مرثية الشاعر ناصر السعيد في محمد بن سعود السلطان وابنه عبدالله رحمهما الله

**سعود الخليل** · 13-11-2008, 10:07 PM

هذه القصيدة في رثاء
محمد بن عبد العزيز بن سعود السلطان وابنه عبد الله "رحمها الله "
الذي وافاهما الأجل يوم الخميس 8/11/1429هـ

علم لفاني

[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
علـمٍ لفـاني يحـر الكبد جـزاني =والعين عافت لذيذ النوم مـا جاها
الله يجـبـر عـزاكم يا آل سلطاني=فجيـعـةٍ مزعت قلبي ولا انساها
هلت دموعي على خدي و الاوجاني=اوجـس بقلبي لهيب النار يصلاها
لاراح قـرمٍ رفـيع القدر بكاني=يهـز روحٍ طـواها الهم واشقاها
مـير القدر لا حصل ما عنه هجراني=مـا قدر الله يجي للنفس ما اخطاها
المـوت لا بـد يـاتي والعمر فاني =ذي سنه الله على المخلوق واجراها
سبحان من في يده دورات الازماني=الواحد اللي يقيم الناس واحصاها
دنـياك كـم فـرقت ربعٍ وخلاني=لو يبتـسم سنها ياسـرع مبكاها
العمـر زهر نبت في جال غدراني=لو طال لابد شمس الصيف تقفاها
مـير الصبرواجبٍ لا جتك الاحزاني= والعـين مـا ردت الاقدار ببكاها
يـالله يالمـقتدر ياعـالي الشـاني=يا عـالمٍ بالخـلايـق وانت مولاها
تجـزي محمد وعبد الله بالاحـساني=وتـغمـد ارواحـهم بالخير تجزاها
في ضـل عرش الولي روح ورياحني=في جنـة يا سـعد من حل مرباها
يا لله عـسى قبورهم جنه وريضاني=يـالله يـاعـالمٍ نفـسِ ونـجواها
و صـلاة ربي عـدد هطال الامزاني =عـلى نـبي ٍ سنا الدعوة و جلاها

ناصر بن عبد الله السعيد
[/poem]

**سعود الخليل** · 13-11-2008, 10:30 PM

حمد

حياك الله ،،،، ومشكور على تواصلك يالغالي ....

**عبدالله الفـارس** · 14-11-2008, 01:23 AM

الله يغفر لمحمد وابنه ويجبر مصاب أحبتهم

صح لســان أبو عبدالله

دائماً حاضر و وافي

يعطيك العافيـة يأبو عبدالعزيز

هلاليه جلاجل · 14-11-2008, 01:39 AM

[align=center]
الله يغفر لهم ويرحمهم
ويلهم أهلهم الصبر والسلوان
صح لسان أخونا الشاعر ناصر
مبدع كعـــــــــــــادته

جزيت الفردوس الأعلى أخي راعي الأوله
[/align]