor="sienna" bkimage="" border="solid,4,white" type=1 line=0 align=center use=sp num="0,black"]
عفى الله عن عين ٍ حلى النوم جافيها = كراهــا قليل وذارف الدمـع محفيهــــا
إلى قلت : الا ياعيـن هيــدي و هـــــــودي = جرى دمعها الصافي وهلت عباريهــا
تبين فــروع الصبــح ما ذاقت الكــــرى = ولا لوم عين ٍ فارقت شوف غاليها !!
ولا زل يـــــوم أو ليـــــله ما تعبــــــرت = على النـــوح أعزيها ولاني بقاويهــــا
وأنا في زجا ، جزل العطـــا ، عالم الخفـــى = يلطف بحـــال ٍ خافي الهم باريهـــا
على نـــور عينـي لب قلبـــي ومهجتــــي = تحن الضمــــاير كل ما حلّ طاريهــــا
حنين الخلـــوج اللي عن الظــير فـــاختت = إلى غاب عنها ساعة ٍ ما يباريهـــا
وأنا كيف ما أبكي طفلة ٍ غضة الصبا = حورية ٍ سبحان رب ٍ مسويهـــا
نشت بالهـــدى والدين والحــــق والبهـــــا = و لــو طالت الأيــــام ما نيب ناسيهــــا
فيهــــا طــــبــوع ٍ كامـــلات حميــــده = حنون على الجيـــران و صار عانيهــا
عفيفــــة نظيفـــة جيب ما داست الخطـــــا = ولا هوجست بالمـذهب اللي يرديهــــا
حشـــــا ما بهـــا من خافــي العيــب ذارب = سـوى حشمــــة الوالد فهذا فهو فيهــــا !!
كمل عمرها ثنتـيــن مع عشــــر وأربـــــع = سـوى محترمهـا تسفهه لو يحاكيهـــــا
خذت هجنـــة ٍ فالبــيت عنــــدى قليــــله = أمانـــه و خذهـا الخيــر اللي عطانيهــا
فـــلا نيب جــــــزاع فـــــلا شك ولعـــــــه = ( أعرف الأمانــــة ما لها غير راعيهـــا )
فيا ســامــع دعـــــواي في مظلم الدجـــــى = تمحــــي خطاياهـــا وتثبت حسانيهــــا
وتجعــــل لهـا في مجنـــة الخلـــد منـــــزل = وتقطــف جنا جنـــات طيبة وتجنيهــــا
وتعـــــوضها فيمـــــا قصــــر من شبابهــــا =برضــاك ياخــلاقهـــا وأنت واليهــــــا
ألهـــــــي ودودي دعـــوتـــي تستجيبهـــــا = على النـــفس كلها من غــلاها نبديهــــا
ألا وتـكــــدر خاطــــــري من فــراقهــــــا = ولــــو لا غــلاها ما تكلفــت راثيهــــــا
سمية دمــع المــــزن في غبــــــة البحـــــر= سوى البنــك ما يدرك ثمنهـا ويشريهـــا (1)
صلــــو على من لافتـــرى سيد الـــــــورى =وأن مابــي إلايــــوم يطــــري سميهـــــا
صلـــو على من لافتــــرى سيد الـــــــورى= عدد ما جرى من رايح المزن واديهـــــا[/poem]
....
اللهم صلي وسلم وبارك على عبدك ونبيك محمد
1) يقول الشاعر هنا ..
[poem=font="Simplified Arabic,5,darkred,bold,normal" bkcolor="transparent" bkimage="" border="double,4,black" type=1 line=0 align=center use=ex num="0,black"]
سمية دمــع المــــزن في غبــــــة البحـــــر= سوى البنــك ما يدرك ثمنهـا ويشريهـــا[/poem]
# وهذا هو اسم البنت ، رحمها الله
وقد قاله الشاعر بـ طريقة غير مباشرة ،

التوقيع
سبحانك اللهم وبحمدك اشهد ان لا اله الا انت استغفرك واتوب اليك
عبدالله الفـارس غير متصل   رد مع اقتباس
قديم 26-03-2007, 02:42 PM   #2
عضو مجلس إدارة سابق
 
الصورة الرمزية ماجد بن إبراهيم
 
تم شكره :  شكر 192 فى 116 موضوع
ماجد بن إبراهيم is a name known to allماجد بن إبراهيم is a name known to allماجد بن إبراهيم is a name known to allماجد بن إبراهيم is a name known to allماجد بن إبراهيم is a name known to allماجد بن إبراهيم is a name known to allماجد بن إبراهيم is a name known to all

 

رد: .. من روايات " محمد الشرهان " ..

والله معذور في هالأبيات...

جزاك الله خير أخي عاشق ديرتي....

قصة رائعة جداً أعجبتني

التوقيع
[]
ماجد بن إبراهيم غير متصل   رد مع اقتباس
قديم 26-03-2007, 06:18 PM   #3
مشرف سابق
 
الصورة الرمزية X-Ray
 
تم شكره :  شكر 28 فى 16 موضوع
X-Ray will become famous soon enoughX-Ray will become famous soon enough

 

رد: .. من روايات " محمد الشرهان " ..

قصة وابيات جداً محزنة..

اختيار جميل مشرفنا لقصص الراوية ابو خالد...

يعطيك العافية..

التوقيع
X-Ray غير متصل   رد مع اقتباس
قديم 26-03-2007, 06:53 PM   #4
عضو مجلس الإدارة
 
الصورة الرمزية عبدالله الفـارس
 
تم شكره :  شكر 5090 فى 2284 موضوع
عبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضو

 

رد: .. من روايات " محمد الشرهان " ..

  المشاركة الأصلية كتبت بواسطة المساعد مشاهدة المشاركة  

والله معذور في هالأبيات...

جزاك الله خير أخي عاشق ديرتي....

قصة رائعة جداً أعجبتني

 
حياك الله اخوي المساعد

الله يجزاك خير

شكرآ لمرورك الكريم

:
التوقيع
سبحانك اللهم وبحمدك اشهد ان لا اله الا انت استغفرك واتوب اليك
عبدالله الفـارس غير متصل   رد مع اقتباس
قديم 26-03-2007, 06:55 PM   #5
عضو مجلس الإدارة
 
الصورة الرمزية عبدالله الفـارس
 
تم شكره :  شكر 5090 فى 2284 موضوع
عبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضو

 

رد: .. من روايات " محمد الشرهان " ..

  المشاركة الأصلية كتبت بواسطة X-Ray مشاهدة المشاركة  

قصة وابيات جداً محزنة..

اختيار جميل مشرفنا لقصص الراوية ابو خالد...

يعطيك العافية..

 
ياهلا اخوي X-Ray

سعدت بتواجدك

شكرآ لك

:
التوقيع
سبحانك اللهم وبحمدك اشهد ان لا اله الا انت استغفرك واتوب اليك
عبدالله الفـارس غير متصل   رد مع اقتباس
قديم 27-03-2007, 02:17 PM   #6
عضو سوبر
 
الصورة الرمزية عبدالعزيز الفهيد
 
تم شكره :  شكر 279 فى 103 موضوع
عبدالعزيز الفهيد is just really niceعبدالعزيز الفهيد is just really niceعبدالعزيز الفهيد is just really niceعبدالعزيز الفهيد is just really niceعبدالعزيز الفهيد is just really niceعبدالعزيز الفهيد is just really niceعبدالعزيز الفهيد is just really nice

 

رد: .. من روايات " محمد الشرهان " ..

صح لسانك ولسان الشاعر


شكراً لك أخوي عاشق ديرتي على هذه القصة والقصيدة الجميلة

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حنين الخلوج اللي عن الظير فاختت = إلى غاب عنها ساعة ٍ ما يباريها
وأنا كيف ما أبكي طفلة ٍ غضة الصبا = حورية ٍ سبحان رب ٍ مسويها [/poem]

عبدالعزيز الفهيد غير متصل   رد مع اقتباس
قديم 27-03-2007, 06:50 PM   #7
مشرفة سابقة
 
الصورة الرمزية بسمة سدير
 
تم شكره :  شكر 2476 فى 999 موضوع
بسمة سدير نسبة التقييم للعضوبسمة سدير نسبة التقييم للعضوبسمة سدير نسبة التقييم للعضوبسمة سدير نسبة التقييم للعضوبسمة سدير نسبة التقييم للعضوبسمة سدير نسبة التقييم للعضوبسمة سدير نسبة التقييم للعضوبسمة سدير نسبة التقييم للعضوبسمة سدير نسبة التقييم للعضوبسمة سدير نسبة التقييم للعضوبسمة سدير نسبة التقييم للعضو

 

رد: .. من روايات " محمد الشرهان " ..

أخوي عاشق ديرتي


ألف شكر لك أخوي عاشق على هالاختيار الراااائع


وأنا من اللي ينشدّون لقصص الشرهان


مشكوووووور وما قصرت


بانتظار جديدك...

التوقيع
.



" واجْعل لي لسَان صدْقٍ في الآخرين * واجْعلْني من ورَثةِ جَنّة النّعيم" .
.

بسمة سدير غير متصل   رد مع اقتباس
قديم 27-03-2007, 09:18 PM   #8
مشرف سابق
 
تم شكره :  شكر 354 فى 133 موضوع
سلطان العضيدان is a name known to allسلطان العضيدان is a name known to allسلطان العضيدان is a name known to allسلطان العضيدان is a name known to allسلطان العضيدان is a name known to allسلطان العضيدان is a name known to allسلطان العضيدان is a name known to allسلطان العضيدان is a name known to all

 

رد: .. من روايات " محمد الشرهان " ..




قصة محزنة .. وقصيدة معبرة ..

عاشق ديرتي

أختيار موفق .. واستمتعنا بقراءة القصة ...

اشكرك على الطرح الرااائع .. والجميل ..

ولا تحرمنا من جديدك ... واطلاعاتك الشعرية ..

ولا عدمنااااك

التوقيع
سلطان العضيدان غير متصل   رد مع اقتباس
قديم 27-03-2007, 11:58 PM   #9
عضو مجلس الإدارة
 
الصورة الرمزية عبدالله الفـارس
 
تم شكره :  شكر 5090 فى 2284 موضوع
عبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضو

 

رد: .. من روايات " محمد الشرهان " ..

  المشاركة الأصلية كتبت بواسطة اسير الصمت مشاهدة المشاركة  

صح لسانك ولسان الشاعر


شكراً لك أخوي عاشق ديرتي على هذه القصة والقصيدة الجميلة

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حنين الخلوج اللي عن الظير فاختت = إلى غاب عنها ساعة ٍ ما يباريها
وأنا كيف ما أبكي طفلة ٍ غضة الصبا = حورية ٍ سبحان رب ٍ مسويها [/poem]

 
ياهلا أسير الصمت

العفو والشكر موصول لك

:
التوقيع
سبحانك اللهم وبحمدك اشهد ان لا اله الا انت استغفرك واتوب اليك
عبدالله الفـارس غير متصل   رد مع اقتباس
قديم 28-03-2007, 05:04 PM   #10
عضو مجلس الإدارة
 
الصورة الرمزية عبدالله الفـارس
 
تم شكره :  شكر 5090 فى 2284 موضوع
عبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضو

 

رد: .. من روايات " محمد الشرهان " ..

  المشاركة الأصلية كتبت بواسطة بسمة سدير مشاهدة المشاركة  

أخوي عاشق ديرتي


ألف شكر لك أخوي عاشق على هالاختيار الراااائع


وأنا من اللي ينشدّون لقصص الشرهان


مشكوووووور وما قصرت


بانتظار جديدك...

 
ياهلا اختي بسمه

العفو الشكر موصول لك لتواجدك الكريم

:
التوقيع
سبحانك اللهم وبحمدك اشهد ان لا اله الا انت استغفرك واتوب اليك
عبدالله الفـارس غير متصل   رد مع اقتباس
قديم 29-03-2007, 08:37 PM   #11
عضو مجلس الإدارة
 
الصورة الرمزية عبدالله الفـارس
 
تم شكره :  شكر 5090 فى 2284 موضوع
عبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضو

 

رد: .. من روايات " محمد الشرهان " ..

  المشاركة الأصلية كتبت بواسطة راعي الغاط مشاهدة المشاركة  




قصة محزنة .. وقصيدة معبرة ..

عاشق ديرتي

أختيار موفق .. واستمتعنا بقراءة القصة ...

اشكرك على الطرح الرااائع .. والجميل ..

ولا تحرمنا من جديدك ... واطلاعاتك الشعرية ..

ولا عدمنااااك

 
حياك الله يالغالي

العفو وأشكر لك جمال تواصلك

:
التوقيع
سبحانك اللهم وبحمدك اشهد ان لا اله الا انت استغفرك واتوب اليك
عبدالله الفـارس غير متصل   رد مع اقتباس
قديم 31-03-2007, 03:25 PM   #12
مراقب إداري سابق
 
الصورة الرمزية عبدالعزيز
 
تم شكره :  شكر 2869 فى 1463 موضوع
عبدالعزيز نسبة التقييم للعضوعبدالعزيز نسبة التقييم للعضوعبدالعزيز نسبة التقييم للعضوعبدالعزيز نسبة التقييم للعضوعبدالعزيز نسبة التقييم للعضوعبدالعزيز نسبة التقييم للعضوعبدالعزيز نسبة التقييم للعضوعبدالعزيز نسبة التقييم للعضوعبدالعزيز نسبة التقييم للعضوعبدالعزيز نسبة التقييم للعضوعبدالعزيز نسبة التقييم للعضو

 

رد: .. من روايات " محمد الشرهان " ..

تسلم يابعدي

قصة رائعه

التوقيع
عبدالعزيز غير متصل   رد مع اقتباس
قديم 02-04-2007, 05:12 AM   #13
مشرف سابق
 
تم شكره :  شكر 16 فى 12 موضوع
القاصف will become famous soon enough

 

رد: .. من روايات " محمد الشرهان " ..

  المشاركة الأصلية كتبت بواسطة عاشق ديرتي مشاهدة المشاركة  




[poem=font="Simplified Arabic,4,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
على نـــور عينـي لب قلبـــي ومهجتــــي = تحن الضمــــاير كل ما حلّ طاريهــــا
حنين الخلـــوج اللي عن الظــير فـــاختت = إلى غاب عنها ساعة ٍ ما يباريهـــا
وأنا كيف ما أبكي طفلة ٍ غضة الصبا = حورية ٍ سبحان رب ٍ مسويهـــا [/poem]

 
[align=center]هذا بـلاء مِن ربّ العِباد .. ما رزق الله الدويـرج ضنا .. إلاّ لمّا كبر سِنّه !
والمُصـيبة .. إنه فقد بنتـه الوحـيدة اللي ما مداه يفرَح بها .. إنّا لله وإنّا إليهِ راجِعون
[/align]

[align=center]وكما قال الأستاذ ( راعي الغاط ) سابقاً .. دائماً البدوي يصوّر حالة الأسى بالخلوج
بعلاقتها مع ولدْها .. خصوصاً لمّا يهوجِن ![/align]



[align=center]
  المشاركة الأصلية كتبت بواسطة عاشق ديرتي مشاهدة المشاركة  

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سمية دمــع المــــزن في غبــــــة البحـــــر= سوى البنــك ما يدرك ثمنهـا ويشريهـــا [/poem]

 



ما اسمُها ؟؟

( سمـيّة ) ؟؟ لا أعتقد أنّ الأوّلين يسمّون هالإسم !

احتمـال يكون ( مَطـرَة ) أو ( مِـزنه ) .. حسَب رؤيتي للبيت



بس .. آآآآآه .. لو إنك جبت السـالفة القصـيدة >> صـوتيّة >> ( حـاول عاشق ) !

لأن اللي يمـيِّز الراويَة ( محمّد الشـرهان ) .. هو أسلوبه الطريف والجاذِب في السالفه !!

ومِن جهةٍ أخرى .. أهم ما يميِّز الرُّواة بشكلٍ عامٍ .. طريقة القص

لهذا أرى أنّ ( أبو خـالد ) حفِظه الله ؛ يُعَد أفضَل مَن يروي القصص التراثيّة !



الأسـتاذ :

( عاشق ديرتي )

للهِ درّك على نقل هذه القصّة المأساويّة لعبد الله الدويـرج ومأساتِه في وحيدتِه !!

شكـراً لك .. على أمل أن تتحـفنا بما لديك في قادِم الأيّام
[/align]
التوقيع









احـترم خصمـك !

القاصف غير متصل   رد مع اقتباس
قديم 02-04-2007, 01:52 PM   #14
عضو مجلس الإدارة
 
الصورة الرمزية عبدالله الفـارس
 
تم شكره :  شكر 5090 فى 2284 موضوع
عبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضوعبدالله الفـارس نسبة التقييم للعضو

 

رد: .. من روايات " محمد الشرهان " ..

  المشاركة الأصلية كتبت بواسطة شيخ شمر مشاهدة المشاركة  

تسلم يابعدي

قصة رائعه

 
حياك الله شيخ شمر

اشكر لك تواجدك

\
التوقيع
سبحانك اللهم وبحمدك اشهد ان لا اله الا انت استغفرك واتوب اليك
عبدالله الفـارس غير متصل   رد مع اقتباس
قديم 02-04-2007, 02:23 PM   #15
مشرفة سابقة
 
الصورة الرمزية ســــامـــيـه
 
تم شكره :  شكر 7 فى 7 موضوع
ســــامـــيـه is on a distinguished road

 

رد: .. من روايات " محمد الشرهان " ..



السلام عليكم

دائما مميز في نقلك ,,

روايه اعجبتني كثيراً

استمتعت بالقراءه

رائعه من روائع الشرهان

شكرا لك


>


.

التوقيع


.

.
ســــامـــيـه غير متصل   رد مع اقتباس
إضافة رد

مواقع النشر (المفضلة)


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:28 AM.


Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ

جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه