الموقف الثالث " صاروخ سكود"..!!!!!!!
ذهبت أنا والوالده وعائلتي الكريمه أبقهويهم في العماريه " في مخطط الرحاب الجديد " المهم كشتنا - حلوه كشتنا - جلسنا وخذ سواليف وقهوه وفصفص وبسكوت وشاهي إلخ ....المهم أنا الرجال الوحيد اللي معهم وكان الوقت بين المغرب والعشاء , يوم أذن لصلاة العشاء وأنااللي أقول لهم يالله نبغى نصلي في المسجد - طبعا أقرب مسجد لنا كان في محطه على الجانب الآخر من الشارع وفيها نقزة شبك وصبات وقطع طريق هاي واي ...المهم قلت نحمّـــل العفش ونصلي في الدرعيه , الزبده سرقــَــنَـــا الوقت بدون مانشعر إلا والمساجد تصلي , رحنا للدرعيه ووقفت عند مسجد هناك قالوا : أنت رح صل وحنا حريم ماتجب علينا الجماعه , قلت : حلو هالكلام ...
نزلت وتوضيت للصلاة , ودخلت المسجد وإذا الناس قد خلصوا الصلاة ومافيه أي جماعه , وقفت أنتظر أنتظر أنتظر , والأهل في سيارتي بالمواقف ينتظروني , وكلما شفت واحد حول باب المسجد سألته : صليت العشاء ؟ فكانوا يجيبون بالموافقه ...المهم ضاق صدري إلى أن رحت للموتر , وركبت وقلت لأهلي , فيه جامع الملك خالد في أم الحمام يصلي متأخر شوي - اللي إمامه الشيخ الكلباني - يمديني أحصل جماعه , و أحط رجلي من الدرعيه لأم الحمام و أوقف عند المسجد وإذا الناس تفرقوا , رحت دخلت المسجد - طبعا متوضيء في الدرعيه - و كلما شفت واحد حول الباب سألته : صليت العشاء ؟ - لوّي أشحذ!!!!
المهم انتظر انتظر انتظر , تدرون ليه ماصليت لوحدي ؟
7
7
7
7
7
7
7
7
7
7
7
7
7
7
لأن معي أهلي في السياره مابعد صلّوا فإذا مالقيت رجاجيل --->>>> أصلي بالحريم جماعه!!!!!
ويوم طلعت خارج المسجد وإذا شاب يمشي جاي من بعيد , وأنا انتظره وأنتظره شفقن عليه!!
طبعا الأبواب حقت ساحة المسجد أغلقت وقفلوها - قفلها السوداني المسؤول عن المسجد وهذه الأبواب هي اللي تدخلنا لدورات المياه كذلك , المهم قلت : يالحبيب صليت العشاء ؟
قال : لا.
بغيت أطير من الفرحه, قلت ياالله نصلي قال أبغى أتوضأ....
رحت معه علشان يتوضأ وأنا عنده بصراحه كنت حاس إنه بيطير!!!!!
طقينا الباب الحديد ولاأحد فتح - طبعا لأن الأبواب أغلقها السوداني وهذا الباب يؤدي للمواضيء ..... قلت : اصبر شوي , وأدخل للمسجد مع باب جانبي صغير وأحصل السوداني بيطفي اللمبات , قلت له : فيه أخ برا يبغى يتوضأ ويصلي معي , ليتك تفتح الباب له خمس دقائق واحتسب أجر الجماعه , إلتفت علي وقال : ممنوع لأن الشرطه قالوا إذا قفلت لاتفتح لأي أحد ......
حاولت معه و رفض يفتح الباب الحديدي , رحت برا وإذا الرجال يحتريني ابتسمت قلت له : يكفيك قارورة مويه معي في السيارة أصب عليك وتوضأ ...
قال : لا أبغى الحمام قبل الوضوء!!!!!!!!!!!!
هو قالها والله هدّ نفسيتي , والله إني بغيت آخذه معي لبيتنا أصلي أنا وهو وأرجعه لأن سيارته في الصناعيه حقت أم الحمام لكن أهلي معي .!!!1
تعبت نفسيتي - ماأدري هاك اليوم وش الحرص على الجماعه بزود - !!!!!
رحت للبيت و صليت بالوالده جماعه وأسأل الله أن لايحرمنا من واسع فضله , وانتهى الموقف