وش رايكم في عجينه فطاير ما تخمر ابدا ابدا اعجنيها وحشيها ودخليها الفرن

[الم وامل]

وش رايكم في عجينه فطاير ما تخمر ابدا ابدا اعجنيها وحشيها ودخليها الفرن.
المقادير:
في خلاط الطماط (بيالة زيت+ثلاث ملاعق اكل حليب بودر+ثلاث ملاعق سكر+2 ملعقه خميره فوريه+واحد كاس طحين انا حطيت الطحين الكويتي لكن حسب المتوفر عندك+1ونص كاس ماء ويفضل دافى )
هذا كله في الخلاط يخلط منن 7 الى 10 دقائق وهنا السر يعني لازم من 7 دقايق وفوق مو اقل بعدين اذا خلط طلعيه من الخلط وحطي عليه 2 كاس طحين وعجنها حتى تتكون لك عجينة فطاير وعلى طول احشيها ودخليها بالفرن
وهي تصلح للبيتزا والفطاير والخليه
جربوها وراح تدعون لي واللي بيصلحها يقولي انتائج

[السنبلة]

[frame="2 80"]أختي (ألم وامل)

جاري التجربة..

ويا ويلك لو خربت..


تسلمين.. يعطيتس العافية..


* السنبلة *[/frame]

[miss sudeer]

اكيد ماتخمر مدام فيها خميره فوريه

تسلمين على العجينه اختي ألم وأمل

وننتظر منك المزيد

[سمسومه]

هلا والله بالغاليه (ألم وأمل)

قصدي هلا بالغلا كله....

ياسلااااااااام قضيت من الشكشوكه
عقبال العجينه إن شاء الله!!

شكلها والله عجينه سهله وحلوه وإن شاء الله بأجربها هي وعجينة سنبله
<<<الله من الفضايح خخخخخخخ

يعطيك العافيه أختي ولاعدمنا مواضيعك

تسلمييييييييين

[الم وامل]

مرحبا
السنبله
مس سدير
سمسومه

اشكركم على المرور واتمنى انشاء الله ان العجينه تظبط معكم وللعلم
تراني ما اعجن المعجنات الا بها الطريقه وصراحه الكثير ينجن عليها
بسم الله عليكم من الجنون

[أم فيصل]

مشكوره أختي ألم وأمل على هالعجينه بصراحه مجنونه

حشيتها سبانخ وباقيها صلحت به خليه بس بصراحه لذيذه وطريه تسلمين

فرحانه بطريقتي وكل ماصلحتها الكل يسأل عنها بس هذي غطت عليها الله يعطيك العافيه

على فكره أنا زوجة أبو فيصل !

[ربى الجنان]

هههههههههها أم فيصل تووني بقووول كيف أبو فيصل يتكلم على اساس انه حررمه الظاهر زوجته تكتب عنه........

[طرطشلي]

يعطيك العافيه........ بس الخميره الفوريه اسمها كذا؟؟؟ عاد عساها ما تكون زي الي اعتنا اياها السنبله ما مشت معي.... اتمنى الرد بسرعه يوم الاثنين القادم بسويها بيجوني معازيم ,,,, وياليت احد يرقعنا بعجينة البيتزا اكون له شاكر وممنون.. وانا كم مره طلبت كيف يسوى المنسف ولا احد اعطاني خبر شكلكم ما حولك احد وانا اخوكم...


تحياتي