حصرياً وبالصور طريقة الصالونات فالحمام المغربي بالأعشاب والماسك المبيض ..

جود الخبر · 03-11-2007, 11:47 AM

[align=center]السلام عليكم ورحمة الله وبركاته

فالبدايه احب اسلم عليكم يا بنات يا حلــــــــــوات يا غرشـــــــــــــــــــــوبات يا عضـــــــــــوات يامنتدياااات سدير.

طبعاً الكل صار مبدع فالحمام المغربي التقليدي بس صارلت له انواع فالصالونات ..

1- الحمام المغربي التقليدي .. له سعر معين فالصالونات ، وصرنا كلنا نعرفه.
2- الحمام المغربي بالاعشاب .. فالصالونات له سعر اغلى من الحمام التقليدي.
3- الحمام المغربي بالاعشاب والماسك المبيض .. طبعاً هذا اغلى انواع الحمامات المغربيه فالصالونات والمنتجعات التجميليه، ويسوونه البنات في كووورسات العرايس.

طبعاً انا بحطلكم الطريقه الثالثه وهي الطريقه الاشمل لكل الطرق، واللي الكثير من البنات يجهلونها والموضووووع هذا حصري لعالم حواء ..

نبتدي ويا بعض بسم الله الرحمن الرحيم ...

مقادير الحمام المغربي

1- الصابون المغربي متوفر فصيدلاياااااات.

2- عشبة اداد عشبه مغربيه مبيضه بس سامه متوفره عند العطارين ونقدر نستغنى عنها لانه كثرة استخدامها تنشف اليلد،، وهالكلام عن تجربه يعني ما احط الرمسه وانا مب متأكده منها.

3- ليمونه

3- الحنا
اولا نخلط صابون الحمام المغربي + حنا + بودرة اداد (عشبه مغربيه مبيضه بس سامه) + ليمونه .. هذي طريقة الصالونات
اما انا اخلط صابون المغربي+ اداد+ نص ليمونه ما احب الحنا لانه يصبغ الجلد مهما يقولولكم انه ما يصبغ انا اقولكم انه يصبغ. وللخوات اللي مايتوفر عندهم الاداد عادي استخدامه مب ضروري ممكن بس تستخدمون الصابون المغربي بس ..

طبعاً يبلل الجسم كله بماي دافي ونخلط المقادير المحطوطه فوق في بعض وندهن فيهم الجسم كله بإستثناء الوجه.

------------------------------------

ثانيا انجهز غرفة البخار حق اللي عندها جهاز بخارنجيب شاش اللي يستخدمونه حق الجرررروح وتحط فيه اعشاب وهي روز ماري (اكليل الجبل او نعناع ناشف او ورد ناشف) وتربطووون الشاش.

هذا جهاز البخار نعبيه مويه ونحط فيه الشاش المربوط اللي فيه اعشاب

وفي ناس يسمونه جهاز الساونا..

انا عن نفسي اجلس فيه 10 دقايق لانه البخار يكون قوي وإذا كثرت اصدع.

واللي ماعندها جهاز بخار تربط الاعشاب بشاش وتحطه فالبانيو وتعبي البانيو مااااي ساااااااااخن عشان يتكون عندك بخار بالاعشاب فالحمام.

بعد مانخلص من البخار نغسل الخليط من عالجسم بماي فاااتر ونبتدي ندعك الجسم كله بالليفه المغربيه باستثناء الوجه ندعك وندعك بس بحنيه وبتشوفون الجلدالميت يطيح شرات الخيوط

الليفة المغربيه العاديه

الليفه المغربيه الخاصه بمنطقة الظهر متوفره عند محلات تجهيز الصالونات طبعاً هذي ليف اختي هي تشتري وانا آخذ منها خخخخخخخ

-----------------------------------------
في ناس تكتفي بحمام البخار بالاعشاب تتسبح بصابون الطاووس بس وتخلط الطين (الغاسول متوفر عند العطار) + ماي ورد لين تصير عجينه وتنفرد عالجسم عسب تتسكر مسامات اليلد.

انا عن نفسي مايعيبني الطين وما اكتفي هني اكمل بالماسك المبيض.

اتسبح بصابون الطاوووس اللي بحليب الشوفان

---------------------------------------

الماسك المبيض اللي كل الصالونات ومراكز التجميل تتكلم عنه وماتقول هو عباره عن ايش انا بقولكم عنه هو كريم كاب سنفره ومبيض للجسم ..

ندهن الجسم كله وتتركينه لين ينشف وعقب تغسلينه..

---------------------------------------

آخر شي ترشين جسمك كله بمااااااااااي ورد باااااااااااارد علشااان يسكررراالمسامات وفي ناس يضيفون العكر الفاسي في ماي الورد علشااان يورد جسمك.
-----------------------------------

طبعاً ما انسى شعري لازم ادلعه شوي ..

اغسله بشامبو واحطله حمام زيت احب نوووع العسل وااجدددددددد...

واعرضه لشوية بخاااار بجهاز البخار.

--------------------------------------

طبعاً هذي طريقة الحمام المغربي بالاعشاب والماسك المبيض اللي يسوونها فالصالونات ومراكز التجميل حبيت اراويكم اياها بطريقتي عن طريق لسبا المتواضع الصغيروني اللي فالبيت (مسوتلي سبا حق عمري) خخخخخخ والله احسن من الصالونات لانها اغراضك الخاصه ومحد بيستخدمها غيررررك..

واسمحولنا عالقصور .. اختكم جوووووووود الخبرررررر [/align]