لكم أيه الأحبه هذه القصيدة الجديدة (( صعب أنساك )) كل المنى أن تروق لكم

[راعي الروضة]

[poem=font="Simplified Arabic,5,black,bold,normal" bkcolor="transparent" bkimage="backgrounds/2.gif" border="double,4,black" type=1 line=0 align=center use=ex num="0,black"]
(( صعـب أنـسـاك ))

اكذب عليك أن قلت أبي اليوم فرقاك=اكـذب عـليك أن قـلت ذا الـيـوم ما بـيـك
واكذب عليك أن قلت لك رح وابنساك=مـادا مــنـي حـي ٍ .. فـلا نــيـب نـاسـيـك
صعبٍ علي أنساك .. ولوبعدك ألهاك=عـنـي .. تـظـل الـلـي عـيـوني تــراعـيـك
خـل الشقالي .. وأنت اسعد بدنياك=ســعـادتــك .. تـخــفـيـف هـــمٍ لـهـاويــك
تبعد بكيفك .. بس صعب أنى أسلاك=صعبٍ علي أسلاك .. يا كيف أبرضيك
حاولت أنا اشغل خاطري عـنك لرضاك=لكـن مـشـاغـل خـاطـري كـلـهـا فـيـك
وحاولت أنا لرضاك .. أنسا أنى أهواك=ونسيت ما قررت .. واقبلت أحاكيك
أغـلـيـك يا عـشـقٍ سكن قـلبٍ أغلاك=لـولاك كـيـف الـعــيـش يـهـنـا لـمـغـلـيـك
واغلي طريق ضم في حضنه خطاك=ذاك الطريق اللي نبت من مواطيك
طريقنا اللي فيه كنت اتحراك=يوم أن شوقك لي على الدوم يدعيك
قلته واعيده .. مابي اليوم فرقاك=حتى ولوك قلت .. ذا اليوم مابيك

شـعـر/ راعــي الــروضـــة
20 / 1 / 1426هـ[/poem]