َ_َ,, عضو/ه في المطبخ.. الكل مدعو للمشاركه.. َ_َ,&

[بسمة سدير]

بعيدًا عن أسْباب هالتّأخير وبعيدًا عن سنعي اللي ما يُضاهى ،


سمّوا هالتّعْريف ،


صينيّة البطاطس < قلوب عدد الدّويرات اللي سوّيتها


صراحة هالصّينيّة تفكّ أزْمة بشكل


جعْت .. قم سوّ لك |
جتك عزيمة ولا دريت إلا قبل 10 دقايق .. قم سوّ لك |
فيك غلقة - من نور الكون لأنّها جابت لك ورق عنب - وودّك تطلّع حرّتك في الهرس .. قمّ سوّ لك


..


وميزتها بعد .. تقْعد لك إلى الـ 3 أيّام في الثّلاجة .. يعْني كلّ ما دغدك بطْنك .. قمّ وحمّ لك


..


بعْد هالمقدّمة الاسْتهلاليّة








نروح للمقادير |

- بطاطستين كبار

- ملح

- فلفل أسْود

- ملْعقتين جبن

- ملْعقتين قشْطة

- كريمة خفْق ..

< حتّى طلباتها وذيفة


..


الطّريقة |


اسْلقي البطاطس ، وحطّي عليه شوي ملح ،


وبعد ما تطلْعينه .. طلللعي حرّتك في الهرس





..


بعْدها حطّي عليه ملح برضو + فلفل أسْود .. حسب الرغْبة


واخْلطي إلين تحسّين الطّعم ضببط ،


..


بعْدها حطّي القشْطة + الجبن ، واخخلطي





..


عقْبها اسْتجمعي ما بقي في ذاكرتك من رياضيّات الابْتدائي .. وتذكّري الشكل الهنْدسي للدائرة .. وابْدي تكْوير


وصفّيهم في صينيّة .. وفي الأخيــــــــر .. صبّي عليهم كريمة الخفق


وإن بغيتي [ جبن موزاريلا ] للتزيين ..





ودخْليها الفرن ، إلين يحْمرّ اللي فوق ،


وبالعاااافية < ما لحقْنا نلْقط الشّكل الختامي ، نظرًا لأن ما فيه أحد خلص نصّها وأنا توي أبصوّر -_-"


< عاشقة ، يرْحم أمّك تراها جدّ طبْخة .. بلا تعْليق


..

برايفت للي حاضرين مسابقة الطّبخ العام .. وقبْل العام |

تراي ما سوّيت حفْلة مع الوالدة عشان تطيع أنزّل الصّور أبد ! < تقول ما تسوى عليّ .. تنزلين الرّد منّا ، وألقى ذا الشغالة الجديدة تكلّم منا <



..


إيه صح الاخْتيار |

أنثى المطر .. المجال لك يا بعدي .. اختاري اللي تبين