قصيدة من فتاة قالتها حينما عرفت ان

ثاااااامر · 01-04-2003, 10:06 PM

هذه قصيدة من فتاة قالتها حينما عرفت ان حبيبها تزوج عليها

[(( القصيدة مؤثرة و بليغة في الوصف ))[/]
[c]============================[/c]

جاني الخبر يا صاحبي واظلم الكون
قدام عيني ثم نطقت الشهاده

على العموم اقولها الف مليون
مبروك من قلب شكالك ابعاده

مبروك ولايهمك سواليف وظنون
من عاشق يهديك فرحة فؤاده

سو الفرح اليوم وابليس ملعون
واللي يشب النار يجني رماده

انا اول العالم على القصر يلفُون
اول معازيم الفرح والحداده

ابشر انا بارقص على العرس بالهون
وكل يعبر فرحته باجتهاده

لو البلا رقصي يقولون مزيون
المشكله القلب يفضح وداده

يوم العذارى في دخولك يغنون
وعروستك باحلى ثواني السعاده

كنت اتمنى بدالها والله اكون
واحط انا كفي تحت راسك وساده

وشلون ابكتم صرختي يوم تمشون
تكفى 00 خذني للعروسه قلاده

حتى معازيم الفرح قاموا يمشون
واصبحت انا وحدي بدون استفاده

وطفوا علي النور من غير يدرون
قصر الفرح يا قبر (منيرا) ومهاده

وصيتي لو جاك بنت وانا امون
سميتها لك (منيرا) قبل الولاده

**سعود الخليل** · 01-04-2003, 10:54 PM

مشكور أخوي ثاااامر وما قصرت على جهودك الواضحه لتقديم كل جديد ..

تحياتي.

هوجاس · 02-04-2003, 08:03 AM

قصيده معبره اخوي ثااامر

ما اقول الا الله يعينه هالضعيفه

الله يرزقني بوحده مثلها

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
كنت اتمنى بدالها والله اكون=واحط انا كفي تحت راسك وساده
[/poet]

ثاااااامر · 02-04-2003, 01:43 PM

مشكور أخونا (( من التويم : هوجاس ))

على هالطلّة الحلوة

[c][gl]تــحــيــاتـــي لــلــجــمــيـــــــــع [/gl] [/c]