مادام ابو متعب يقود الطوابير

[محمد العبيد]

هذه القصيدة شاركت بها عندما دعاني الأخ/ سعود عبد المحسن الشبانات
في منزله العامر على مأدبة العشاء التي أقامها على شرف سمو الأمير/
عبد الرحمن عبد الله آل سعود

بسم الله القادر ومنه المقادير=يعلم دبيب النمل وسط الظلامه

تحفظ وطنا والرجال المناعير=حكامنا حتى تقوم القيامه

ما دام ابو متعب يقود الطوابير=الحاكم العادل سنام الزعامه

فحنا بليا شكٍ او ريب في خير=يقولها شاعر يثمن كلامه

دستورنا القرآن وفيه التباشير=واضح وبين مايغير نظامه

في بلادنا تسمع تلاوة وتكبير=وناسٍ تميز بالحلال وحرامه

ياسيدي ياسعدها روضة سدير=ومن الفرح كلٍ عليه إبتسامه

يا مرحباوعداد شوف النواوير=واعداد ما ينشي السحاب وغمامه

في بيت اخونا سعودمن دون تقصير=وكل عسى ربي يعلي مقامه

جينك وانا كلي مشاعر وتعبير=وبداخلي حب الوطن واحترامه

يامير مهما صار او عاد بيصير=الصف واحد مستحيل انقسامه

وجيتك هي اكبردليل وتبرير=على تكافل شعبنا والتحامه

والطيب مانستغربه منك يا امير=هذا نهجكم يوم وقت الامامه

لكن عسى الله لا يبدلكم بغير=انتم حماة الدين وانتم حسامه

تمت واقوله مثل كل الجماهير=الموت دون الدين ومس الكرامه

والخاتمه صلو على هادي الخير=محمدعليه ازكى صلاة وسلامه

[عبدالله الشويمان-الرعد]

صح السانك خوي محمد العبيد..

قصيده جزله من راس جزل,,

وتعبير عن مواطنه صادقه..

دمت بخير وصحه وسلامه

[قلم رصـــاص]

وعليكم السلام و رحمة الله و بركاته ,,

ماشـاء الله

صح لسانك أخوي محمـد

على القصيدة الجزله ولاهي غريبه منك ياشاعرنا المتميز

لاتحرمنـا من إبداعك ,, شكراً لك

[ذياب العصيمي]

أخوي الشاعر محمد العبيد صح لسانك


واصل الله يحفظك......................

[abo ferass]

[align=center]

كالعادهـ قمهـ في الابداع

شكراً لك ابوعبدالمحسن
[/align]

[ناصر بن فهاد]

عليه الصلاة والسلام


وصح الله لسانك


وافي وجزل بيض الله وجهك

وتقبل تحياتي

أخوكـــ ناصر بن فهاد

[محمد العبيد]

هلا بخوي ناصر اشكرك على المرور ............... تقبلو تحياتي.