رد على الشاعر الاماراتي

سليمان بن سريع · 11-02-2008, 04:42 PM

[poem=font="Simplified Arabic,6,darkred,bold,normal" bkcolor="burlywood" bkimage="" border="double,4,darkred" type=2 line=0 align=center use=ex num="0,black"]
حنا بخير ولا شكينا لك أوجاع = والمرجله ما تنشرا بالتجاره
ياللي تحسب المال هو رأس الأطماع = ضيعت درب الطيب لا واخساره
حنا سباع البر والسبع لا جاع = يشبع ولو يا كل من شياه جاره
حظ السعودي بالخبل جاله شعاع = ما بين مكة والمدينة وقاره
ودستورنا من محكم الشرع نباع = ركز وتفهم مقصدي بالعباره
وحنا وحكام البلد مثل الاصباع = ومن ينفث سمومه هدمنا جداره
تفخر بجمع المال يا خير جماع = وحنا فخرنا بالقيم والجداره
وبيتك قزاز مع الاضاءات لماع = احذر على غيرك تشيل الحجاره
يوم إن مثلك لا أكل وسخ القاع = حنا إذا كلنا كلينا الفقاره
الذم لك واللي على شرع أتباع = دايم وهم بين الخنا والحقاره
واستثني أهل الطيب في كل الأصقاع = ومن شق جيب الناس شقوا وزاره [/poem]

ناصر الحنو · 13-02-2008, 02:42 AM

هلا ومليون غلا يابن سريع
وياهلا بعودتك التي شرفتنا وافرحتنا بحق

غبت واشتقنا لحضورك
وعدت تحمل الجمال والشعر

رد وافي وكافي
وشعر يغرد بالجزالة وينبض بالصدق والأعتزاز

هو لايمثل الا نفسه وشعب الأمارات برئ منه
فمثل هؤلاء لايشرف الامارات ان ينتسب لهم
وتبقى مملكتنا بقادتها وشعبها فوق كل مهاترات سفهاء القوم

صح لسانك ولاهنت ياغالي
واتمنى ان تكون عودتك دائمة دون انقطاع
فمثلك نتشرف به وبتواجده

كل الحب والتقدير

اخوك ناصر
ظماالعشق

القيصـــر · 15-03-2008, 01:05 AM

بن سريع الغالي
نص راقي .. كرقيك
لاهنت وصح نبضك وقلبك
وحنا بخير وعافية
عسى الله لايغير علينا
موفق

عبدالله الصالح · 16-03-2008, 05:41 PM

[align=center]هههههههههههههههههههههه

ابن سريع صحححح لساااااانك ولاهنت

وسع صدرك يارجال ولا يهمونك

وانت قلتها في اخر بيت كل ارض فيها الطيبين والخيرين

والمثل يقول مايرمى بالحجارة الى الشجر المثمر

تحياتي لحرفك

اخوك[/align]