أنتشرحبك بجسمي لاوحتى في العظام
واختلط بدمي فالمعاليق يعدي
ياهيام في هيام في هيام في هيام
ياضياعي ياإتجاهي يادروب المهتدي
لوتذوق النوم جفني ماتهنى بالمنام
طاوله فيك الغرام وطاوله فيك سهدي
لك حبيبي في ثناياجوف هالقلب احترام
لك حبيبي قولتي لبيه اّمريابعدي
كيف اصبحك بسلام وكيف امسيك بسلام
وانت في مجرى وريدي مع سواقيه تغدي
لك عيوني لك حياتي لك سنيني لك مقام
لك حلالي لك فؤادي لك ورودي وشهدي
فوق كفك دق حنا والبلا فعل الزمام
والحلا ليل تسلل فوق الامتنان اجعدي
لاطويل ولاقصيروياحلوزين القوام
جل من صورك والله في غرامك مولدي
مالقينا لك شبيه في غناديرالشوام
ومالقينا لك شبيه في بنات الاحمدي
انت دانه وانت اّيه وانت عشق المستهام
وانت نادر في عيوني ياعيوني وسعدي
وانت والله ياصغيرالحب من قبل الفطام
ماقصرت الفكردونك لا ولاضاع جهدي
انت امسي وانت انسي وانت جرحي والختام
وانت والله ياحبيبي شمعةاليوم لغدي
انت غاية مطلبي ياروح روحي والغرام
وانت شف البال والله وانت غاية مقصدي
احسدالبرقع عليك ولاحسدت الااللثام
كيف مايخجل وليله ماغدى عنه اجودي
فوق خدك حب خالك وازعلومنه العمام
كيف يقدريستبيح الخدياخدالندي
ترتدي ثوب الشرف والعزمن فوقه وسام
كيف مايصبح وسامك وانت عزه مرتدي
بنت شيخ ماتوانى مايفك الا الزحام
فزعة اللي ينتخي يصيح تكفى ياسندي
والحظيظ اللي قرب حظه من حظوظ الكرام
ماخشى شرالزمان ولاخشى الحظ الردي
اترك الواقع واعيشك في خيالي بانسجام
واربط الواقع باحلام الخيال السرمدي
مابغيتك فالظلام ولابغيتك في الحرام
مابغيتك غيربالعز الشريف المقتدي
مابغيتك بالتلاعب مابغيتك بالكلام
مابغيت الا اخوك يصيرخال لولدي
لك جنوني لك ظنوني ياحبيبي والسلام
وانت غالي ثم غالي ثم غالي ياسعدي..,,,
ارجو ان تتقبلو مشاركتي بكل صدر رحب ,,ولكم مني أعذب التحاياوالقدير
محبكم../ ســيــف ومــنــســف
18-07-2007, 04:13 AM
العرض العادي
