إهداء خاص لمنتدى سدير ومشرفيه والأعضاء الكرام

[عبدالله الصالح]

[align=center]

السلام عليكم جميعاً


الفية في المنتدى ومشرفيه الكرام


اتمنى ان تنال الرضى وان تعذروني على التقصير


اليكموها بصدق مافيها تجاهكم جميعاً


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الفٍ الف النت عرضه وطوله = واخذ على مواقع الشعر جوله
وابحث عن الإبداع والي ينوله = عقب التعب ودي انوّخ ركابي

"

والبا بديت انشد ولاتاه نشّاد = ودرب التميز مافرشناه سجاد
ولايردك عن نواياك جلاد = والي يريد الخير عنه يثابي

"

التا تبون الحق مليت مليت = كم منتداً سجلت فيه وتعنيت
فتره بسيطه وادري اني تبنيت = طفلٍ مهو مني ولامن ثيابي

"

الثا ثلاث سنين والحظ مالي = والبوصلة ترشدك صوب الشمالي
والناس ترحل للمعين الزلالي = وانا كما العطشان خلف السرابي

"

الجا جلست اقلب الفكر محتار = كل البشر يمنا وانا صرت بيسار
هاتوا لنا علم و تباشير واخبار = قالوا لفاك العز عقب الخرابي

"

الحا حمدت الله سجودٍ على الارض = وصلّيت له ثنتين شكرا مع الفرض
ناديت باعلى الصوت بالطول بالعرض = غرد حمام الدوح عقب الغرابي

"

الخا خسارة ذيك الايام ياناس = راحت مثل حبرٍ على غير قرطاس
بس العوض مقبل ولاباس لاباس = كني لقيت الماس عقب الترابي

"

الدال دوى صيت موقع بلدنا = ياسدير نجمك ساطعٍ ماجحدنا
والمنتدى ماهوب حكر لولدنا = من كل فجٍ فيه عالي الجنابي

"

الذال ذلت منك ياسدير فالحال = مواقعٍ فيها من الزيف مكيال
تطايحت مثل المباني بزلزال = كم واحدٍ من هيبة سدير هابي

"

الراء (راعي الاوله) قايد السرب = هادي ومتفهم حكيم وبعد ذرب
والذوق (حالم ليل) فالشرق والغرب = الفارس المجهول وقت الصعابي

"

الزاي زانت بالمراقب (كحيلان) = وايضا معه (ورا الكواليس) تعبان
اثنيهم عينين في راس فنان = لهم مع الاشراف فعلٍ يرابي

"

السين (سقم سدير) في منتدى الصوت = مهندسٍ بارع وتفويتته موت
صوتٍ حسين بصفحة المجد منحوت = سماع صوته للملايين طابي

"

الشين شمعة منتدى الدين والشرع = (شمعة سدير)الي من الاصل والفرع
شمعة ولكن دمعها ينبت الزرع = يالله عساها الفوز يوم الحسابي

"

الصاد صدري منشرح مامعي هم = و(الملتمس) بالمنتدى طيبته عم
في منتداه العلم للتربية ضم = مع منتدى الديره ولا قال مابي

"

الضاد ضوء الشمس في منتدانا = (ربى الجنان) الي تنور سمانا
في منتدى الاسرة لها زود شانا = تفرق على كل الزهر والروابي

"

الطا طبيب القلب لاصرت شايق = تراه (راعي الروضة) ان كنت ضايق
الي بشعره داخل القلب وايق = شعره يفل النفس مثل السحابي

"

الظاد ظرف التوصيه فيه توقيع = (لبو دحيم) كان بالارض تربيع
بخيص فالبران لايمكن يضيع = يحفظ مجاهيل الخبب والشعابي

"

العين عندك بالشعر شاعرٍ طاف = على جميع الجيل عالي و(نياف)
ببلا قصورٍ فالبقيه والاطراف = اسمه على فعله عن الغير نابي

"

الغين غابات التصاميم واللمس = (ببو عبدالمحسن) تشعشع كمالشمس
ابصم على روعة تصاميمه بخمس = والخمس الاخرى بصمةٍ في جوابي

"

الفاء فريق فاز بإحرازه القول = و(القيصر) ابخص فالرياضي على طول
مامن تعصب يشغل الفكر ويجول = ماهوب مع ناديه دايم يحابي

"

القاف قلي من هي اللي تفرحك = واقول (سمسومه) معاها بعد صك
ترسم مع البسمة فوايد بلاشك = بياض قلب وفكربالعلم رابي

"

الكاف كانك جايع وتجهل الطبخ = تعطيك (مس سدير) بالطبخ والنفخ
درسٍ يدوي وسط راسك كما الشرخ = متخصصة بالطبخ ويا الشرابي

"

اللام لك (يالسنبلة) حرف موزون = والكل عن فكرك وطبعك يقولون
لك منبرٍ بالمنتدى العام مصيون = والظاهر انك بين علم وكتابي

"

الميم من خلا تراثة يضيعي = يصير بين الناس جاهل وضيعي
لاشك (ذيب سدير) قدره رفيعي = يجمع تراث اجدادنا للشبابي

"

النون ناظر في شؤن البلادين = بسدير كله واجلب الزين والشين
في ركن (ابو يزيد) نقد وتثمين = اصلاح مع تطبيب جرحٍ مصابي

"

الهاء هاتوا نشرة بلاد صدام = من عند (ابوعبدالعزيز) ابن الاكرام
اخبارهم بالمنتدى طول الايام = كليوم يبشرنا بذبح الكلابي

"

الواو وينك يافهيم الحواسيب = (يالوحش) يافاهم جميع المطاليب
بالنت راسك من كبار المعازيب = الله عطى صدرك وسيع الرحابي

"

اليا يقول الي يبي ختمة القاف = صلّوا على المختار ماطايفٍ طاف
احمد نحبة دون نقصٍ وإسراف = الي فتحله للسماوات بابي[/poem]


*


وسلامة قلوبكم الطاهرة



ابو ميار[/align]