بسم الله الرحمن الرحيم
السلام عليكم ورحمة الله وبركاته
(
)
(
مســاء الخـير ..
اقبلت لي :
مثلك مثل أي مخلوق ,
ما بيني وبينك : ( عهود ومواثيق ) ,
اقبلت غيمن في مقاديمه بروق
وراه سر .. وفي خفاياه
[ تشويق ] ,
جيت
بشموخ وشفت منزلك
مرموق ,لكن عجزت ألقى
لـ جيّتك تعليق
وفجأه بديت
أشتاق, واحن ,واتوق ,واغفى ..
على وسادة ملامحك وأفيق
تهب ريح , و ( قدّ طاريك )
ممشوق ,وألمح [ تفاصيل ٍ على جسمه ] تليق
مدري
هي الصدفه تسوق القدم سوق
وإلا أنها .. أقدار المحبه : توافيق !
بس الأكيد ,
امسيت واصبحت
مسروق
اثر الذهب .. ما تحتميه الصناديق ,
خلاص
ما أنت بـ صورة ٍ تسكن :
الموق
نزلت مع موقي ..
وجيت المعاليق
وطار لك قلب ٍ ,عنك ؟
ما عايقه عوق
فكيته .. وفكيت معه ( المسابيق ) ,
خذ راحتك ,
لا صرت لـ الروح :
معشوق
تقدر تعدّي كل الأضلاع وتويق ,
من قال ؟
ماللشعر في وصفك
حقوق ,ونظرة عيونك
.. تستثير الطواريق ,
إن ما تغنت فيك
طاروق
طاروق
ماني لـ أميرة قصر الإبداع / عشّيق , !
الحب : مثل المسك
رغبة هل الذوق
إن طال عمره ؟ عتّق الشوق .. تعتيق ,
نفس الحياه اللي ملت شارع :
السوق
( الفوضويه منك من غير تنسيق ) ,
لكن هدوءك ؟
ما يخليني أروق
مثل الهوى الساكن بـ [ روس الشواهيق ] ,
فرحت بـ أني كنت
ماني بمسبوق
عليك , وأنت أقصى طموح العشاشيق ,
وبعد بزغ نجم ( الرحيل )
ولمع فوق
بدا المكان : يضيق ,ويضيق ,ويضيق
الحلم : مظلوم ٍ للإعدام
مسيوق
ماهو بـ لا فاسق .. ولاهو بـ زنديق
لو مات
في حبل المقادير
مشنوق
يبقى غرامك شامخ ٍ .. كنه طويق
وتبقى حضاراته وهي :
دم وعروق
أشبه ما أشبهها [ حضارات الاغريق ] ,
مثّلت لي بسمه
ولا قلت منطوق
( هنا ) : تحملت الألم فوق ما أطيق ,
ودعتني حسره
وودعتني شوق
وكنك معك .. خذيت ( كل المخاليق ) ,
ماني مصدق : كل مطرود ملحوق
وأنت السراب وعاشقك ناشف الريق !
_ مشعان البراق _
راقت لي كثــيراً ..
في حفظ الله ...!
ح ـبـل الوريد ..