الشاعر -عمر حمد الناجم

[ولد الجيران]

بسم الله الرحمن الرحيم


السلام عليكم ورحمة الله وبركاته


هذي القصيده للشاعر الكبير عمر الناجم نشرت يوم الجمعه 1/3/1424هـ في جريدة الجزيره وأحببت أن أقدمها لكم :

ياليتني ما أوحيتها منك يازين= يا شينها لا جت من اللي توده
ما أخفيك سر عقبها هلت العين= دمع المعنى سال من فوق خده
يالصاحب انقلبت علي الموازين= قصر الغلا في القلب أشوفك تهده
أرخصتني وأغليت ناس رخيصين= ما ذكر في شرع الهوى والموده
امنول عن كل هرج متعلين= واللي نوانا نوقفه عند حده
واليوم وين أنته وأنا يالغضي وين=عندي وكني مبعد عنك مده
طاوعت من وده فراق المحبين=وأصبحت تايه بين جزره ومده
كانك تبي الفرقا فلا أنا بقاوين=حبل الرجا من بيننا لا تشده
الحب دين ولازم توفي الدين=وقلب خذيته يا أريش العين رده
رده عسى يرجع على الحب قلبين =الخل يا خلي لخله مرده

الشاعر - عمر حمد الناجم - الجنيفي بسدير

[ناصر الحنو]

الله الله الله

قصيدة تنبض بالشعر والجزالة

صح لسان الشاعر عمر وسلمت اخوي ولد الجيران على نقلك الرائع

تنقل لقسم عيون الشعر فهو القسم المختص بالمنقولات وليس قسم بوح القوافي الذي يختص فقط بقصائد الأعضاء

كل الحب والتقدير

اخوك ناصر
ظماالعشق