ياقلب ... وش فيك ؟

[فقيدة امها]

ياقــــــــــــــلب وش فيك

ياقلب

وش فيك يا قلبي من الحب وش فيك
خلك من اللي ماتنازل وخلاك


خلك عزيز النفس والحب شاريك
خل المعزة ترتفع يوم خلاك


يا قلبي لا تبكي ترى العين تعطيك
دمعه عزيزة دستها تحت ماطاك

يا عين

يا عين لا تشتكي للقلب ما فيك
لا تنتظري اللي من الحب يمحاك

ياقلب

خلك من اللي ما درى عنك جافي
خله يحس بقيمتك يوم ينساك


خلك مع اللي ما تجاهلك وافيك
ما ينشغل عنك على الدوم وافاك


ولا تلتفت يا قلب لمن كان واطيك
ترى ما يسوى من اليوم ماطاك

[عبدالرحمن الفهد]

ياقلب لاتشكي همومك على الناس
ماكل شخص(ن)يعذرك في مصابك

لاتسكب الدمعه على خد حسـاس
ولا تحرق اوراق الزهر في عتابك

ولا تضيق الصدر المولع بالانفاس
ولاتقطع عروق(ن)بكت عند بابك

ياقلب ولله مابقى بعيني انعـاس
يومك شكيت الحب محد(ن)درابك

النار ماتحرق سوى رجل من داس
وللي كواه الحب يفهـم خطابـك

قبلك شرب مجنون ليلى من الكاس
واليوم نفس الكاس تسقى شرابك

ياقلب اعرف معدنك معدن الماس
توفي لحبيب الروح لوهو رمابـك

ياقلب خلك بالشدايد قـوى بـاس
لا تلتفت للجرح لوهـو سطابـك

ياقلب لا تسقي عروقك من الياس
وخل الامل والصدق دايم زهابـك

مادام طاحت فاسك اليوم بالـراس
اعذر جميع الناس واخفي عذابـك

[صياد دمشق]

مشكورة فقيدة امها وصح لسان قايلها قصيدة جميلة جدا

[خفوق إنسانة]

ابداع لايوصف بذائقة رائعة ..
بشغف لجديدك ..

[فقيدة امها]

المشاركة الأصلية كتبت بواسطة عبدالرحمن الفهد   ياقلب لاتشكي همومك على الناس ماكل شخص(ن)يعذرك في مصابك لاتسكب الدمعه على خد حسـاس ولا تحرق اوراق الزهر في عتابك ولا تضيق الصدر المولع بالانفاس ولاتقطع عروق(ن)بكت عند بابك ياقلب ولله مابقى بعيني انعـاس يومك شكيت الحب محد(ن)درابك النار ماتحرق سوى رجل من داس وللي كواه الحب يفهـم خطابـك قبلك شرب مجنون ليلى من الكاس واليوم نفس الكاس تسقى شرابك ياقلب اعرف معدنك معدن الماس توفي لحبيب الروح لوهو رمابـك ياقلب خلك بالشدايد قـوى بـاس لا تلتفت للجرح لوهـو سطابـك ياقلب لا تسقي عروقك من الياس وخل الامل والصدق دايم زهابـك مادام طاحت فاسك اليوم بالـراس اعذر جميع الناس واخفي عذابـك

بورك فيك وفي حضورك أخي الفاضل عبد الرحمن الفهد

بارك الله فيك وأدام قلمك وإضافتك الرائع

شكراً لك وأسأل الله لك التوفيق

[فقيدة امها]

المشاركة الأصلية كتبت بواسطة صياد دمشق   مشكورة فقيدة امها وصح لسان قايلها قصيدة جميلة جدا

أنرتي صفحتي بكرم حضورك أخي الفاضل صياد دمشق

سعيده جداً بــــ إطللتك بارك الله فيك وأسعدك ربي

لك شكري وتقديري

[فقيدة امها]

المشاركة الأصلية كتبت بواسطة خفوق إنسانة   ابداع لايوصف بذائقة رائعة .. بشغف لجديدك ..

غاليتي خفوق

عمق مودتي لتواجدك الجميل

شكراً لك من القلب لعطر مرورك