بيت القصيد للتعمير

[كـل ـآلغلـآ]

لا تقطع ارحامك ويشملك الوعيد
ولا تخسر الغالي ولا ترخص غلاه

واخوك لا تخسره لو انه عنيد
يخطي مية مرة وتسمح له خطاه

وان كان شد الحبل حاول ما تزيد
ارخيه قبل الشد يوصل منتهاه

ولا تنصحه وقت الزعل ما يستفيد
واعرض عليه النصح في ساعة رضاه

وليا طلب رايك عطه رايً سديد
وان ما طلبك الراي لا تبحث خفاه

واعرف ترى قرب المنازل ما يفيد
واحيان يبدي شي ما ودك تراه

لكن لا تقرب ولا تنزل بعيد
خلك على قول المثل حذفة عصاه

واحفظ حبال الود حفظك للوريد
اللي معلق فيه موتك والحياة

ترى الاخو مهما حصل يبقى عضيد
وترى عيال العم ما عنهم غنااااااه

الناس دايم ما تهاب اللي وحيد
اللي ليا منه وقف محدً معآآآآه

[صافي الود]

وش تسوي لو عشقت انسان ماهو من نصيبك
لا لك بهالوضع يد .. و لا له بهالوضع سبه !!
وشهو ذنبك لو غدى من بين خلق الله حبيبـك
تعرف إن قربه محال .. و قلبك مصمم يحبه ؟!
و انته متأكد و عارف يب يجي يوم و يسيبـك
يعني متوقع بأي لحظه يغيـب و تغتـرب بـه!!

[كـل ـآلغلـآ]

اللـي جمعنـا الوفـا واللـي يفرقـنـا
سيف الخيانه ونصل السيـف ونصابـه

ياليـتـنـا فالمـحـبـه ماتوهـقـنـا
ولاعرفنـا طريـق الحـب وأنشـابـه

بعـد بديـنـاه بالفـرحـه وصدقـنـا
انهايتـه جـات عكـس اللـي بدينابـه

تبـدل الـحـال مــدري ماتوافقـنـا
خلـي فتـح طبلتـه والنـاس كـذابـه

يـاذيـك الأيــام ماكـنـا تعانقـنـا
ساعة دمـوع الغـلا والشـوق منسابـه

مـرت علينـا الليـالـي ماتضايقـنـا
قـدام كلـن يضيـق وتقفـي اركـابـه

فـي سكـرة العشـق غيبنـا ولا فقنـا
الا بـعـد ماورطـنـا وبتلشـنـابـه

هبت علينـا الريـاح وبحـره أغرقنـا
لعـل مـن لامنـا بالـحـب يبـلابـه

ماعـاد فـي وقتنـا شـيـن يشوقـنـا
نركض ورى طب جرحن ضاعت أطبابه

عـزالله انـا مـن الدنـيـا تصلفقـنـا
واللي تعب ليـت وقتـه يدفـع أتعابـه

[كـل ـآلغلـآ]

انا والشعر فـي بيـت المعانـي
وروض الشعر من زهره عطاني


عبيـر الـورد واليشمـوم فيهـا
تعطـر مـن مطايبهـا لسانـي

ثمان شهـور والغربـة مريـرة

وميسمهـا علـى قلبـي كوانـي

وحدتنـي ظروفـي للمهـالـك
وسيف الوقت في دربه طوانـي

وصارت عيشتي من غير طوعي
وجور الوقت بجيوشـه وطانـي

اذا جا الصبح حارت بي هجوسي
واذا جا الليل جيش الهـم جانـي

ثمـان شهـور ماليـلٍ نسيـتـه
أعـد الوقـت فيهـا بالثـوانـي

ثمـان شهـور لكـن فالحقيقـة
تعادل بالسنيـن أجـزم ثمانـي

ثمـان شهـور وابغاهـا تعـدي
عسى يمكـن لعلـي أو عسانـي

ثمان شهـور ياذيـب الغـداري
اشوف الروح ضاق بها كيانـي

ودارت ضدي الحرب ورعدهـا
كما دور الجمل بيـن السوانـي

اكافـح رمحـهـا ولا المهـنـد
وانـا لادرع والساحـة بيانـي

وكل الجيش ينظـر لـي بعينـه
اشـوف انـه بطعناتـه نوانـي

يقـول القايـد لهـم ويعنـانـي
هذاك اللـي نبـي دمـه مهانـي

وانا من بينهـم عينـي بصيـرة
اشوف الـذل ودروب الهوانـي

وكانـت نظرتـي يـم الثـريـا
مابين الجدي وسهيـل اليمانـي

اساهر نجمهـا فـي كـل ليلـة
وبنيت بعالـي النجمـة مبانـي

وينهاني عن الهوجـاس ناهـي
وراع الطيب عن دربي نهانـي

وعشت ايام عمري فـي شماتـه
وصـار الكـل بلسانـه رمانـي

يقول الصاحب الوافي: علامـك
وش اللي منـه ياقلبـي تعانـي

اجامل كل مـن روحـه سعيـده
لاجل ترضى عيون اللي شراني

اجامل وابتسم واضحك واغنـي
وانا صدري به الضيق احتوانـي

اجامل واكتم الضيقـة بصـدري
وجيش الهم مـن ثوبـه كسانـي

اجامل هاجسي في كـل لحظـة
واقول اصبر على ضيم الزماني

اصالي لاهـب النـار الوشيمـة
وضيم الحزن من كاسه سقاني

حوادث تجعـل الدنيـا عجايـب
عساها درس للقاصـي ودانـي

وهذي قصتـي ياطيـر شلـوى
عسى مايرجـع المـوال ثانـي

وهذي قصتي ماانسـى خبرهـا
ولو طـال الدهـر والا نسانـي

ألا يـازيـن دارك يـاوطـنـا
ترانـي عاشـقٍ دارك تـرانـي

[كـل ـآلغلـآ]

فرحت لـك .. وأنـا معاليقـي حطـام

والصدر .. مـن مـا فيـه بيّـح كنينـه


فرحة يتيم ٍ .. ليلـة العيـد مـا نـام !

خـالاتـه , وخـوالـه .. مواعديـنـه


مواعدينـه بشـت .. وشمـاغ بـسّـام

ويلّعبونـه .. فـي مـلاهـي المديـنـه


مانـام .. واحـلامـه تـحّـراه قــدام

كنه يطـول أحلامـه بـ( راحتينـه ) !


صبحه تجّلا نـوره بـ/ عيـد الاسـلام

وقبـل يـروح المسـجـد : ملّبسيـنـه


جده مـا بيـن العيـن والجيـم والـلام

خلّـيـه يافـلانـه .. ولا تأخريـنـه !


تراقبـه بـ/ عيونهـا .. حـب وهيـام

وعيونهـا .. ممّـا تكـنّـه / حزيـنـه


"يعرض لها الماضي مثل عرض الافلام "

لـ.. ماضـي ابـوه وغـلاه وحنيـنـه


يرجيه لـ( سنين القسـا ) درع وحـزام

وجنـب ٍ علـى صكـات بقعـا يعينـه


ابـو ثـلاث أعـوام .. والا 4 أعـوام

يغار منـه البـدر .. مـن كثـر زينـه


صلّى وجاء وأمر الله اللي قضـى تـآم

ماهـوب داري عنـه .. زينـه وشينـه


بشتـه عليـه .. مهنـدم ٍ خيـر هنـدام

واللـي بـ/ عمـره .. كلهـم محترينـه


يوم اطلعـوا للشـارع انقسمـوا أقسـام

وأهـم مـافـي القـصـه ؟ ملّعبيـنـه


تداعـب رموشـه .. ذعاذيـع الانسـام

ويابردهـا .. يـوم آيبـسـت شفّتيـنـه


وعلى تـراب الأرض بأصبعـه رسّـام

أمـا رسـم لـه طيـر .. والا سفينـه


العيد طعمه كـان فـي الشـارع العّـام

ماهـوب عـن رغبـاتـه .. مقيديـنـه


رجـع ولكـن فرحتـه ضايعـه ( دام :

كل ٍ مشـى ) وأخـذ ولـده بـ/ يمينـه


صاروا خواله في نظـر عينـه اصنـام

آحيـوا بـ.. داخلـه الجـروح الدفينـه


ولا عنده الا أمـه ونـاب القهـر سّـام

جاهـا يبـي منهـا اليـديـن الأميـنـه


شعوره اللـي حـس بـه مثـل الإلهـام

وأول سؤال في بالـه : أبـوي وينـه ؟


سؤال : لكـن كـان مثـل النبـا الهّـام

لازال باقـي فـي المسامـع .. رنينـه


جته تعـدي , ماهـو تخّطـي بالاقـدام

وشالتـه بيديهـا .. وحـبّـت جبيـنـه


أبوك : جاء البارح وقبـل الفجـر قـام

وشرى لـك ألعـاب , وهدايـا ً ثمينـه


تراه حبّك وأنت غـارق فـي الاحـلام

وراح لـ.. دوامه , والشغـل مرسلينـه


لحظه .. وهو بيـن الحقايـق والأوهـام

والدمـع الازرق حايـر فـ.. مقلتيـنـه


يمّـه : تـرى مانمـت والعالـم نـيـام

ماجـاء .. ولا لمسـت يدينـي / يدينـه


مدام رقمـه معـك مـن بيـن الارقـام

بـ.. أكلمـه , يـوم إنـك تكلميـنـه !


طاحت ما كن آلها من الصدمـه عظـام

ولاعـاد فيهـا صبـر .. ولا سكيـنـه


قالـت بـدون شعـور وإدراك وإلمـام

أبـوك ! فـي تـراب القبـر دافنيـنـه


العام مات .. ومـتّ مـن موتـه العـام

وكنـي بعـد مامـات عنـي سجيـنـه


أبـوك جنـدي للوطـن ضـد الإجـرام

عـطـاك عـمـره دون داره وديـنـه


تفجّـرت مـن تحـت رجلينـه ألـغـام

ولاعاد لـي بعـده حصـون ٍ حصينـه


بكّت .. وطاح الدمـع مـن حـر الآلآم

وبكى وطاح الكـون مـن مـوق عينـه


كـل ٍ عذلهـا .. بيـن عاتـب ولــوّام

تصّبـري .. خلـي ضلوعـك متيـنـه


ماهو صحيح ان الضروره لهـا احكـام

اكبـر خطـاء يـوم إنــك تعلميـنـه


بـكـره تنسّـيـه الليـالـي والايــام

هو فيـه أحـد ينسـى حـدا والدينـه ؟


طير السعـد فـي عالمـه مابعـد حـام

والله يعـلـم وش تـخـبـي سنـيـنـه


أنـا كـذا ! ساكـت وصابـر ومنضـام

لكـن كـان الفـرق بيـنـي وبيـنـه :


الدمـع لـ.. عيـون الأرامـل والايتـام

ودمـع الرجـل ذل وهـوان وغبيـنـه

[كـل ـآلغلـآ]

الصيف قالو به طرابه ولذات
وانا كرهت الصيف ياعطلت الصيف

لو كانها بالحر قلنا سهالات
مير البلا فرّق قلوب المواليف

لو جيت اسافر به على غير مشهات
لو كثرت السفرات ماهي على الكيف

هذا يبي لندن وهذا الامارات
وهذا حجز للهند وهذاك لجنيف

وهذا يبي يخرّج حدود القريات
وهذا توّنس بالقريات وطريف

وهذا ولايعرف طريق الجوازات
وهذا يقظّي عطلته داخل السيف

الوقت ظايع في جميع المجالات
من فضل ربي منحسب للتكاليف

لاكن وقتي ماهو بمثل الاوقات
لي صاحبن فارق عيوني ولاشيف

مرات اقول اليوم فايت ولافات
راح الكثير ومابقا الا تناتيف

اضحك على نفسي واراوي مراوات
واغير ايامي واحّرف تحاريف

ياليت والله يسحبون الجوازات
والله كرهت الصيف ياعطلت الصيف

[صافي الود]

ياكثر ماجيت في بالي وانـا ناطـر
يمكن تحس بغلاك اللي سكن صدري
تـدري وشـ اللي يـحـز ويكسر الخاطر?
انـكـ تمر بـخـيـالـي وانـت ماتـدري!

[كـل ـآلغلـآ]

ياصاحبي من شوفتك صرت ممنوع
واللي بقالي منك ذكرى قديمه

حبل الرجاء في شوفتك صار مقطوع
والحال من فرقاك ربي عليمه

صار الحزن في داخل القلب مزروع
مصيبة الفرقا علينا عظيمه

كيف الصخر يبكي وتنزل له دموع
كيف الجبال الشم تبكي الهزيمه

وكيف إنكسر عظم من الكف للكوع
وشلون راح العمر من دون قيمه

هذا زمان فيه طامع ومطمو
حتى البشر تجهل دموع اليتيمه

الوقت يبقى والزمن فيه مشروع
نفس المولع في زمنا سقيمه

مطبوع في صدور الرياجيل مطبوع
بصدورهم تلقى الطعون الجسيمه

الذيب يعوي من عنا الوقت والجو
وأبا الحصيني يدوج في ظهر ريمه

الحكي ضاع ومابقى فيه منفوع
ماتت طموح الخلق رغم العزيمه

ياصاحبي من شوفتك صرت ممنوع
واللي بقالي منك ذكرى قديمه

[بنت الاصول]

يامل قلب تله الود تلي
تل الرشا من فوق ملحا جلاله


في غربها تسعين فري ومشلي
وتجفل اليا سمعت ضريس المحاله


من واحد طرق عليه يهلي
جدد جروح القلب مع ما مجري له



برمش العيون إللي هدبهن مظلي
ضاف على بيض المحاجر ظلاله



يابنت عيفي واحد مايصلي
تارك عمود الدين مالك وماله




عيفيه لو يفرش لك البيت زلي
من لايخاف الله حرام حلاله


خلي ملعن والدينه يولي
تلقين في نجد المسمى بداله



وعليك باللي للجماعه يهلي
إللي كما النبوه منارة دلاله


بالرجل ثنتين حداهن يدلي
ومن كبهن ماهوب وايا الرجاله


وأن كان مابه دين مع زين دلي
جعله من الدنيا تقطع احباله

[صافي الود]

انـا زعـلان منـك حيـل وشايـل لـك بقلـبـي عـتـاب
واتـمـنـى تحمـلـنـي مـثــل مـــا اتـحـمـل عـتـابــك
ترى بعض الصراحة جرح وثقل ونرفزه واعصاب
ابـي تسمـع كلامـي زيـن وتـمســك زيـن اعصـابـك
تعاهـدنـا انــا وانـتـه عـلـى إنـــا نـكــون احـبــاب
واحبـابـك هــم احبـابـي واحبـابـي هـــم احـبـابـك

[بنت الاصول]

بدأ الشتاء بلملمة أوراق الخريف المتساقطة ...
مستعدا للرحيل ..
لبث قليلا وهو مودعا ...
كنت بين ثنايا ليله الطويل أحيا ...
أقلب كلماتي يمنة ويسره ...
أوقد الشموع والأسرجة ...
,,,؛؛؛؛ وعلى خيوط من القمر المتسللة لي ...
أجمع أحلامي وأرتبها ...
أخلطها بشيء من الأمل قليل ...
لعل وعسى يكون لها نصيب من الواقع ...
,,, ؛؛؛؛ وكن الآن ...
من أين لي بليل طول ...
أنتظر فجره ... لأطبع على جبين الحياة بصمه ...
ليل رافقني به أرق ...
ونهار ... يرافقني به ذكريات على ضفاف نهر الحياة ...
تسكن ... ويجاوره نسيم مساء يلوح بالأفق ...
وعلى الجهة المقابلة ...
أنجم لليل ... سيكون عما قريب يتوسط السماء ...
هنا و هناك ...
صمت و كلام ..
حزن و فرح ...
قلم و ورق ...
محبرة وكلمات ...
سواء كان ليل شتاء أم نهار ربيع ...
هم رفقتي ...
ولكن ... وحدة تحضر وتغيب ...
وكلمات ترحل لزمن قد مضى ...
وأخرى تحل للآن ...
,,, ؛؛؛؛ عندما يسيطر الحزن على أركان يومي وليلي ...
عندما يكون للآه مساحة من يومي ...
عندما يكون للصمت بقعة ضوء خلال ثواني عمري ...
عندها ... تطرق الدموع أبواب المكان ...
لتعزف من حزني أرقى معزوفات ألم ... قد يسمعها بشر ...
تتراقص على أثرها آهات خرجت مع قطع من الروح ...
وكلمات من الزمان أضحت مجروحة ...
بين كفن وقبر ...
...؛؛؛؛ وأنا أرقب من بعيد أجمل وأروع ليلة ساهرة ...
جمعت بين ... دموع وآهات وكلمات ... وابتسامات ماضي ...
ورق بقبضة يدي ... ومحبرة تنتظر أن يفوح حبرها منها ... ليصل إلى شرايين قلم ...
ينتظر مداعبة وجه الورق ...
...؛؛؛؛ جمعت ما تبقى من رفقتي وعدت أدراجي ...
فليل البقية ما يزال طويل ...

[بنت الاصول]

الا انك تجد [ضجيجاً] داخل قلبك
أينما ذهبت..عيونك لاتحكي .. سوى الحزن
...تجلس,, وحيداحائرا , بأحزانك
محملا بهمومك وأشجانك]
في غرفتك لمظلمه
لاتسمع سوى ,, صوت وقع [المطر]
على نافذتك


تتناثر قطرات المطر بهدوء ورقه
وكأنها تهمس ,, في آذاننا بصوت تفاءلوا.,
مازالت الحياة مستمره ومازال ,, الأمل ,, موجودا
مازالت ,,تلك القطرات,, تنهمر
وتطرق نافذتك بلطف ,
فتذهب,, لتتأملها ,,عن قرب
وتقف,, أمام ,, النافذه. تراقب,,
جمال المطر
فترتسم عليك,, الابتسامه

[فقيدة امها]

منوره أختي الغاليه علي قلبي متصفحك ومنور المنتدي برجوعك لا

عدمنا هاااااااالاطلله ابداً هنا حبيبتي

بأسمي واسم جميع من في هذا المنتدي

أحر التحايا من قلوبنا

تحمل لكِ المشاعر

وكلنا سعداء برجوعكِ

مرة أخرى وتواجدكِ هنا

وكلنا أشواق لحروف قلمكِ

وفيض عطائكِ

لبيتتتتتتتتتتتتتتتت القصيييييييييييييييد ولنااااااااااااا

[عبدالرحمن الفهد]

بعد رحيلك ِ
ضاقت بي الدنيا
وأصبحت كثير التفكير
حتى من كان يعرفني
الأن صار يجهلني
كنتِ لي الأمل في هذا الكون
وبعد رحيلك ِ
تغير في كل شيئ لون
حتى الزهور التي كنت ُ أسقيها ذبلت
على فراقك ِ الأليم
والعصافير من على تلك الشجرة قد رحلت
إلى عالم النسيان
أريدكِ ان تعرفي بأنني إنسان
في أعماق أحشائي
مشاعرا ً وأحاسيس
ولي قلبا ً ينبض بأسمكِ
يصرخ بأعلى صوتة
أيرضيكِ خبر موتة
فأذن تعالي .. تعالي
إلى قلباً أحتواه الحنان

إن حبك ِ قد غرز سهامه في قلبي..
قلبا ً بلا عشقا ً وبلا ألما..
لا يستحق أن يقال له قلبا ً...
أهيم .... أي نعم
بحبكِ فقط..
وغيرة قد سقط..
رماح الغيرة تهاجمني..
فدافعي عني..
إلتقولي هاقد رجعت ياحبي.

[بنت الاصول]

المشاركة الأصلية كتبت بواسطة فقيدت امها   منوره أختي الغاليه علي قلبي متصفحك ومنور المنتدي برجوعك لا عدمنا هاااااااالاطلله ابداً هنا حبيبتي بأسمي واسم جميع من في هذا المنتدي أحر التحايا من قلوبنا تحمل لكِ المشاعر وكلنا سعداء برجوعكِ مرة أخرى وتواجدكِ هنا وكلنا أشواق لحروف قلمكِ وفيض عطائكِ لبيتتتتتتتتتتتتتتتت القصيييييييييييييييد ولنااااااااااااا

غاليتي وحبيبة قلبي فقيدة امها

لقد اخجلتيني بكلامك العذب والرائع

فلكي مني كل الشكر والامتنان على روعة بوحك فهذا ليس بغريب من اخت غاليه

وقريبة الى قلبي

بارك الله فيك واسعدكي دنيا وآخره ورحم الله والديك و اسكنهما فسيح جناته

الذين انجبو هذه الدرة الرائعة وفقك الله الى كل ماتصبو له نفسك يالغاليه

شكرا لك