[poem=font="Arial,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ابحر الرّبان في وسط السفينة=لكن الذّكرى تجيبه من بعيد.
يذكر بْيوتٍ على اطراف المدينة=من لِبِنْ والسّقف من أثل وْ جريد.
ومكنسة من خوص وعيونٍ حزينة=وهامةٍ ينطح بها الوقت العنيد.
والعريش اللي بوسطه والسّكينة=وارتشاف الكيف مع هاك النضيد.
وجلسةٍ فيها سواليفٍ رزينة =وجمعة اخْوانه على هاك الصّعيد.
وشرشف امّه تنتشي فيه الخنينة=عطّرته دْموع للرّب الحميد.
آهِ يا أجمل سنينٍ من سنينه=لا ذكرها صاحِ وافرغها قصيد.
ينفلق صدره ويتْكاثر حنينه=زفرةٌ حرّى لها ذاب الجليد.
[/poem]