¨° التراث والسياحة °¨ نوادر- أدوات قديمة - قصص وقصائد من التراث - تبادل الخبرات و التجارب في مواقع وأزمنه و وسائل و طرق الرحلات البرية و الصيد ، والسفر والسياحة . |
|
أدوات الموضوع | انواع عرض الموضوع |
|
08-07-2013, 10:18 PM | #1 | |||||||||
المشرف العام
|
من سواليف الأولين>> لاتفوتكم ,,,
هذا ياطويلين العمر واحدن قال لاهله اخطبولي ودي أتزوج المهم ان اهله خطبو له وحدتن ماشاء الله تقول للزين وخر واجلس متسانك وتزوجوا وحطوا ذاك العرس الحنان الرنان وماشاء الله دخل على حرمته هو شافها والا ماشافها انقلب وجهه ما يدري وش جاه المهم من شافها قال .. الله واكبر تسنه الموت جاني ** يرجس بحجوله مدخلينه عليّا ومعطرينه بالزباد العماني ** تسنه جيفة في ( جيوبي ) منيب متأكد من اخر كلمه .. بس يعني من شافها وهو كن فيه الموت ماحبها ابدن ابد.. وانها مشخصه له وحاطه من هالعطر الزين اللي يقاله زباد عماني وهو كنه شامن ريحه شينه يعني من شده كرهه لها .. عاد هي يوم قال هالحتسوه ردت عليه وقالت الستر يا ابن حمود واعطيك مالي واربع ليالي لا تظهر عليه يعني استر علي جعلك للجنه يا ابن حمود واعطيك كل مالي واللي تبي .. وش بيقولون الناس طلقها في ليلتها لو اربع ليالي عاد بعض الاولين الله يصلحه مافيه رحمتن ابد قال .. والله لو تعطيني مال فردوس مع أباعر ما استر عليتس يعني منيب مقعدتس لو ليله عندي روحي الله يستر عليتس الاباعر .. هي البعارين .. ,,,,,,, هذي بعد وحدتن وش حليلها غنيه وعندها حلال ومال ومعرسه ورجلها يعزها ويحبها وهي تموت فيه دخل عليها يوم وهي تقرص على المقرصه بتزين له غداه .. قال يا ام فلان طالبتس وماترديني .. قال انت ماتطلب تام امر قال ابي بعض صوغتس واللي عندتس ودي اروح اترزق الله قال سم وابشر وهذا صوغي كله وتعطيه اياه ... ويروح الرجل بقوله يترزق الله هالحريمه وهي جالسه في يوم من الايام وتجيها حرمه قالت تدرين رجلتس وين هو؟؟ قالت ايه رايحن يترزق الله.. قالت الله يرحم حالتس رجلتس اعرس وانتي تقولين رايحن يترزق الله .. بعض الحريم الله يصلحهن ياحبهن للشر طيب دريتي عضي على شحمه وسكتي .. ماعلينا هالحريمه من ضيقتن جتها ياربي وش تسوي والقطي عبيتها وروحي في البر عند شجره وتقعد تبتسي وتبتسي وقالت .. صوغي غدا وابو عيالي تنكر ومافيكم يالنشاما من يجيبه طلع عليها واحدن من اهل الارض بسم الله العظيم الاعظم >> يعني جني وقالها .. روحي عليتس الله وامان الله ان ينكس صوغتس ورجلس راحت لبيتها وهي متروعه .. ويروح هالجني بسم الله ويلاطف الرجل وحرمته الحريمه غدت مهبوله وعجز هالرجل يقرا عليها ويعالجها بس ما من فود .. راح الرجل لحرمته قال سويتيها يابنت اللذينا قالت .. ما سويت شي هذا ربي راحم ضعفي ... هنا نشوف وشلون الحريمه ربي رزقها على حسن نيتها جعلها للجنه البارده .. وأموات المسلمين ... ,,,,, كانت حرمته طيبتن بالحيل وماجاه منها الا بنيه وحده ... المهم جاها مرض ومرضت ياعمري وتوفت .. وخلت بنيتن وحده هالرجل قال ورا ما اعرس غدي ربي يرزقني حريمه سنعه تداري بنيتي وتعاملها مثل بنتها المهم المره تعامل البنيه في حظرته معاملتن الله انها ولا راح الله يهديها بس.. دخل مره ولا شوشه بنيته طايره ويوم شافها ضاق صدره وقال .. يالجوهره راستس مشوش ومحتاس راح العميل اللي يعمله ويسويه والله لولا الحيا والخوف واداري الناس لاقعد على حيلي واعمله واسويه هذه قصص من بعض سواليف لأولين الله يرحمهم ويسكنهم الجنه .. |
|||||||||
09-07-2013, 01:15 AM | #2 | |||||||||
عضو سوبر
|
رد: من سواليف الأولين>> لاتفوتكم ,,,
ياحياة الشقى هالحريم مسكينات من يخلقهن ربي إلين يموتن
بس الي سالفتها طلع لها جني معليش اساطير وين عايشين فيه إحنا ..! وآخر سالفة ودي أدري وش صار على الحرمة طلقها أ ولا ..؟ فقيدت : مميزَه ماشَاء الله دمتِ طَاهِرة , |
|||||||||
11-07-2013, 01:21 AM | #3 | |||||||||||
المشرف العام
|
رد: من سواليف الأولين>> لاتفوتكم ,,,
شرفتني اطلالتك العطره غاليتي ودق والتميزاكتمل بمرورك العطر وتعليقك الجميل خمائل من الياسمين تعطر قلبكِ الطيب |
|||||||||||
09-07-2013, 01:27 AM | #4 | |||||||||
إداري سابق
|
رد: من سواليف الأولين>> لاتفوتكم ,,,
من جد عشت جو مع القصص |
|||||||||
09-07-2013, 01:43 AM | #5 | |||||||||
المشرف العام
|
رد: من سواليف الأولين>> لاتفوتكم ,,,
قصص رائعة فقيدة شكرا لك على اختيارها وجزاك الله كل خير |
|||||||||
11-07-2013, 01:36 AM | #6 | |||||||||
المشرف العام
|
رد: من سواليف الأولين>> لاتفوتكم ,,,
|
|||||||||
11-07-2013, 01:28 AM | #7 | |||||||||||
المشرف العام
|
رد: من سواليف الأولين>> لاتفوتكم ,,,
ولا حرمني منك ياغاليه ولا من قلبك الطيب سعدت بحضورك وتعليقك الجميل وقلمك الأجمل شكراً لك بحجم السماء وأكثر حبيبتي |
|||||||||||
10-07-2013, 12:22 AM | #8 | |||||||||
عضو مميز جداً
|
رد: من سواليف الأولين>> لاتفوتكم ,,,
صيد لذيذ ممتع يا مبدعتنا .. : وزاد من جمال تلك القصص أنها من البيئة القريبة .. كما وإن أسلوب كتابتها قريب من النفس .. وبالتالي فإنها تسكن العمق .. وتترك أثراً في منتهى العذوبة الجمال في نفس المتلقي .. تحياتي لك مشرفتنا المتميزة فقيدة أمها .. ولكل الأهل في المنتدى .. - |
|||||||||
11-07-2013, 01:49 AM | #9 | |||||||||||
المشرف العام
|
رد: من سواليف الأولين>> لاتفوتكم ,,,
حياك ربي أستاذ عبد العزيز العمران حضورك انار السطور وتواجدك وتعقيبك الجميل ارتقى متصفحي للأجمل تقبل مني جل التقدير وعظيم امتناني على تشريفك الكريم |
|||||||||||
10-07-2013, 02:08 PM | #10 | ||||||||||||||
كاتب مميز
|
رد: من سواليف الأولين>> لاتفوتكم ,,,
كل الشكر لك ..للأسف ايقونة الشكر مزاعلتني * والله يعطيك العافيه ..وفي القصه الاخيره مع الرجل وبنته .. تلاحظين الجلافه في التعامل واخفاء المشاعر يعني حامل هم كلام الناس عنه ولا حمل هم شوشو بنته وضيقة صدرها !!! ولو تلاحظين يمكن عاداتهم اول ان الواحد مايكون حنون مع اولاده عكس الان اللي الاب شوي ويدخل مع اولاده الحمام ( اكرمكم الله ) مع ان الكثيرين يسوونها ولا حرج * الف شكر
وكل عام وانت ِ بخير |
||||||||||||||
12-07-2013, 12:46 AM | #11 | |||||||||||
المشرف العام
|
رد: من سواليف الأولين>> لاتفوتكم ,,,
وانتي بصحة وسلامه ياغاليه
يمكن بعضهم يرجع ذالك الي نقص خبرتهم في مجال التربيه او مو متعودين على انو تكون فيه علاقه حب بين الأبناء والأباء بس مو كلهم فيهم جلافه بعضهم في من الحنيه مايكفي بلد وهذه لمسته في ابوي كان حنون علينا الله يرحمه ويسكنه الجنه اشكرك على تشريفك العطر نورتي متصفحي بمرورك الجميل دمتي بكل الحب |
|||||||||||
11-07-2013, 01:51 AM | #12 | |||||||||
عضو سوبر
|
رد: من سواليف الأولين>> لاتفوتكم ,,,
خَنقوْلكٌم سَالفَه مِن سيوالِف جَدتِي عَن الصَبر ومَن هَالكَلام يَاجاره أَعي وإِسمعِي تسمُعون أَنتم بَعد صح
تقُول فِي واحد أَرمَل يَبِي يتزَوج وقَال لأمه أَبي أَتزوج مِن بنَات عمِي مو عَم لَزم لا .. يقُول يمَه هِن زينَات وودِي وحدَه مِنهُم فرفضَـت أُمه وقَالت لا مَاتخِذ إلا بَنات وحدَه مِن جيرَانهُم أمهُم مَاشَاء الله عَليها تَربِية وأَبوهُم له صِيته وتجَارته مَاشَاء الله وبنَات عمِك مايعجبُوني هَذولِيك يعنِي أَحسن ذُوق .. رِده هَاته ملزَمه ماياخِذ منهُم ؛ وخَذ الي قَالت أُمه ولاحبَها أَبد تقُول جَدتِي بس الحُرمه سَنعه حببت نفسَها فِيه طَبايعهَا زِينه مَعه وهِي حابتَه ثمِين حبَها ...! وتقُولي سُوالِف مِثل كِذا وتقُول الرجَال منُول صَلفين يعنِي دَفشِين مو مثل الآن يرحمُون وحُرمته تحكمَه عَاد تعلِيقِي عَليها : هِي مَاصبَرت إلا أَنها حابتَه مو شطَارة فِيها لو إِنها ماحبَته طلعَت مِن بِيتها ولارجَعت ؛ وثمِين هِي مجبُوره تَصبر عَليه منول فقر مُو مثل الآن عِز ومعزَه , والشُور عِند البنت تضحك تقُول ولَو حَريم أول مُو مثل اللحِين قِلت بس لاتقنَعيني صَابره مِن رضَاء لا مردّها له وين ترُوح له ..! مايعجَبها كَلامي طبعاً , هُو مَافي سَالفه بِعينِها لكِن مَاقصَدت طَبع الأَولِين غِير يعنِي جَدتي تقُولنا أُحمدوا ربكُم ؛ وَلازم هِنا مسَاحة لجَدتي , |
|||||||||
12-07-2013, 12:54 AM | #13 | |||||||||||
المشرف العام
|
رد: من سواليف الأولين>> لاتفوتكم ,,,
هلا حبيبتي ودق
يتشرف متصفحي بوجودك وبوجوك سواليف جدتك وربي رووعه سواليفها الله يحفظها ويطول في عمرها ويخليها لكم يااارب ننتظر سواليف جدتكِ ؟؟ |
|||||||||||
12-07-2013, 02:29 AM | #14 | |||||||||||||||||||
عضو سوبر
|
رد: من سواليف الأولين>> لاتفوتكم ,,,
آمِين آمِين يَارب العَالمِين ويخَلي لِك والدِيك وكَل أَحبابك يَارب يَاكرِيم , بَركَه وبَس أَول يُوم رمَضَان زرنَاها حَسِيت بِ طعم رمَضان صِدق الله يخليهَا لنا ويخَلينا لهَا يارب , الله مِير يسَلمك كلنَا رَاعينَه مَاعلِيك , أَنرتِ يَالطِيفَة ,
إِي سُوالفهَا يُوم تهَاوشنِي عَلى شكل نَصِيحة ويُوم تَعطِيني جَوي تمتَلك مَهَارة فِي التَسلِيك , ويخَليك لأَحبَابِك يَارب , أَبشرِي مَاطلبتِ شَيءْ بَسير عَليها إِن شاء الله نُوبة ثَأنية وبكتَب قصصهَا إِن شَاء الله , الله يسعدِك فَ الدَارين يَارب , , |
|||||||||||||||||||
11-07-2013, 03:34 AM | #15 | |||||||||
إداري سابق
|
رد: من سواليف الأولين>> لاتفوتكم ,,,
سالفه جميله مثلك ودق ويخلي لك ربي جدتك ويطول بعمرها والله الكبير بركه في البيت |
|||||||||
مواقع النشر (المفضلة) |
|
|