طلب يالربع؟؟؟؟؟؟؟؟؟؟؟؟؟؟؟؟؟

[الملكي]

انا رجال اول مرة اكتب وتكفون لاتخجلوني:
احب اعرف وين مكان الحجل مع تحديد المكان ولو حصل رقم الاحداثيه
وشكرا

[المولع]

صدقني ردي هذا علشانك طلبت طلب ، لاكن اعذرني و انا اخوك ما عندي خلفيه عن مكان الحجل ، لاكن يمكن باقي الشباب يفيدونك ...

[مفتون صيد]

هلابك الملكي وفرصة سعيده الي جابتك تشارك معنا ......بس ترى طلبك اصعب مما تتخيل لسبب واحد وهو

كل انسان له في الصيد تلقاه محدد له مكان ومستحيل واتحداك انه يعطيك المكان بالضبط لانه يعتبر نفسه انه له ولا وده احد يشاركه علشان ما ينهيه عليه .......وانا صارلي مثلك بالضبط ......وغيركيذا الحجل من الطيور اللي اذا احد جاها في محل لها على طول تغير المحل ماتلقاها الا اذا كان الرمي عليها موهب واجد ... وكل يوم له مرعى ........ولكن دائماً يتواجد في الجبال والظلعان وخاصه اللي فيها تجاويف والصاده وعلى سبيل المثال شعيب صلبوخ انا مره وواحد من ربعي طردنا لنا فرق وعدده اتوقع ماينزل عن 20 حجله ...... والمره الثانيه ما لقينا الا 3 وبطلعة الروح ...الله يعينك صدقني بتتعب كثير الين تلقى واحد يعطيك الجواب

[أبو عبد الله]

اخوي الملكي
يا مرحبا مليون بالعضو الجديد اللي شرفنا وان شاء الله انك تكون من الاعضاء الدائمين في المنتدى
بس يا حبيبي الحجل من الطيور اللي كثيرة التنقل يعني ما تعرف لها موقع محدد ممكن اقولك موقع بس خمسين في المية ما راح تحصل ويمكن اجي بعدك واحصل ليه ؟
لان الحجل اولا كثير التنقل وبعدين الحجل من الطيور التي ترد إلى المياه يعني لو حصلت شعيب فيه ماء اعرف انه سوف يرد اليه حجل خاصة في الوقت الحالي اي في فصل الصيف وسيرد مع الحجل انواع اخرى مثل القطا والغطاط والقهد أو دجاجة الوادي وقماري محليه ماهي بالمهاجرة وغيرها من الطيور بس لو تعرف متى ترد
يعني الحجل يرد في الصباح الباكر على الماء والقهد يرد قبل المغرب بساعة
وتبي النصيحه اطلع وانا اخوك مع واحد له خبرة طويلة في الصيد وراح تتعلم طرق صيد الحجل ومواقعها زي ما تعلمت انا وغيري من الشباب
انا اعتذر عن تقديم الخدمة التي كنت تنتظرها مني لاني وبكل بساطه لست من اهل سدير ولا عمري وصلت الرياض الا مرة واحده وانتظرت في المطار لمدة ساعة فقط وواصلت رحلتي في طائرة خاصة إلى الجبيل اما ان كنت تبي محلات في المنطقة الغربية فابشر باللي يدسم شاربك بالحجل وبكل شي تبيه من صيد
تقبل تحياتي
اخوك ابو عبد الله

[falcon]

صباح الخير اول شئ هذا اسم الدلع حقي وش جابه لك بعدين جالسين يتدلعون عليك الشباب ابو عبد الله وربعه بس ان اقولك مكان الحجل وين ولا تقول لحد زين ( شعيب الروضة <ابوقاطور<الشوكي والشعبان الي قبله>القويطير< النميسه< شعيب جلاجل ابا المياه< مزرعة غويمض< ) وانا اتحداك اذا انك راعي صيد بس نصيحة لك لا تطلع الا معك ماء كثير وجوال والمكان الي ما فيه ارسال لا تروح له ترى العطش ما يرحم ويا كثر الي ماتو من العطش انا صراحة دايم اصيد الحجل على جدران بيوت بس منيب قيلن لك وين وبس

[اتيكا]

أخوي الملكي حياك الله وبياك.. ونتمنى لك بيننا الإفادة والإستفادة

إذا كنت تدور يأخوي حجل فأعلم أنك تدور التعب

وأحب أوضح لك أن الحجل موجود في سلسله جبال العرمه من الخرج إلى الزلفي

وزيما قال أخوي أبو عبد الله دور عن الأماكن الموجود فيها الماء

وتحصل الحجل حولها مايبعد يارد على الماء في الصباح الباكر قبل طلوع الشمس

وإبحث في الشعبان والتلاع الصادة التي لايمر معها سيارات

وترى سد بوضه والقلته مايخلون من الحجل


وتقبل التحيه

[مفتون صيد]

الملكي بعد ما سئلت لك عن موضوعك اجابوني بعض الشباب انها لقوها في وراط جهة ثادق حول ميدان الرمايه ..... شف تبي النصيحه والله ترى منصح لك ........رح لاي منطقه فيها ظلعان كبيره او جبال وتكون صاده عن الناس لانع ما يحب كثرة المراره عليه .....ومره انا مريت الظهر عند ابا القلمان ولقيت فرق خيالي وعقبها بكم يوم رحت ولا لقيت حبه وحده ........هي حظوظ واللي يعرف اماكنها يبي يصيد ....اهم شيء ركز على الجبال وكلما صارت الجبال اصعب في عينك صارت انسب وهاذي قاعدتي للبحث عن اماكنها لانها تحب الشيء اللي ما ياصله او ما يتحرك فيه بسرعه مثلها اي احد ووقتها قبل طلعت الشمس مع اول السفر او النور وقبل ما تحتر الشمس وحول مسيان اي اخر العصر اذا ابرد الوقت .......وراط انا متأكد فيها وهي اقرب لك بس اهم شيء خذ معك قارمن ..... ورتى موهب شرط من اول مره تبي تصيد يمكن تطلع خمس ايام ما تصيد وفي اليوم السادس تصيد 15 حبه لان زي ما قالوا الشباب تحب تتحرك بكثره ولا لها مكان محدد باستمرار الا مكان الماء
وعسى نكون افدناك