الاخوة الاعزاء في منتديات سدير اود ان اقدم لكم اعتذاري الشديد لكافة اعضاء
ومشرفين منتديات سدير بخصوص القصيدة السابقة الفية سدير وعن ما سببته من جدل
ونقاش حول تواجد المشرفين ومتابعتهم وليس العيب ان يخطئ الانسان ولكن العيب ان
يتمادى في الخطاء وهذه القصيدة مره اخرى اليكم بعد التعديل امل ان تكون افضل من
سابقتها وتقبلوا تحيات اخوكم المبتدئ الشاعر ابوريان ( عادل عبدالعزيز الحسين )
[poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="groove,4,gray" type=0 line=0 align=center use=ex num="0,black"]
آلف أولــف واكـتـب الشـعـر بإيـجاز=واصــيغ آنا الآبــيات وادون الغــــاز
وان قـلتها بالـشـعـر في ناس اعزاز=ألـفــية واقـصـد بهـا ديــرتــي سـدير
وألـبا بـدون شـعـور وجـهـت عـاني=بعـد العــصـر للـصـاحـب اللي دعاني
ورفـيـقي اللي مـخــلص مــا يــداني=كــثـر الــحــجـج والمـتـبعـه بالـتعاذير
والـتاء تـوجـهــت بعــجـل يــم ثـادق=ومـصـفي الـنـيـة وبــشـعــور صـادق
وقــلت أتعــلـل عــنـدهـم فــي دقـايق=وانشد عن الـديرة وعـن مـقـدم الخير
والــثاء ثـوانـي بعـدهـا قـلـت ساري=بسري عــلى القـمرا وبـين الصحاري
وبـكـمـل الـمــشـوار بـيـن الـبـراري=وبـيـن الفـياض اللي زهـت بالـتـناوير
والجيم جاني من هوى سديرنسناس=يــوم وصـلت العــودة وديـرة دبــاس
وبعـد صـلاة الفـجر مع طـلعة الناس=لـقــيـت لـي عــودا يحـــب المـسايـــير
وقال الغـدا عـندي ولا تطـري اعـذار=وبـــسـبقـك آنا لــلدار وابــشعـل الـــنار
ومغــيـر آنا وإيـاك والــثالــث الـجار=وتـرى الغــدا جـاهــز ولا فـــيه تأخــيـر
والحاء حسبت الوقت وش منه باقي=ومـريـت بعـــشـيرة وشــفـت الــسواقي
واحـن لعـشـيرة إلى الـصـدر ضـاقي=وهــي ديــرة رجــال قــروم ومـناعــير
والخاء خـطر في بالي أروح لــتمـير=هي مــنبع للـخــير وهي مــسكن الـطـير
واريح الخـاطـر بـعــد هــا لمــشاوير=ووصـلت انا لـتـمـير في وقـت الاعـصير
والدال دعـوة من هل الطيب والجود=فــيـهـم كــرم وافــي ولا فــيه مــنـقــود
وذباحة الحـايل وريـح ازرق الـعـود=بـيــن الــتــمارى شــفــت كـل الـتـقـادير
والـــذال ذهــني شـــارد للـخــطـامة=آهــل الكــرم والجــود واهــل الــشهامة
وفيــها رجـال وصـفـهـم بالـنـشامة=هــي ديـــرة الـــوردي ونــاس مشاهــير
والراء ركبـت بموتري لدار الاخيار=دار ســـقــاهـا الله مــن خــيـر وامـــطار
ومعـروفـة بأسـم الجنـيـفي وعـطار=وهـم حـشمة للـضـيف مـن دون تقـصير
والـزاء زوال الشمس قـرب يغيـبي=ولــقـــيت بالعــطار مـــســك وطـيــبــي
ومن بـيـنهم ما فـيه شــي يعــيــبي=ويـعــجـز لــساني عــن كـثـير التعـابـير
والسين سـعـد اللي عــزومة قــوية=ويكــمـل الـمـشـوار عــقـــب ضـحـوية
ولاهـــل الجــنـوبــية الـيـن العشية=عـــشــية مــن بــعـدها يــكـمـل الــسـير
والشـيـن شـاقــتــني ديار فــسـيحة=من جـيت آنا الحـوطـة ونفـسي مريحة
ولقيت الكرم بأهل الوجيه السميحة=وطـبع الكـرم فــيهم تـساوى مع الغــير
وفي مقبلة شـفـت الـكرم والضيافة=واللي تعــنى لـــمـقـبـلة غـصـب شـافة
ولا نيب أجيد المدح واهوى احترافه=بـــس آن قــول الحـق ما يــزعـل الغير
والصاد صـوت للرعـد بـين الـمزون &&& يحـيي غـروس نابـعة وسـط الحصـون
وان جـاهـم الطـرقي تعــادوا يهـلون=وتسابـقـوا له واشعـلوا له مــباخــيـر
والضـاد ضــو تـشـتعــل ضــيـها بان=ولقــيت بالـروضـة شـباب وشـيــبان
وعـز الله انـي عــندهـم كـنت ربحان=فـي مـعـرفـة نـاس دعـوني بـتـقـدير
والطـاء طـلعـت وقــلت با ريـح البال=وبـلفي عـلى ديار وهي خـير مـنـزال
وجـيت الـتويم وقلت يا نسل الابطال=يا مركـييـن الـسـيف في وجه المغـير
وسـيوفـكم تـصـمد عـلى كــل غازي=ما قـلت أجامل وافـتخـر بأعــتـزازي
واللي عــناكــم بالــتــقــاديـر فـازي=وأمسى يـقول أبــيات شعـر وتصوير
والـظاء ظـلام الـلـيل قــرب يـزولي=وامـسـيت بجلاجـل وفـكري يجـولي
و ريحـت بالي من كـثـير الحـمولي=وامرحت بجلاجـل وحالي غدت غـير
ولقـيـت بجــلاجل ضيافــة بـلا حـد=ولا نـيـب اجـامـل بالـمدح واتعـمد
والعـصر وجهت اتمـشى على السد=واخـذت لي جوله بـعد وقـت الاخـير
والعـيـن عقب العصر قلت السلامة=مـن بـعـد مـا ودعـت ربع نــشـامـة
وربـع تحـفـوا بـي بـعــز وكــرامـة=واشهد شـهادة حق ما شفـت تــنفـير
وجــيت المـعــشـبة نـاوي بالزيارة=اسـتـرجع الـذكـرى بـوقت الحـضارة
وسـط الـنخــيل اللـي تــدلـى ثمارة=واطــالـع عــذوق عــلـتها عـصـافـيـر
والغـيـن غرد بالسماء طيرالافراح=طـــيـر ويــصـدح كـل مـا بـارق لاح
والمجـمعة تـزيــنت بأجـمل وشاح=ومااخـطيت آنالا قلت هي نجمة سـدير
والفاء فـتـني منـظر جـوي بالـليل=بـيـن الغــروس وبـين كـل الـمحاصيل
ويالله يا مـنـشي سـحاب ومخاييل=تحـفـظ ديـار سـديـر مـن شـي يــضـير
والقـاف قـرب ينـتهي بي مـسيري=مــن جـــيت آنا حـرمه بجـوا مـطـيري
وجـوا يـرد الروح ولا هو يضيري=وأمـسيت في حرمه بعـدها الـمسـايـير
والكاف كـونت بـمـسيري عـلاقات=والحـمـد لله مـا صـدفــت الـصـعـوبات
ولـقـيـت مــطـلوبي بكـل الزيارات=وبـزيـارتي لــسديــر خـيـر عـلى خـيـر
واللام لمـت شـمـل كـل الجـماعة=مـتـكـاتــفـيـن وكــلـهــم فــي سـنــاعـة
ومن لا يـجيد الشعريكفي سماعة=وانا كـتـبـت الــشعـر مـن دون تــبهـيـر
والميم من شعـري كتبت القصيدة=قــصــيـدة فـــيـهـا الـــمعـاني عــديــدة
وهوايتي بالشعــر مـا هي جديدة=بــس ان حـب ســديــر خـلانــي احــيــر
والنون نجم سهيل لا شع نورة=عــلى ريــاض ســدير وفــياض نـــورة
ووراط والـشـوكي تـفتح زهورة=يحـلـى لي المـكـشـات مـن دون تـعـكير
والواو وعـد قاطعـة ما نــسـيـته=ولـو كان حـب ســدير يـشـرى شـريته
ومهوب ودي بس غصب هويته=غــصـب عــلـي وكــل شـــي بــتـقــديـر
والهاء همومي زالت من البداية=وقـول الـشـعـر والـمـدح مـا هـو كـفـاية
وبكتب وبمدح دون مقصد وغاية=وهــاذي حـقـيـقـة لا تـغــزلــت بــسـدير
ويا سدير عشقي فيك ماله مثايل=ما قــلــت فــي جــده وابــهــا وحـــايـــل
وقمت اتغـنـى بـيـن ذيـك الحمايل=واجـر صـوت كـلـيـب مع ســالـم الــزيـر
والياء يارب تحفظ سدير من سو=وتعــمهــا بالخـــيـر وبـــطــيــبة الــجـو
وصلاة ربي عـد ما الخـلق صلو=عــلــى نـــبي مـــرســـل بالــتـــبــاشــير
[/poem]
شعـر / عــــادل عبد العزيز الحـــســين[/poem]