آه ياللقافة

[قلم صريح]

بطريقة مبتكره و صناعة وطنيه ميه في الميه
واحد يسوي إحصاء لعدد الملاقيف في قريه و في نفس الوقت يتخلص منهم ,
إختار بير مهجور بعيد عن القريه و بجنب طريق يمر معه اهل القريه علشان يروحون للقريه الثانيه.
قعد يدور على البير و يقول " مافيه أحد , مافيه أحد "
مر مع الطريق واحد من أهل القريه وشاف هالرجال اللي يدور و يقول " مافيه أحد مافيه أحد ...... "
تركه وراح وخلص شغله ورجع و لقى هالرجال يقول " أربعه , أربعه , أربعه .." أستغرب و قال وش سالفة هالرجال خل أروح أشوف , جا لمه و قاله وش سالفتك
رحت و انت تقول مافيه أحد و تدور على البير رجعت و انت نفس الشيء بس تغير كلامك و تقول أربعه ؟ قال تعال طل وشف ,
طل و دزه وسط البير , و أستمر يقول " خمسه, خمسه , خمسه .... "
خمسة ملاقيف وسط البير
***
العبرة :
وش عليك مني وش اسوي و لا وش أقول

[بنت الاصول]

والله مو حلو اضحك على الناس

أبوك ياللقافه

[قلم صريح]

المشاركة الأصلية كتبت بواسطة المطمئنة   والله مو حلو اضحك على الناس أبوك ياللقافه

حياك الله ,
صحيح إنه ماهو حلو و لا قلتا إنه حلو , و لكن يقولون وش حدك على المر قال اللي أمر منه .
القصة إن هالرجال تشوهت سمعته و طلقت منه زوجته اللي يحبها بسبب لقافة الملاقيف و ناشرين الإشاعات الكاذبة الخسيسة و مدخلين خشومهم في أمور خلق الله و يبي يتخلص منهم علشان غيره يعيش في سلام ,,

[لواء العز]

صباح الخير,

اللقافة زينه أحياناً. شف لقافة بعض منسوبي هيئة الأمر بالمعروف والنهي عن المنكر مثلاً !

[قلم صريح]

حياك الله يارائع
هذولا يؤدون واجب لخدمة أمة و أنا خوك و كبح فساد و ليس لغايات دنيئة , ثم أنهم يسترون و لا يفرحون بما يُلاقون .
الشاهد في هالناس اللي مشغلين أنفسهم في التبلي على خلق الله بمقابل قذف و نميمة و نشر إشاعات دنيئة .

[لواء العز]

الله يحيك ويبارك فيك. ودي أشاركك ما يدور في ذهني..

فاعل الخير يرتفع شأن صاحبه دائماً عند الخالق والمخلوق بعكس فاعل الشر. وكلا الجانبين فيهما المظهر عمله والمخفي عمله. المظهر عمله في فعل الخير ربما يقل أجر عمله للخير عن من لا تعلم شماله عما تنفق يمينه. في الجانب الآخر المظهر عمله في فعل الشر كمن يروج لهذا الفعل يأخذ سيئات أكثر من المخفي عمله. لا أحاول أن أبرر لذاك وذاك بل شرط الموازنة لابد منه ونحن نتعلم في مراحل حياتنا من كل شي. ولولا وجود الشر لما تعلمنا كيف نتقي منه و وجود الخير المطلق في الدنيا الدائم أمراً محال. لذلك يجب أن نكثف جهودنا لننزل بمستويات الشر في نفوس الناس ونرفع مستويات الخير. وتستمر الدنيا...

هذه القصة الممتعة عن اللقافة حمستني أن أستطرد في الحديث عن زاوية أرى أنهُ من الذكي طرحها والحديث معك عنها ^_*

[قلم صريح]

يقول المفكر إبراهيم البليهي ,
الأحكام المسبقة والتصورات الجامدة المستقرة تصيب العقل بركود فظيع تجعل من وُلد بقابلية ذكاء هائلة يتحول إلى إنسان بليد جاهز لإصدار أحكام خاطئة .

[لواء العز]

موضوعية البليهي وحديثه عن عمق العمق لطالما جذبتني مع أن أسلوبه لا يعجبني .. ربما لهُ مبررات لم يدركها عقلي حتى الآن .. وها أنت في هذا المتصفح تدعمني بهذه المقولة. أقول: صدق من كتب وأحسن إلي كثيراً من نقل.
هل أشكرك صاحبي أو نواصل الأخذ والعطاء في بقية الموضوعات وندردش ... لا. سوف أشكرك لأنهُ المستقبل غيب وربما لا نجتمع مرة أخرى.

[طيف الأمل]

مستغربه أستاذ ‏/‏ قلم ‏

إن مافي في البير ولاأنثى غريبه لأن اللقافه متأصله عندهم ويحبونها ‏

آآآه اللقافه عند الحريم تمشي في دمهم وخاصة في الأمور الجديده ‏

وهذا سوى اللي ‏ ريح ضميره ودزهم في البير وارتاح من لقافتهم ‏

بس ولو مستغربه يمكن من ضمن الخمسه حرمه ‏...‏ ‏

دمت بخير من غير لقافه ‏

[قلم صريح]

بالنسبة للحريم الله يعينكم تشوفون لكم بير ,
هو العدد أكبر من كذا بكثير , هذي شريحة بس ,
و لا أكثر ماكثر الله الملاقيف ,

[رحّال]

في اللغة اللقافة تأتي بمعنى الحذق.!
فكيف تغيّر معنى / مفهوم الكلمة إلى الضد؟!
أمر يستحق النظر.!
ثم مرحباً بك أيها الثَقِفُ اللََقِفْ.

[قلم صريح]

مرحبا باللطيف اللبق
اللَّقْفُ _ يقال: رجلٌ ثَقْفٌ لَقْفٌ: سريع الأخذ لما يُرمى إِليه , سريع الفهم , حذق
و هنا أخذت على أنها تلَّقْف أي أخذ الأمور بتعجل و تسرُّع و تلقفَ أي تدخّل بسرعة
قبل أن يتفهم الأمور بحذر و إنتباه .
و السائد عن الكلمة أنها فضول كما تعلم , و الله أعلم
حياك ربي

[كـل ـآلغلـآ]

اخي الأستاذ قلم صريح ..

يسعد قلبك على هالقصه فعلاً اللقافه احياناً

تكون نقمه على صاحبها مثل الخامس في البير

وش علينا من الناس وش على الناس منّا

لو كلن في حاله مانشغل باله

شكراً من القلب ..

[قلم صريح]

نعم يا أختي الفاضله
اللقافة إذا ماضرت مانفعت , راحت البال في أن يكون الواحد في حاله و يترك الخلق للخالق , و " الشفاحه " أن الواحد يدخل نفسه في اللي ماله فيه و معرفة تفاصيل تصرفات الأخرين و التطفل عليهم ,
حفظنا و ياك الكريم

[رحيق الياسمين]

يؤيؤيؤيؤ استاذى قلم انت جبت فاكهه الناس تخيل شخص يعرف خبر ما يروح يتليقف فيه كان يصاب با الجنون

من جد اذا جلسنا في مجلس اتحد حرمه ماتسال وش صار على فلانه

بس هذا خطير في البير الحريم وين نجرب معهم لانهم بيصكون المئه في دقيقه

بارك الله فيك استاذنا قصه تحمل الفائده