ما للجفا غير الجفا , !

[سطام الشمري]

ياليت عرفي فيـك يـا هـوه مـا زاد
ــــــــــــــــ ليتـه وقـف عنـد إبتسامـة عيونـك

قربت لـك والقـرب للحـب مـا فـاد
ــــــــــــــــ أحيان بعـض القـرب يقتـل ظنونـك

سامرت عينـك والغـلا نصفـه أنكـاد
ــــــــــــــــ وأقـول كـل النـاس مـا يشبهـونـك

عرفت فـي قربـك مشاريـه الأبعـاد
ــــــــــــــــ وأنت التناقض بعـض بعضـه فنونـك

يـا جامـعٍ كـل النقايـض والأضـداد
ــــــــــــــــ إلـى متـى والنـاس دونـي ودونـك

إطلق عنـان العاطفـه طيـش وعنـاد
ــــــــــــــــ لين أرضي الهقوات وأرضـي طعونـك

جر الونيـن وغـن مـع همـك أبعـاد
ــــــــــــــــ أبعـاد لأبعـاد السهـر فـي جفونـك

ما للجفـا غيـر الجفـا وأنـت معتـاد
ــــــــــــــــ تسري بـك الهمسـات فـي تيلفونـك

إنته تـرى فـي واد والحـب فـي واد
ــــــــــــــــ والصـدق مالونـه يشـابـه للـونـك

فـي شـارع الأحـلام سـرداد مـرداد
ــــــــــــــــ ومـا يتركونـك لـو بغـوا يتركونـك

ما تفـرق رجـال ومقاريـد وأجـواد
ــــــــــــــــ كـلٍ وردك وصـدروا مـا يبـونـك

وأنا بعد صـدّرت مـن عقـب ميـراد
ــــــــــــــــ وإن عاتبونـي قلـت مـا يعرفـونـك

وإن خنتني وش عاد وإن صنت وش عاد
ــــــــــــــــ الله يكـون بعـون قلـبـك وعـونـك

والا غـلاك اليـوم مـا عنـه نـشـاد
ــــــــــــــــ وكل السنين إلـي مضـت يشكرونـك

كمـا تديـن تـُـدان زارع وحـصـاد
ــــــــــــــــ من خنت لاجله لاجل غيـرك يخونـك


سطام الشمري