قصتي ..●{ نَهَايَة مُشْرِقَه )●

[الطرف الناعس]

- تَمهيدْ/ مَاقبلْ البِدايةْ .،

تقدم يوسف لـ خطبة ساره .. منذ كان عمرها { 15 سنه / .. تم رفضه من قبل اهلها.

{ المره الاولى )



خطبها ثانية وعمرها { 17 / .. تم رفضه من قبل اهلها.

{ المره الثانية )



خطبها ثانية و عمرها { 18 /.. وفي نفس الوقت خطبها ابن عمها .. وحدثت مشاكل عائليه .. تم رفضهم الـ 2 .. وكانت هذه المره.

{ الثالثه اللي يرفض فيها يوسف )



المره الرابعه { أدخل كبار العائلة ) وتحدثوا بـ إسمه .. وتمت الموافقه والخطوبة !
،

فِيْ يَوم .. كانت عائلة { ساره / في زيارة عائلية لعائلة { يوسف .

سَارة على مدى { الخمس سنوات / حائرة لِمَ هذا الشخص .. يصر اصرار مميت { ليتزوج بها !

على الرغم من الرفض والاحراجات التي كانت تصيبه من جراء محاولاته .


تَسللت سارة من { جمعة الاهل / هِيْ و شَمه { أخت يوسف / .. ذهبتا لـ قسم شمة الذي كان بقرب { قسم يوسف/.،





سَاره بَخجل : شميم ممكن أروح غرفة يوسف أشوفها بس من بعيد !

شَمة وهي تضحك و تغمز لساره : ياويل حالي انا .. وينك يا يوسف تعال شوف حبيبة القلب تبا تطل ع غرفتك

سَاره بخوف : شمه دخييلج سكتي لا حد يسمعج .. خلاص ما بروح أشوف =( .. دبه انتِ


شمة تضحك : لا روحيْ ما بقول له .. ههههههههه .. روحي بسرعه قبل لا احد ايي هنيه

سَاره : هو محد صح !

شَمة : هي محد .. فَـ الميلس يَقردن {العم / ( تقصد أبو سارة )

سَاره { تطلع لسانها لـ شمه/ : اننننننه





دخلت ساره لغرفة يوسف .. بخوف شديد وارتباك .. لـ تكون اول نظره لها ع غرفة الشخص { الغريب في نظرها / لكثرة اصراره على الزواج بها !!

اتجهت لـ{ تسريحته/.. أخذت { تتعبث / بـ أغراضه .. لفت نظرها { مرآه /

سَاره مصدومه : شَمه شَمه .. شوفي هذي منظرتي انا .!! كيف وصلت هنيه .! منو عطااه إياها ..! انا مضيعتها من فتره !

شَمه شوفي .. وساره هي تنظر لشمه بنظرات مصدومه !!


شَمه تضحك : والله أخوي طلع مب سهل .. ما ادري كيف وصلت له .. شدراني انا !! قولي والله انها مالتج !

سَاره مؤكده : والله مالتي .! ضاعت مني من فتره!


ساره أخذت تتامل صورة له على { التسريحه / .. صوره له يقف فيها بجوار { مرآه كبيره وعريضه /


سَاره بصوت عااليْ : هيييء .. شميم شميم .. هالصوره مصورنها فـ بيتنا .. شوفي هاي المنظره اللي فالصاله .. فـ بيتنا .


شَمه : شوفيج يا الخبله .. شوي شوي علي .. هيه ادري انها فـ بيتكم .. اعصاابج أعصابج.

سَاره : لا بس انا مصدومه شويه .



أخذت ساره تكمل { عملية التجسس / لتتعرف على خطيبها أكثر .. فتحت أول أدراج { التسريحه / ..!

سَاره وهي تشهق بصدمه .. أحاسيس مختلفه .. خجل و فرحو نبضة حب .. بدأت تحس بخفقان بقلبها .. ألِهذه الدرجه يحبها !

بومْ بومْ .. نبضات قلبها .. تتسارع يكاد هذا القلب يخرج من بين أضلعها من الذي رأته .


{ مشط .. قصاصات أوراق .. شَمعه .. كتاب .. صورة لطفلة صغيره !! .. جميع هذه الاغراض تخص ساره في درج يوسف !


أغراض اضاعتها في يوم من الايام !


احد أمشاطها المفضله .. قصاصات اوراق كانت تخربش فيها عندما تدرس ..

كتاب { الرياضيات / الذي كانت تدرس فيه

عندما دخل المجلس عليها خلسه .. فهربت باكية .. خائفة من أخيها .. متعجبه

من تصرفات هذا { اليوسف / !

شَمعه كانت في غرفتها .. لم يتبق منها الا { الفتيل /

صورتها .. صورتها وهي طفلة صغيره ..!


لمَ كل هذه الاشياء { بحوزتك / يا يوسف لمَ !! تساؤلات ملأت راسها



شَمه وهي تضحك : سارونه .. اوييه .. ويهج صاير احمر .. شو فيج
هههههههههههههههه .. شمة وهي تدفع ساره خارج غرفة يوسف ..


سارة والله انج فضيحه .. الحينه اذا رحنا تحت عندهم بيلاحظون ويهج الطماطه .. روحي غسليه بماي بااارد بسرعه يلا ..~


سَاره بذهول تتَكلم كأنها في عَالم آخر : شَمه .. ليش محتفظ بـ أشيائي !


شَمه : لَان يحبج

ساره : ليش يحبني ! ليش متمسك فيني لـ هالدرجه؟


شمه : ساره والله انج غبيه .. يحبج يا بنت يحبج .. شو اللي ليش .! خبله
انتي ! يحبج لانه يحبج .. بعد لازم سبب عشان يحبج !


سَاره وهي تتجه للحمام : لَا بس .. أنا مستغربه منه .. يعني لو حبيت شخص .. بحبه لسبب ! يعني انا ما احتكيت وياه ولا سولفنا وايد بس لما كانا صغار .. كنا نلعب بس !! ما عمري توقعت يوسف يحبني !!


شَمه : إنزين غسلي ويهج .. ويلا نروح تحت .. الحينه بيفقدونا وبيسألون عنا


سَاره : بس احس الحينه احساس غريب ..! أحس قلبي يدق بسرعه و احـ ..

شَمه تقاطع ساره : ساروووووه .. حرام عليج والله اذا ما تحسين فاللي يسويه عشانج .. مب عشان هو اخوي .. لكنه يحبج .. اذا تكلم عنج .. يتكلم بحناان .. اذا حد طراج .. يقول هاااي { أميرتي / .. يكفيج انه قال ( لو ما تزوجتها .. مابتزوج أبد ) .


ساره وهي تبتسم : شموه .. احس اني بديت احبه .. و { الله اييب اللي فيه الخير / .

شَمه تتنهد : إن شاء الله خير .







تَمهيد الـ 2 ـ~ .


السَاعَه 5 عصراُ .. فيْ يوم من أيامهم


{تررن .. تررن / هاتف منزل { ساره / .. يعلن عن نفسه .. هرعت إليه ساره

مسرعه


ساره تلهث : ألو

... : السلام عليكم .. هلا سويره ! شحالج !

ساره فرحه : وعليكم السلام .. هلا والله .. هلَا .. بخير ربي يسلمج .. شحالج إنتِ .! وشحال خالوه !

شمه : بَالمهلي بالمهلي .. طيبين تسرج أحوالنا بنت الخاله .. وشخبارج بعد !

ساره تفكر : اممممـ .. ليش صوتج بعيد !!

شمه تضحك بصوت عالي : هههههههههههههه يعلج سويره .. انتي ما ينقص عليج ههههههههههههههه .. حاطه سبيكر{ صوت عاليْ /

ساره بضيق : ومنو عدالج !

شمه ترفع السماعه : هههه ... هذا الاخ حشرني .. قلت اسمعه صوتج .. أقولج يختي يتحسب نفسه مراهق .. ما يستحي ع ويهه .. ( شميم شميم ابا اسمع صوتها ابا اسمعها ) < شمه وهي تقلد يوسف !

يأتيْ صوت يوسف من بعيد .. : .. اييه .. يعلج الفضيحه .. هذا انتوا يالحريم محد يقولكن شيْ .. بس طبعا ساره { غير / استثناء ..
ويضحك بصوت عاليْ ليخفي احراجه .


ساره بزعل : شمه انا قلت لج لا تسوين جيه فيني .. لا تسوين هالحركات لا تسمعين كلامه .. =( .. يلا انا بروح تحت .. الحينه اذا حد بيي بروح فيها انا وانتي وياي .


شمه : انزين حوبيا .. لا تزعلين .. والله هالطفره مطفربي .. ياخي عرسوا بسرعه وفكونااااااا .


ساره : اششش .. والله انتي فضيحه .. =( .. يلا برايج .. انا بكلمج ع الموبايل لما الاخ يروح بعيد عنج

شمه : اوكيه حوبي .. الله يحفظج







- التمهيد الـ 3 ـ~

غرفة كبيره باارده .. أخذت ساره تدفيْ أصابعها .. وتشرب قهوتها المعتاده ..

وهي في انتظار الدكتور .. صوت حااد اتى من بعيد


بناات .. الدكتور مطرش ايميل معتذر عن الكلاس .. مافيه كلاس اليوم !


تنهدت ساره وهي تخاطف نفسها : لو كنت ادري .. ما كنت حظرت اليوم =( ..!


خرجت ساره من الكلاس متجهه للاستراحه

{ كانت عباره عن غرفة واسعه .. ذاات كراسي حمر عادية .. تعطي انطباع بالدفء والراحه/ .. جلست ساره في انتظار والدها .. ليصطحبها للبيت .!





طال انتظارها .. فتحت حاسوبها الشخصي .. تتفقد الرسائل الواردة { ايميلها / .. وجدت 4 رساائل ذات عنوان غريب

{ لعيون ساره / { حبيبتي سامحيني / { قلبي ساره / { أحبج /



فتحت الاولى .. { رسالة طويله جداً / تعبر عن الحب والشوق .. ومشاعر دفينه لسنوات .. موقعه بـ إسم يوسف !


الـ 2 .. اعتذار عن طريقته في الرساله الاولىْ

الـ 3 .. لا استطيع النوم بعد ان عرفت ايميلك .

الـ 4 .. { والله أحبج .. حبي كبيير .. محد يحس فينيْ .. ...الخ .. الخ .. الساعه الحينه 4 الفير ومب قادر انام .. سامحيني ع ازعاجج .. بس ردي علي لو بـايميل فاضيْ ،


انهااار قلبها .. ودقااتها تسارعت .. خائفه منه .. لكنها في نفس الوقت أحبت جراته واصراره .. احبت طريقته في ملاحقتها

ساره{ وقعت في حبه !!





احتفظت برسائله .. واخذت تقراها مرارا وتكرارا .. وأصبح يرسل لها بشكل يوميْ
وهي تترقب رسالته .. لتناظرها في خجل و حب و اندفاع و تمرد .


دوون أن ترسل له رساله واحده.. رغم محاولاته الشديده

وهكذا إالى ان اختفى فجاهبعد ان { تم تحديد موعد العرس !








مَا حدث هُنا .. هو تَمهيد فقط لِمشاهد عديده .. يجنْ منها { العاقل ).


●
●


المَشهد الَأولْ .. سَأضَعه لَآحقَاً ..،

ليلة سعيدهْ =)

{ الطرف الناعس )