ابن حصيص

المغترب · 20-04-2003, 08:38 PM

[poet font="Simplified Arabic,14,black,normal,normal" bkcolor="" bkimage="http://forums.sdair.com/poetimages/27.gif" border="double,2,gray" type=0 line=200% align=center use=sp char="" num="0,black"]
هيّض ابن حصيص في تالي نهاره =الف قافٍ من ضميرة مدلجاتي
ياوجودي وجده مكسور الجبارة=آخذٍ تسعين ليلة مايباتي
أووجود اللي خذ الحاكم دياره =خذ حلاله والحريم مسلباتي
عقب ماهو تاجر وراعي أماره =صار فلاّحٍ واموره هيّناتي
ارتحل ياحمود منبوز الفقاره =آركي وحبال كوره كالفاتي
آركي ومربِّعٍ عشب القراره=ما علاه الشدّ من عشر سنُواتي
ديرة بن ( ) مافيها صقاره=كود شيبانٍ وعجزٍ مدبحاتي
من خشوم كميت الى حدّ الزبارة=جعل تمحل والوشوم مربّعاتي
صاحبي ( بالوقف ) مدهاله وداره=ماسكن في ثرمدا والا مراتي
ولّعتني بالهوى والحبّ ساره=دلّهتني عن غنادير البناتي
ياحسايف بنت بن سلوم ساره=عند ابوها تدّرج مثل المهاتي
ريق ساره مثل شكر في غضاره=أو حليب ابكار عرب مسمناتي
والنهيد زبيديٍ في دعب قاره=في محير الما القراح مصلّعاتي
والثنايا قحويانٍ في زباره=زاهي نبته على كل النباتي
راس ساره ذيل شقراً وسط غاره=والجدايل بالرشوش مجدلاتي
والمطوّع لو يشوف خديد ساره=طبّق المصحف وعجّل بالصلاتي
ماذكر جارٍ ذبح بالحبّ جاره =بالمبيسم والثنايا المرهفاتي
حالفٍ بالله ما أنسى حبّ ساره *=كود أهل شقراء يخلون الصلاتي
لايمي يعطي حنيشٍ في خباره=سمّها يشظى العظام الصالباتي

[/poet]

المغترب · 20-04-2003, 08:45 PM

[poet font="Simplified Arabic,14,black,normal,normal" bkcolor="" bkimage="http://forums.sdair.com/poetimages/27.gif" border="double,2,gray" type=2 line=200% align=center use=sp char="" num="0,black"]
يقول محمد ابراهيم العمار:
سلام الله على اللي من جماعة خير واجوادي=رفيقٍ لي من الغالين والاسرار يكتمها
سلامٍ عدّ ماشيفت بروق وماجرى وادي=الى هلت على صفراه سحّب من همايمها
حكيمٍ شاعرٍ يمه بحورالشعر تنقادي=ولا جاب القصيدة كنّ ابن لعبون ناظمها
صدوقٍ في كلامه مايعرف اخلاف الاوعادي=والى منه وعد يشفيك والكلمة يتممها
أنا ما اشجع الكوره ولا لاعب ولا نادي=اشجع شاعرٍ يعتب علىالكلمه يقومها
ابو عبدالعزيز لشرّد القيفان صيادي=دروس اهل الهوى والفن حافظها وفاهمها
تولع في القصيد ولايمه في مهنته غادي=ونفس اللي تولع بالهوى محدٍ بلايمها
الا ياليت من يالا عشيره غضّ الانهادي=ضحى الصيف الطويل او ليل بردٍ في نعايمها
ادوّر رغبته وامشي على كيفه ولا فادي=وابا اصبر كود هبات الفرح ترسل نسايمها
عيوني تذرف الدمعه وقلبي فيه وقّادي=وحالي كنها القدّه وهو ماهوب راحمها
شربت من القراده والشقا دلة وبرّادي=عقب هذا دروب الغيّ انا تراي رادمها

[/poet]

المغترب · 20-04-2003, 08:48 PM

[poet font="Simplified Arabic,14,black,normal,normal" bkcolor="" bkimage="http://forums.sdair.com/poetimages/27.gif" border="double,2,gray" type=0 line=200% align=center use=sp char="" num="0,black"]
ياحمامٍ فـ العاليا ساجعاتي=يوم جرّ الصوت يامحلى هديله
ذكّرني بالعصور الماضياتي=يوم كلٍ لاهيٍ يفلح نخيله
كيف تترَك هالنخيل مهمّلاتي=وجبة اهل نجد لسنينٍ طويله
يالله بنوٍّ مزونه ناشياتي=حزّة المرواح و اظهور المخيله
لا ضرب في الرمل همال الطهاتي=ينتق الجربوع من حدر النثيله
يم شقراء والقرائن مقبلاتي=حيثهن مدهال غرووشٍ حليله
ماخبرت ان الظبي يلبس عباتي=لين شفت الزين منقوض الجديله
الغزال اللي وصوفه كاملاتي=ناقضٍ راسه وفوق الراس شيله
مايوصّف جامعٍ زين الصفاتي=ماهقيت ان فالعذارى احدٍ مثيله
ياكبر همٍّ بصدري ياعناتي=ليت من هو ياصله يبرد غليله
صاحبي ماشفت مثله في حياتي=كن في ريقي من اجله حنظليله
ول قلبه يابسٍ مثل الحصاتي=مارحم حالٍ من اسبابه هزيله
ودي بلاماه لو الودّ ياتي=مار مالي في ردات الحظّ حيله
صار هذا في سنينٍ فايتاتي=قبل عصر الحبس في سور الفليله
يوم نقل الما على روس البناتي=مابعد جا في المنازل ما عسله
كم تلاقينا على وعدٍ ثباتي=والمكاسب من هوى بالي قليله

[/poet]

**سعود الخليل** · 20-04-2003, 11:45 PM

ماشاء الله عليك يالمغترب إختيار رائع لشاعر متميز وبالفعل قصائد ابن حصيص رائعه ...

تحياتي.

هوجاس · 21-04-2003, 07:14 AM

[c]اختيار موفق كالعاده

مشكور يا المغترب[/c]

ابوعمر · 21-04-2003, 01:14 PM

ما شاء الله عليك أخوي الغترب.

اختيار رائع من عضو رائع.

تسلم.