من لقيتك امس وانت من مجــرة لـ مجــرة

[خفوق إنسانة]

ياعذابي لو سمحت اسمعيني لو لمرة
.........والله اني طول عمري اسمعك حتى الاخير


يوم غبت ماتركت بالحنايا غير جمرة
........ويوم جيت ماعطيت لا قليل ولا كــثيــــر

ماذبحت غير صايم ينتظر بيديك تمــرة
.........خاف الله في غنيه مات في حبك فقـير

يالبخيل اذكرلي مرة جدتي لو بِكِسرة
........والله ان الكسرة منك تسوا في عيني بعير

ماطلبت الا تقول بس احبك لو بــنظـــــرة
......... هالعيون النرجسية لو حكيت وش يصــيـــر

تدري قول الف مرة هيه احبك حتى بكرة
..........كررها وافهـمـها لــين قلــبك لي يطــيــر

والله ان الحب عندي ابن امير وسط قصره
..........وانــت امـه ايش اســـوي لاغديت ام امير

مد كفك وانزعيني من خفوقي بأي دبرة
........ صرت غارق في خفوق ٍ تدري انه لك اســيــر

من لقيتك امس وانت من مجــرة لـ مجــرة
......... قمت اهوجس واتلذذ بالبكى كـــني صغــيـر

مالقيت الا حنانك في ســــمـايــا اسـتـدره
.......... قلت هذا هو حنانك قلتــي هذا شي غـيـــر

والنهاية هي بداية عاشق ٍ ضيعت عمـره
.......... لا لقاك انت البداية ولا النهاية فـيـك خـيـــر

ياحياتي طاوعيني افهميني بس مرة
........... وان عصيت اتركيني واحرقيني للأخـــــيــــــــر