صباحكم اعذب ماجنته الليالي
متواضعه جديدة اطرحها بين ايديكم
[poem=font="Simplified Arabic,4,black,normal,normal" bkcolor="transparent" bkimage="backgrounds/40.gif" border="solid,4,gray" type=1 line=0 align=center use=ex num="0,black"]
بانت أطراف الحقيقة قلتها باوجز عباره = الزمي صمت الخوافي وانطقيها يالقصيدة
اذبحي حلم الليالي وادفنيها في نهاره = واقبلي فيها التعازي ياعسى الموته سعيده
علميهم كيف كانت في ثرى اخر زياره = عاشقة زيف الحقايق كني اقراها جريده
اذكر اني جيت اسلم مالقيت الا يساره = قلت يمنى قال مابي لعنبو دور يجيده
تلعب ادوار المعاند وتباهى بانتصاره = ولا لعبت الدور جتني تلعب ادوار جديده
ولايعذرب لعبه الا من كسب فيها الخساره = والنتيجه للخساره صارت قلوب بعيده
ضلعٍ اعوج جيت اعدْله فاجئتني بانكساره = شهقةٍ ماكملتها شروا شهقاتٍ عديدة
تشتري قلبي وتبيعه فعلها فعل التجاره = عذرها هذي الميانه وعذرها دايم تعيده
اخلطي دمعك وكحلك هذا هو وقت انحداره = وارجعي لاشفتي سِيدٍ خادمٍ لاصغر عبيده
هذي هي كل الحقيقه قلتها باوجز عباره = اقبلي فيني التعازي ياعسى الموته سعيده[/poem]
امل انها حازت على استحسانكم
وتقبلوا خالص تحياتي