سالفه مع القصيده جرت علي شخصيا :
كنا في رحله بالقـطـار باحد الـدول الاجـنـبـيـه وكان معــي
شـخص يدعى ابو نزال ، وكانت المقاعد بالقـطـار متقابله
كل كرسيين مقابلات بعض ، راح ابو نزال يشــوف القطار
وقعـدت انا اقـراء كتاب معـي ، وبعــد حوالي ربع ســـاعه
رجـع صاحبي مستعجل وعلامة التعجب على وجهه وقال:
قوم 0 قوم 0 ياللـه بسـرعه قلت :العلم ؟ قال لقيت مكان
احسن من هذا ، المهم قمت معه ويـوم وصلنا هناك وإلا
الكراسي التي يـريـدنـا ان نجلـس عليها مقابلها كرسـيين
عليها بنات احدهن ايه بالجمال سبحان الخالق اما الثانيه
شــينه واشباههم اجنبيات قمنا نســـولف بالعربي قال لي
صاحبي : هاهـ وش تـقـول فـيـهـن ؟ قـلـت وش اقـول اما
هاليسرى اللي قبالي تضيع العقل ياصاحبي 0
قابلتها وقمت اقصد عـليهـا وسـند على خويي من حر ما
في قلبي وإلا ادري انهن مهن فاهمات ما اقول اقول 0
الابيات اللي قلتها عليهن تقول :
عسى اللـه يلوم اللي يلومك يابو نزال
0000000000 يشـوف العـمـى بعـيـونـه اللي يجـدنه
زعـيم الجمال وكامل الزين والاوصال
0000000000عـذاب العـيـون اللي عـيـونـه يراعـنه
طويل المعـنـق والجدايل وراه اطوال
0000000000كمل بالحلا ياعـل من حـولـه افـدنـلـه
انا كيف ابلـقالي معـه بالحكي مدخـال
0000000000وســـيع العيون ويجذب القلب بالخنه
انا ليت لي في ســنه اللـه معه منزال
0000000000انا شهد شهاده حي وان مات بالجنه
يالـيـتـك يابـو نـزال ماقـلـتـلـي تـعـال
0000000000انا يوم شــفـت الزين جـريـتـلـي ونه
انا وش بلاني بالغـرابـيل والاشــكال
0000000000عذابي الى منه ضحك وانكشف سنه
ذبحـني حلي الـريـم بالمبســـم القتال
0000000000عساالحسد وعيون الحسد ما يشوفنه
انا عـقـبـهـا ما عـاد لي بالهـوا مجال
0000000000ولا عـاد قـلـبـي يـلـتـفـت لـو يـمرنـه
يوم قضيت من القصيده كان ترد علي الشينه اثرها
خليجيه وتعرف كلامي كان تقول :
يابايع جوخن على غير اهاليه*مـثـل الذي ينزل بقصر خرابه
تبين انهن صديقات وحده الزينه اجنبيه والثانيه الشينه
خليجيه زعلت يوم شافتني امدح رفيقتها وسحبتها من
يدها وقاموا وكان هذا الموقف محرج بالنسبه لي 0
وسلامتكم ــــــــ مع تحيات مريح الفرحان
05-03-2005, 01:54 PM
العرض الشجري