خدمه ياطبااخااااااااااات عندي اختبار

[مذهله]

السلام عليكم ورحمة الله وبركاته

الشهر عليكم مبااركـ

كييييييييييييييييييفكم جميعا...

الله يعافيكم يافنانات...ابي منكم خدمه...

عندي ماده اسمها وجبات لمناسبات خاصه...عملي

وعندي اختبار ثاني يوم بعد الاجازه,,,

والطبخات اللي علي اسويها

سبرينغ رول..حلى الفيمتو,,

وموضروري اننا نتقيد بالمقادير او الطريقه اللي في الملزمه...

وابي منكم يالطباخات الله يعافيكم تعطوني مقادير وطريقه تكون سهله...لان الوقت 3 ساعات فقط؟؟

وطريقه حلوه للتقديم...لان الدرجات كلها على هالطبخه ...ياانجح او ........

اسفه ع الاطاله....

ومشكورين مقدما,,,

[أم فيصل]

مذهله ..

ابشري بالزين

وان شاء الله يعجبك اللي اقولك ..

بس الصراحه استغربت كيف حلا الفيمتو في ماده ( وجبات لمناسبات خاصه )

شكلهم بدوا يبدعون في المنهج

المهم :

بالنسبه للوقت بيكفيك وزياده اصلا اللي عليك مره سهل وبتقدرين تخلصينه في الوقت ..

سواء صلحتي اللي في الملزمه او طريقه ثانيه

بالنسبه للسبرنغ روول ..

عندي طريقه لذيذه وسهله ابفرد لك رد فيها طبعا احسن نوع استخدمي ( الكرامه )

حلى الفيمتو بعطيك روابط لمواضيع في المنتدى فيها طريقة حلا الفيمتو وهذولي بكره ان شاء

الله ..

ابقولك طريقة التقديم

سويتها يوم كنت في سنه رابع وانهبلت عليها الأستاذه وكنت متميزه بين البنات

سويت الأطباق اللي علي في البيت وصورتهن بطريقة تقديم ممتازه ..

دخلت الصور الكمبيوتر وطبعتها على ورق مقوى ..

كتبت الطريقه والمقادير بالكمبيوتر ونسقتها بالالوان والخط وطبعتها كذلك وكتبت اسمي تحت

الصوره وتحت المقادير وشعبتي ..

اذا صلحتي السبرنق رول .. حطيه بصحن مربع ابيض صين << مره رايق شكله وحلو للتقديم ..

خلي وحده نايمه بالصحن والحبه الثانيه قايمه بشكل مايل ومتسنده على النايمه ..

التجميل طبعا لازم يوحي بـ الحشوه ..

الحشوه اللي بكتب لك اياها فيها كرنب وجزر ..

عشان كذا استخدمي الجزر والكرنب في التجميل ..

كيف ؟

جيبي لك حبة جزر وسويها بشكل ورقة شجر ..

كيف تسوينها .

قصي الجزر بالطول وبعدين خذي لك شريحه رفيعه .. حاولي تكون الجزره عريضه ..

وبعدين جيبي لك سكين حاده صغيره وابدي سوي حدود الورقه بقص مثلثات صغيره مع

الجوانب ..

هذي الجزره ..

طبعا التجميل سويه في البيت احسن لك ولا ياخذ من وقتك ..

الكرنب سويه مفروم ناعم طولي ..

الاطباق الراقيه يكون الصحن فاضي يعني ماتملين زي ماقلت لك حبه نايمه والثانيه قايمه

وعلى جنب ورقة الشجر من الجزر وبجنبها شوية كرنب مفروم ولا مانع من شريحة ليمون ..

طبعا الطاوله حقت التقديم تحطين عليها المفرش + منديل قماش مسويته بشكل حلو واكيد انتم

ماخذين هالماده واذا تبن طرق لتسفيط المناديل نزت لك الرابط ..

+ فازه صغيره فيها ورده وجنبها شمعدان ..

ولا تنسين صف الملعقه والشوكه والسكين بالطريقه الصحيحه ..

وكاس فيه عصير باللي تبين ..

اللي سويته بالكمبيوتر تحطينه وسط الطاوله على حامل ..

تعبت ..

بكره اكمل لك وش تسوين بحلا الفيمتو

[مذهله]

قولي امين يام فيصل..الله يفرج لك ويسخر لك ملائكة السماء وجنود الارض,,,

[иσᴚч ♥~]

هلا مذهله ياقلبي أنتي وشو طبيعه الحلا حق الفيمتو عشان أساعدك؟؟؟



وشو حشوة السبنغ رول؟؟؟؟

[M.M.Z]

وعليكم السلام ورحمة الله وبركاته



تصدقين شيء غريب !

أنت عندنا هنا بالسعودية ههههههههههههه

حركات والله اختبار طبخ !

لا ومقليات وحلويات .

عجيب !

أول مرة أعرف صراحة ، أجل كذا السكن وإدارة منزل !

المفروض هذا يكون تعليم إلزامي لكل البنات مو يكون تخصص بالكلية .

أصلا أحسن حاجة الوحدة تتعلم في البيت

يلا الله يوفقك يا قمر في اختباراتك كلها وماشاء الله أم فيصل ماقصرت الله يبارك لها .

[مذهله]

هههههههههههههههه

ياااقلبو عليكم,,,

فقيده حلا الفيمتو هو طبقات ووحده من الطبقات معها فيمتو,,,عرفتي؟

والسبرينغ رول يشبه للسمبوسه بس ملفوف على شكل اصابع...

mmz مشكوره ياقلبي والله يوفقك انت كمان,,,

[أم فيصل]

مذهله ..

بإذن الله أعود لأكمل لك ماعندي .. لأني مشغوله حاليا ..

أيام وراجعه ..

[مذهله]

اذنك معك يالغاليه....

[مذهله]

اقووووووووووووووووووول شكلكم نسيتونييييييييييييي

اختبااااري قررررررررررررررب

[أم فيصل]

لا مانسيناك بس العيد وحوسته ..

اصبري شوي

[مذهله]

الحقوا علي بالمقادير اختباري بكره....

[иσᴚч ♥~]

يادنيتي يامذهله الله يوفقك ياقلبي اعرف السبنغ رول بس قصدي حشوتك دجاج والا جبن؟؟؟

إذا ممكن تصوريلي حلاك عشان أعرف وشلون أساعدك من خلال شكله

[أم فيصل]

يؤ يؤ يؤ ..

راحت الأيام ..

خلاص اختبرتي ؟

معليش مررررررررررررره نسيت

شوفي يا مذهله ..

مقادير حشوة السبرنغ رول :

كرنب مبشور + جزر مبشور + حبة ماجي + صوص الصويا شوي بس + زيت

تحطينهم على النار الين تذبل وبعدين تسكرين النار وتضيفين عليهم علبة جبنة تشدر مبشوره

وبس

وتحشين فيها السبرنغ رول

واحسن نوع الكرامه

وفي الإختبار افضل شي تاخذين علبتين عشان ماتتورطين لاتصير خربانه ولا شي ..

لأن اذكر وحده من البنات كان عندها طبخه فيها بف باستري وماجابت معها الا علبه وحده ..

ويوم فكتها لقتها متلازقه وعيت تنفك معها

الله يوفقك ويسهل عليك يارب

[أم فيصل]

هذا موضوع فيه طريقة حلا الفيمتو ..

ان شاء الله يعجبك ..


http://sudeer.com/vb/showthread.php?t=50756

[иσᴚч ♥~]

طمنين عن أمتحانك يامذهله أن شاء الله زين؟؟؟؟؟؟