صور من ربيع سد الصفرات الخميس 3/5/1432 هـ

[فهد المنيع]

السلام عليكم
مساكم الله بالخيرات

أمس الخميس كان لنا كشته سريعة لسد الصفرات بعد ما سمعنا ان فيه ربيع ويستاهل العنوه . وماشاء الله ربيعه طيب وريحة الروض ترد الروح . بس بدا يعطش والغبار مأثر عليه خاصه مع كثرة السيارات اللي تجيه . والمكان بشكل عام صغير .

رافقني في الرحله اعضاء المنتدى (القناص1 ، رعشة شنب ، بريد الشفا)

الجو كان مغبر شوي لكن ما حرمنا الاستمتاع بالمكان .

صور من الطريق أرض شهبه

الوصول للسد

منظر عام للمكان

الربيع

وهذي مقطعين فيديو بالجوال

http://www.sudeer.com/images/R1.mp4

http://www.sudeer.com/images/R2.mp4

[سعود الخليل]

ماشاء الله تبارك الله ..

ربيع زين وقريب ،، يبي له زرقه هاليومين ..

عافاك ربي يابو فراس .

[الجنوبي 2000]

وين الموقع تجيه معه يا الغالي

والله ودنا بالقهوة فيه

وصراحة ربيع طيب ما شاء الله

ماقصرت وشكرا لك بو عبدالعزيز

[المكيظم]

وعليكم السلام

ومسيت بالخير والعافية كل وقت وحين

ماشاء الله أمتعتنا بهذا الموضوع

لاحرمت الأجر أخي

[عبدالرحمن بن سعد]

مشاء الله

ربيع طيب


واول مره اسمع عنه

بس الربيع يستاهل او مثل سالفة الرجال يوم الزياره

والله يوفقكم تقبل احترامي

[غلآ الروح]

مشآءالله تبآأإرك الرحمن ..

تقـريـر بصـرآأحـه رآأإئـع ..

>> والله اني عشت جووو في المقطع مع صوت العصآفير والهوى يهفهف يَ الله الجنه ..

بوركتَ على هذآ النقل الطيب .. ^^

لآحرمك الله دخـول جنـآأنـه

[عذبة الصفات]

ياحلوها الصفرات ديره خوالي
بس طبعا موب احلى من سدير






مشاءالله رووووووعه هالصوووره مره اعجبتني

مشكور على التقرير الرائعِ

[فهد المنيع]

المشاركة الأصلية كتبت بواسطة راعي الأوله   ماشاء الله تبارك الله .. ربيع زين وقريب ،، يبي له زرقه هاليومين .. عافاك ربي يابو فراس .

اجل هاليومين

بشرنا عساها زينة >>> من الموضوع للربيع

[فهد المنيع]

المشاركة الأصلية كتبت بواسطة الجنوبي 2000   وين الموقع تجيه معه يا الغالي والله ودنا بالقهوة فيه وصراحة ربيع طيب ما شاء الله ماقصرت وشكرا لك بو عبدالعزيز

غريبه ما دريت عنها على كثر طوردتك في البران

بالنسبة لموقعها فما يبي لها شي .. اذا دخلت الديرة القديمة حقت الصفرات رح يسار يوديك للسد . الربيع هناك .

[فهد المنيع]

المكيظم حياك ربي ..


عبدالرحمن الرجال مهوب يشوف زين لا يهمك هع هع

[فهد المنيع]

غلآ الروح ترى الصوت دبلجه عشان نسوي جو للمكان .. ومشكوره على الرد


قمر الزامل حياك الله ومشكوره على التعليق ,,

[سعود الخليل]

هع ما من صبر طال عمرك

[الجنوبي 2000]

يا سلام على التوصيف يا قلبي

هههه

الصفرات هذي مع خط الرياض القصيم ومتجه للرياض

لاني ما قد جيتها

اوكي فهد وضح من تمير هههه

[فهد المنيع]

المشاركة الأصلية كتبت بواسطة راعي الأوله   هع ما من صبر طال عمرك

والله التماسيح ههههههه

وعصام يضحك بعد


عليكم بالعافيه وان شاء الله جاز لكم ..

[فهد المنيع]

المشاركة الأصلية كتبت بواسطة الجنوبي 2000   يا سلام على التوصيف يا قلبي هههه الصفرات هذي مع خط الرياض القصيم ومتجه للرياض لاني ما قد جيتها اوكي فهد وضح من تمير هههه

اللي مثلك شينه يوصف له ------> المهنـة : مدير شركة ((دجو))


تجي من تمير وتقطع السريع باتجاه القديم واذا وصلت تروح يسار كنك تبي الحسي الين يجيك مخطط الصفرات الجديد اسأل عن الديرة القديمة وبالتحديد السد ويوصفون لك .