ماقيل في المـــراجل

[نور الأصايل]

يقول الشاعر : فهيد البقعاوي ، في قصيدته :

عمر المراجل ما تحدد بالاشكال

عمر العفن ماذاع بالطيب صيته

يبقى على ما قيل جماع للمال

ردي نفس ولو بحالك فديته

وإلا الرجل تعرف مباديه بالحال

تعرف بعد وشلون لا من نخيته

يعجبك في حاله وقوله والأفعال

يعجبك لا من جيت عاني نصيته

ذكرى بقى تاريخ عايش للاجيال

بعلومهم هي ساس مجده وبيته

هذا نعم هذا كفو طيب الفال

هذا الذي من شان طيبه هويته

أما الشاعر : راكان السبيعي فيقول :

ياللي تبي هرجٍ يجيك بمتمّه

ترى المراجل ما تجي بالسهالات

لاتتبع اللي في دروبه مذمّه

أعرف ترى طبع الردي فيه شارات

جمع الدراهم والملايين همّه

ولا حط له في مرقب الطيب رايات

وأن كان ما فوّر من الطيب دمّه

وش ينبغابه عند وقع المهمات

لا تمدحه هذا بوصّيك ذمّه

ما يمدح اللي ما ارتكى للثقيلات

الى قوله

ما يعرف الرجال غير بمهمّه

وإلا الرخا كل العرب فيه باشات

أحدٍ يساويله من الطيب أمّه

وأحدٍ عدد فالناس يملا فراغات

وأحدٍ رقا بالطيب في راس قمّه

وأحدٍ بنفسه ما رقا للصعيبات

وأحدٍ لاجا طاريه كلٍ يذمّه

وأحدٍ فخرنا لا ذكرناه بأبيات

[يمامة الوادي]

أبيات رائعة

سلم من كتبها

وسلمت أنامل نقلتها

((أخي نور الأصايل))

جزاك ربي كل خير

[نور الأصايل]

المشاركة الأصلية كتبت بواسطة يمامة الوادي   أبيات رائعة سلم من كتبها وسلمت أنامل نقلتها ((أخي نور الأصايل)) جزاك ربي كل خير

جزاك ربي الجنان وعفو الرحمن
أشكر مرورك

[عبدالرحمن الفهد]

لـــولا المـواقف ما عرفت نور الأصيل والرجــل يعرف بالشدايــد والافعــــــال


أنا اشــهـــــد به نـــــاس وقت البهاذيــل لاجــــد وقت الجد تطـــرى على البـــال


من يعجبــــونڪ في جميــع المداخيـــل نـــاس ٍ تعـــز الطيب من ڪـل مدخــال


وما ڪـل رجــــال ٍ يمـــــــد الفناجيـــــل يتبع دروب الطيب في ڪـل الاحــــوال


وترى العمـر ماهوب فـرق المشاڪـيل والهــــرج مايرفع من الناس دجــــــال


بعض الرجال ڪـبار لـڪـن مهابيـــــل المـرجلــــة ماهيب بالڪـبـر والمــــال


وبعض الرجــال اجسـام لڪـن تماثيـــل جســم ٍ ڪـبيـــر وداخلـه قلب تمثــــال


يملى عيونڪ بالشڪـل ڪـنه الفيــــل ولاحـــان وقت الجد ڪـذبت الاشڪال


ما ينفـعڪ وقـت الشقــــــا والغرابيــــل ياليت تسلـــم من ڪلامـه والاقــوال


ومنه يـظــــن إن المـظاهــــر دواليـــــل بـه ناس نقـص وتلبس شماغ وعقـال


والـــدلة اللي دون نــــــــار ومعاميــــــل ماتسقـــي الخرمـــان لو ربع فنجـــال


وبعض الرجـــال يڪيـد لڪ بالمحابيــل يخفي بضحڪه لڪ من الحقـد زلزال


الســـن ابيــض لڪـن القلب ڪالليــــل ماڪل من يضحڪ معڪ يسعد الحال


ولولا الحسـد والبغـض والقــال والقيــل ڪان العــرب صارت على قلب رجـــال


هذا ڪــــلام الحق من غيـــــر تبديـــــل حبيت اقــول الصــدق والصـدق ينقـــال


اقبـــل ڪلامي فيه بعـــض التفاصيــــل شــي مجـــرب ماخرصتـــه من البــــال


ولـولا المواقـف ماعرفت نور الأصيل وڪان استوى بالهرج خايب ورجال

[كـل ـآلغلـآ]

خي الفاضل نور الاصايل :

سلمت اناملك على النقل الرائع

ابيات جميله تحكي الشهامه والرجوله

وانت اهل للمراجل والطيب

جزاك الله خير واسعدك في الدارين ..

[وفاء قلم]

في خاطري حكي كثير ..
وبداخلي من الهرج واجد
لكن الوقت مهو ياصاحبي وقت الحكي
والهرج لو بحت به كان يتغير من الشيء الكثير
ياصاحبي هرجي عن اجيال نرتجي منهم دفاع وحفظ اعراض المسملمين
لكن وقتنا حتى الرجال اصبحوا من ناقصي العقول
والمرجله ماهي مثل اول غض البصر والعفه وحفظ الجميل
المرجله اصبح لها معنى ومفهوم جديد
المرجله ناس مبنطله وللكدش هم كبير
المرجله امواعد للقاصرات في جنح الظلام وستر ليل
المرجله اصبح مجرد اسم (ن) لشخص ما يعرف غير العطر والطرف الكحيل



سلمت ذائقتك اخي الفاضل ...

[صياد دمشق]

مشكور وصح لسان قايلها والله يعطيك العافية ياابو المراجل كلها يانور الاصايل وبارك الله فيك

[نور الأصايل]

شكرا لمرورك اخي العزيز عبدالرحمن الفهد
وإضافتك الوافيه
جزاك الله كل خير