يمه تعالي ....

[شذى العبير]

يمه .. أنا مالي في هالزرع مقيال ... يمــــه ربيع الكون ماهو بعيني

ماشاقني طفلٍ وأنا صرت رجال ... وأطلقت بـــــــالأيام مهرة سنيني

يمه رضيت بكل مايرضي الحال ... بس الزمــن بــالحيل يلوي يميني

نوّخت فكري لــلتواضع ولا زال ... وجعلت فـــــي وكر الكرامه جبيني

ومديت كفينـــي عطا تشعل اشعال ... أصابعي شمـــــع لمن هو يبيني

وجعلت فــي قلبي للأحباب منزال ... وسكنتهم رغــــــم علي عاذليني

طبعي كذا ، ماخالطه خبث واهبال ... أشـري الذي في خاطره يشتريني

يمه ، أنا في عالم الحب مرسال ... تكـــــفيني من نار العذاب ادركيني

كنت أذكر البسمـه على شفاة الأطفال ... كانت تحرك كل الأفراح فيني

صمتي قتـــــل في داخلي كل الآمال ... وتبـــــــخرت أحلام أول تجيني

كنت أحسب الـــــدنيا قصيدة وموال ... موالها فــرح ، وفرحها هجيني

لكن نـغمها ماطرالــــي على البال ... ان اللـــــــــيالي بطبعها تكتفيني

يمه ، جهلت اسنين ، وسنين أطوال ... أمشي وتصفق في هواها يديني

أطرد سراب وداخل الأرض زلزال ... آه الـــــــظما يقتل سنابل حنيني

يمه كفوف البرد ماتدفي الشال ... أرمـــي الزمان وبالحنان احضنيني

يمه شكيت ومابغيت أشكي الحال ... صوت انهتف في داخلي سامحيني

[هبوب .الشمال]

[align=center]يمه .. أنا مالي في هالزرع مقيال ... يمــــه ربيع الكون ماهو بعيني

ماشاقني طفلٍ وأنا صرت رجال ... وأطلقت بـــــــالأيام مهرة سنيني
سلامت يداك

وقصيدة جزلة

كاملة متكاملة


مساحة واسعة من الشرح

والانسان لابد يكون يرضى بالقسمة والنصيب والقدر على الجميع

و من عرف اللة تهون مصيبتة والقصيدة تووضح معناة الشاعر

من خلال مايحدث لة وهذا امر طبيعى لانة جزء لايتجزء من المخلوقات

ولابد ياخذ قسمة من السعادة او من العذاب الخ

شذى العبير شكرلك على هالبووح[/align]

[شذى العبير]

العفو بس الموضوع منقول (( ))

[هبوب .الشمال]

طيب اكتبي

منقووووووووووووووووووووول

[بن جعيثن]

أختي شذى العبير...

يعطيك العافية على هالقصيدة...

[راعي الروضة]

الاخت : شذى العبير

شكراً لك على الاختيار الرائع وهذا يدل على ذائقتك الفذه.


(( يمه كفوف البرد ماتدفي الشال ... أرمـــي الزمان وبالحنان احضنيني ))

لاهان القائل..ولاهان الناقل.

أخوك : راعي الروضة

[فهد المنيع]

صح لسان الشاعر


والقصيدة للشاعر علي عبد الله ..


مشكرة شذى على الاختيار الجيد ..

[شذى العبير]

العفو وشكرا أخواني على الردود الطيبه

[وراءالكواليس]

تسلم يديك يا شذى العبير


فعلا قصيده راائعه

[شذى العبير]

العفو وشكرا على الرد