(ألا ليت الزمن يرجع )

[همي بحر]

ألا ليت الزمن يرجع ورى

وإلا الليالي تدور...

ويرجع وقتنا الأول وننعم في بساطتنا

زمان أول أحس إنه زمان

فيه صدق شعور

نحب ونخلص النية وتجمعنا محبتنا

زمن مافيه لاغيبه ولاحتى كلام زور

ياليته بس لو يرجع ونسترجع طفولتنا

صغار وقلوبنا بيضا تعيش بعالم محصور

ولانعرف أبد أغراب ماغير عيال حارتنا

صحيح صغار في التفكير لكن ماعلينا قصور

نخطط نكسر اللعبة وتسعدنا شقاوتنا

نروح المدرسة بدري ونضحك داخل الطابور

نحاول نزعج العالم بروحتنا وجيتنا

وعشان نأخر الحصة نخبي علبة الطبشور

نشاغب بس في الأخر تميزنا براءتنا

نحب الضحك والبهجة نحب ننط فوق الصور

نفرفش ليه مانفرفش مدام الضحك عادتنا

ولكن دارت الأيام وبان الخافي والمستور

وصار الهم متعلق على قمة سعادتنا

كبرنا وصارت الدنيا تصف أحزاننا بالدور

وتهادينا الألم والهم غصب عن عين رغبتنا

تعبنا من بلاوينا أحد ضايق وأحد مقهور

وكلن غارق بهمه وبالآخر تشتتنا

وأنا ماقول غير إنه ألاليت الزمان يدر

ويرجع للورى فتره نعدل وضع عيشتنا..

للشاعر : فيصل اليامي

منقول

[بنت الاصول]

اخي الكريم همي بحر

[همي بحر]

شكرا لمروركم العطر

[عبدالرحمن الفهد]

كثيره احزان هالدنيا كثر هـذا الرمـل وادري

ابـد مايـوم انـا تهنيـت بايامـي ولياليـهـا

اعشم نفسي في بكره ولكـن هالبخـت عثـري

تعبت امنـي اقدامـي علـى بكـره بخطاويهـا

تعبت احلم واتوهم وضاع العمر مـن عمـري

كفايـه ماتـت احلامـي وانـا لليـوم أرثيهـا

دفنت بداخلي حلماً بنيته مـن عـرق صبـري

تخيل كم صبرت سنين وكـم طاحـت مبانيهـا

خلاص الوقت مايرجـع هـذا حظـي وقـدري

مـدام ان العمـر ساعـه وتحكمهـا ثوانيـهـا

[خفوق إنسانة]

همي بحر // الله يبعد عنك الهموم أخي الكريم
زمان جميل يكفي طهر القلوب وصفاءها
شكرا لهذا الاختيار
ننتظر جديدك ..

[همي بحر]

[جسار]

اوووووووه ليت الزمن يرجع كان اشتري اراضي اول بتراب الفلوس الاراضي ام الحين ماتقدر تشتري ربعه في زاويه

[همي بحر]

[خفوق إنسانة]

كثيراً م يتردد هذا البيت ع مسامعنا
وهـ نحن الآن نجده ع مرأة اعيننا من إنتقاء اخ مميز بذائقته
بإنتظار القادم منك ..