مدري في احد يعاني مثلي !!!!!!!!

[حلآهآ هلآلي]

السلام عليكم ورحمة الله وبركاته
مدري في احد يعاني مثلي ؟؟؟؟


البيت هاااادي وظلام رهيب وانتي دافيه في فراشك فجاء يوصل عقرب الساعه لــ 5:30 تبدا حاله الاستنفار في البيت طبعا انا برمجت نفسي من يوم احد يلمسني اقوم ماله داعي امي ولا اختي رايحه جايه لا انتي بتتهنين في نومك ولا هم بيخلونك يعني قومي بكرامتك احسن لاتجيك هوشه من هنا ولا هناك ..........طبعا حاله خاصه اناظر الساعه يمكن متقدمين دقيقه ولا شي نستغلها
المهم من الساعه نروح المدرسه تقريبا سبع الاربع كل هالوقت ولا يمديك تسوين شي خاااصه يبيلك عالاقل نص ساعه قدام المرايه ولا
مااكون انا

نروح المدرسه تدخلين الفصل حالات غريبه اللي شوي وتنام..
واللي تكمل دفاترها
واللي تبي تفلها الصبح <<<مروقين
واللي عندها هم اختبار
وطبعا ماتكون شنطتي اذا ماخذت جوله في الفصل كل يبي ياخذ شي واجب تكملت دفتر تحديد اختبار ب

عدين يجي وقت العذاب وهو الطابور نوقف ساعه علشان هالاذاعه وتبدا الدوريات بالدوران والتفتيش عالجاكيتات والشعر والشباصات والشرابات يعني بالعربي ينفضونك نفض
واذا خلصت الاذاعه تبدا المعركه اليوميه علشان نقول النشيد الوطني تبدا المديره بالتهزيئ وبنت ابوك لا تقولين
وبعدها نمشي مشي العساكر لا احد يطلع من الطابور ناس يلفون وناس على ماعليه ونبدا المشي طبعا احنا اخر فصل يعني ابو الملل

نرقى فوق يبدا الغثا عالاصول اول حصه احياء تدخل وتشرح وتمزح معنا شوي يعني تقريبا الوحيده اللي تفتح نفسك بس المنهج مايساعد ابد
تطلع تدخل الفيزياء وتبدى الفلسفه وتقعد تقول هذي المسأله نفسها اللي خذتوها في اول متوسط وهذي في ثالث متوسط<<احنا مانتذكر درس امس تبينا نتذكر درس اول متوسط وتلف راسنا لف بالمعادلات السخيفه ولا احد يكتب وهي تشرح ولا جنت على نفسها ترن تطلع السبوره مليانه وانتي اكتبي
تدخل اللي بعدها استاذه العربي وتبدا تهوش وراء ماتكتبون بسرعه << نلقاها منك ولا من اللي قبلك وعاد هاتي بالوعود اللي بتتكلم بكلمه تنقص درجه << ياساتروتبدى تشرح وهي اصلا مو فاهمه وش تقول تقرا وبس
ترن الفسحه طبعا لازم هي مستحله خمس دقايق من الفسحه واللي فيها خير تتكلم
نطلع متأخرين نشتري مع فوج البنات تونا قاعدين ترن خلصت الفسحه
نرقى الا الاستاذه مرابطه عند باب الفصل وتناظر يله بسرعه ؟؟
ونفس معاناه اللي قبل
تدخل الرياضيات وتسوي بترفع معنوياتنا تقول الباب هذا سهل الثاني اصعب ويروع وطويل وماتأسستو زين وهاتي تنكيد وكدر ونكتب ونكتب ونكتب !!
تطلع واحنا نكتب !!تملى السبوره ملي تحلل ابو الكتاب
تطلع تلحقينها بتشمين شويه هوا تجي الدين في وجهك وتعطيك نظره محترمه يعني ادخلي
ندخل هذي الحصه غييييييييييييييييير شوحها طويل ومفصل ودقيق بشكل ماتتصورونه وتعيد وتكرر وصوتها يساعد عالنوم زياده
يعني نقعد حصه كامله في صفحه وحده وماتسكت ابد وتشرح وتشرح وخذي البنات كل وحده سرحانه في عالم فجاءه تسأل ولا بنت رافعه يدها وترن وتطلع
تجي استاذه الكيمياء هذي لا تعليييييييييييييييق من كثر مانخاف منها تحفظين الدرس وهي تشرح مرعبه بشكل واسلوبها غريب يعني بتفهمين بتفهمين
والانجليزي لاتعليق بااااااااااااااااااارده بشكل تروح الحصه وهي تكتب جملتين عالسبوره
ونسيت اقولكم الهواش على ايام الامتحانات كل وحده تدخل وتقول بكره عندكم اختبار وبنت ابوك اعترضي ويقولون مو انتي اللي تقررين
<<<اجل مين اللي بختبر طبعا بعد اساااااااااااااااااابيع من الاختبارات ولا يوم بدون اختبار يجي اليوم اللي الكل مو مصدق انه يجي اللي هو الاربعا ء

واذا خلصنا اختبارات الشهر والتعب والغثا بكره ماعلينا اختبار وناااااااااسه نبدا نفكر ونقرر وش نجيب قطات وفلات يعني تقدرون تقولون احتفالات
مايمدينا نتهنى الاتجي الاستاذه في نفس اليوم وتقول بكره فيه اختبار
ويبدون البنات بالاعتراض ليش ومانبي وشوي ويطقونها لكن في النهايه فيه اختبار وترجع حليمه لعادتها القديمه
ويرجع كل شي من اول وجديد




















اسفه طولت عليكم بس حبيت انقل المعاناه

طالبه ثاني علمي