:
:
[poem=font=",6,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لا عادها الله روحة يم القصيم= يا محمد الــداود فــــي ذاك المسا
وقفة صلاة العصر والله العليم= طلعـــــت منـــها يا رفيقـــي مفلسا
الوقفة اللي عقبها ما ني سليم= كـن الجبال السمــــر فوقـي جلسا
إن جيت أبقراء الفاتحه أنسى وأقيم= صــرت أتعــوذ من رجيـــم خنسا
أصبح لي الشيطان بالسجدة خصيم= شوفـــة .... كمـا صبـح بدا متنفسا
يومه ترجل واتجه خشيف ريم= متـوجه ٍ يختـــــــال لمصلى النسا
لا من مشت ما هيب تشبه للحريم = ما غير هي والريم بالحسن اكتسى
يوم التفت وأرسل سهوم من حميم= وأرسل سهام المــوت من عينه قسى
الجادل اللي صابني وسط الصميم = غيــره من الخفـــرات بالزين تخسى
الشوفة اللي عقبها حالي سقيم = بشـــر عسى قلبـــك بعد همه رسا ؟
وإن كان قلبك يا محمد ما يهيم = قلبي قسم بالله مــا لحظـــــه نسى
إن كان ما همك أنا جرحي شميم = لا والله إلا زادنــي هـــــــم وأســـا
البارحه حالي مثل حال اليتيم = اللي فقــد صدر الحنـــونـه ما أتعسا
طفل ٍ صغير بالمهد توه فطيم = يصيــح صيحـــات التعاســـه والأسى
وإلا غريق ٍ في بحر هم (ن) لطيم = يكابــد أمـــواج المحـيــط الاطلســـا
بأرفع يدين الذل للرب الكريم = وأعيش عمـــري بين يا ليت وعسى
لا عادها الله روحة يم القصيم = يا محمد الــــداود فــــي ذاك المسا[/poem]
وللإستماع للقصيده بصوت المنشد أبو سليمان .. على هذا الرابط ..
أخوكم عبدالله بن سعود