ياحسرتي على ذاك الجنز بس
<اقول اركد ابرك لك تراك في منتدى حونشيه وشو جنزه اركد بس
قبل سنه بالضبط ومثل هاليوم
جاني الشخص اللي قدر على وهزمني
لقد شوه حياتي
ايه جربوع الحماده الله يذكره بالخير
كنا اربعة شباب قمنا حول المغرب وشغلنا مانبي يردنا الا شقراء
ضفينا ع**تنا وركبنا موترنا ومشينا وما اذن المغرب الا وحنا على طرف بحيرة الحمادة العظيمه قاعدين نفطر
وانواع الفلة واللجلجه
افطرنا وعينا من الله خيرونروح نفر شقراء ونسعسع في اوشيقر وماهنا شارع الا ومسحنا كفراتنا فيه
كنا طغات ذاك اليوم والدوريات تطرد والا ماتطرد ماحولك احدمافيهم اللي يعرف يقضب الطارة
لين ملين من الدوجان
ويطري على بالنا نجربع
ونجيك مدرعمين مانعرف الديرة ولانعرف فيها شي
وننصا ارض المطار ونتدحوس فيها نلقا شي لكن ماش مهنا شي
وتخم على القصب نروح نجربع فيها(والله من القرادة)
ونمشي لها لين جت الحمادة على يسارنا وحنا اللي ننزل يمين على نزلتنا خطم في وجهنا تسيار جرابيع مدري هي الف والا اربع مية الف عددهم بين هالرقمين
ونزهم راعي الكشاف ويرتكز مع الدريشه يتصيد له جربوع من بينها
وفي هذه الاثناء نقزو اثنين شقرديه عصلان مصلان
واحد عيارته مرة بباي والثاني بعد مرة بباي مكرر
وهم وراه بس ماعندهم الا الدجه قعد يسحب فيهم لين داخ وهو اللي يبسط عليهم ويقلبها حبشه
ويفرفر فيهم بران شقراء والقصب ولو ان الوقت مهوب مصيف تسان دز بهم لرغبة
المهم الجربوع بسط على هالسلق اللي محولين له
وتقفل معي واطرده هو وياهم بالموتر بصيدهم كلهم ناويه بقوة
ويجيك الملعون ويديور من وراء قشعه واجيك ناطل بديور وراءه
7
7
7
7
7
7
7
7
7
ولاني طاب في ذاك الخفاس الارض مطينه والموتر غاطس
المهم اني ماعاد اقدر اكمل السالفه بروح الحق محاضرتي
07-12-2001, 11:08 PM
العرض العادي
