أخواني اخواتي أعضاء منتدانا الحبيب
بما إن الدراسه باتسر جبت لكم هالمويضيع عساه يجوزلكم
لاني شايفه كل اللي ينقال في هالمويضيع صدز ==> متأذيه
لحركات بعض بنات الجامعه
في الحقيقه والواقع ان فيه بنات الله يهديهم تصرفاتهم
ما كنهم بنات جامعه
وفيه حركات تصدر منهم تخلي الواحد يتعجب
أنا مو قاهرني الا اللي تجي بعد العطله وتسأل : وين سافرتووووو هذا الصيف ؟ وهي تقول : والله جالسين نحرس الرياض .. وانتو وين سافرتوا
تقول : والله ابوي حلف علي انه يوديني لجنيف بس أنا ما ودي مليت من تصفيط ملابسي دايم أسافر . . والله ودي أقعد معكم أحرس الرياض
=======
وبعد شوي تقول معك ريال ابشتري مويه والا جوالك شوي لأن جوالي عائلي
وين
أجل جنيف ياخرررررطي
والا اللي تجيك مشووووووووووووته تمشي مليون كانه عندها خبر وياويل اللي يجي قدامها تدوسه . . وتدخل القاعه وتسبق البنات علشان تحجز لخوياتها وخويات خوياتها وكل من يعز عليها واللي بعد قالت لها صباح الخير تحجز لها حق وواجب
وشلوووووون تحجز ؟؟
تطلع دفاترها وتحطها على الكراسي اللي حاجزتها وأذا خلصت الدفاتر طلعت الأقلام وأذا خلصت الاقلام طلعت البرايه أذا ما لقت شي فصخت شرابها وحطته والا شباصتها وفكت شعرها وحجزت الكرسي وبنت أمها اللي تشيلهم
والا اللي تلبس كعب وفاكه شعرها ودي
اقولها وش يقرب لك العريس؟؟
دقه يعني جايه لعرس
والا اللي تغثهم بأخوها كانو محد صار ولد الا اخوها
والبنات طايحن يشبهون أخوانهم بملحم زين ......
وحده الله يستر عليها تقول لي ان اخوي يشبه ملحم زين نسسسسسسسسسسسسسخه وحتى امي يوم شافته بالتلفزيون
قالت لي : مهوب ذا كانه دحيم أخوك ايش موديه لهذيك الديره قلبي حاسس انه ماراح ابها
ويوم قالت لي كذا وقلت في نفسي :الحمدلله يانفسي الدنيا لسه بخير يعني فيه سعوديين حلوين مهوب أشاعه
والمهم وأشوفه ذاك اليوم في المطعم قسم بالله ان سعد جمعه أملح منه ..
صدق سعد في عين أمه ملحم
والا اللي تنتظر عند البوابه لاهي اللي طلعت ولا دخلت بنات المسلمين يطلعون ماغير مطالع في أخوان البنات علشان
أذا صارأخوها حلو صادقتها بنات أخر زمن
والا البنات اللي تجيب معها زمزميه شاهي وقهوه ومعمول وفطاير وكيك وساندوتشات وبيتزا ولقيمات وكبه وورق عنب وتجمع صديقاتها ويأكلون كل هذا في البريك بس ويسدون الطريق
وبنت أمها تمر ألا أذا كانت سوبر مان
وموبس البنات عليهم ملاحظات حتى المشرفات تشتغل ماشاء الله شغلتين في وقت واحد مشرفه وخطابه
وتطلع البنت من محاضرتها علشان تسالها :انتي معرررسه... ؟؟
بنت مين انتي تقرب لكم فلانه وعلانه ووش يقرب لك أبوك
أنواع القلق فيهم ...
منقوووول يا جماعه