هذي قصيده من اروع القصائد بصراحه بالنسبه لي اتمنى تعجبكم وتقولولي رايكم فيها
القصيده مالها اسم بس انا حبيتها وسميتها (الى من يهمه الأمر)وهذي القصيده تقول@
ابي فارسن يسافربي على متن السهر والنور@يذوبني على صدره كما شمسن تبي لقياه
وأبي شاعرن يصورني ويكتبني سما وبحور@يقول الشعر بعيونه وبعيون الشعر أقراه
وأبي عابد يخاف الي حج لبيته المعمور@الى منه عصى ربه سجد باكين على رجواه
وأبي عاشقن يعاهدني عهود الوافي المأسور@يدوس النار لرموشي ولا يرضى أقول الآه
وأبي طاهرن مثل غيث السحاب العالي المغرور@عفيف النفس والنظره وحبه مالكن دنياه
وأبي قلب حنون ماتقصر نبضته بشعور@يتوج حبنا العذري بتاج روعته تزهاه
أميري وينها أرضك أبوصل قصرك المسحور@أبي موتي على صدرك أضيع برجفته ودفاه
أنا أدري بهالدنيا شباب يعشقون الحور@قليل اللي نلاقيهم هواهم صافين معناه
حبيبي يالمحال اللي أبيه ولا لقيت النور@شعور غامض بنفسي أحسك جالسن تقراه
أحس انه بيتحقق وأحس ان الزمن بيدور@وأحس إن الحلم باقي وأحس إني قريب القاه......
وسلامتكم حبايبي