هذا هو المبدأ

[عبدالله الشويمان-الرعد]

[align=center]قصيدة جديدة عسى ان تنال اعجاب القارئ..[/align]

[poem=font="Simplified Arabic,5,blue,bold,normal" bkcolor="transparent" bkimage="" border="double,6,blue" type=1 line=0 align=center use=ex num="0,black"]
هذا هو المبدأ
بسم الله اللي بامره تقام الأعراس=يفرح بها المسلم ويهزج هزاجي
يا كثر زينات الليالي مع الناس=وازين لياليهم ليال الزواجي
اللِّي لها يسعى يدور النوماس=فاله يطيب ويبتهج إبتهاجي
اكمال نصف الدين طردٍ للادناس=صيانةٍ عن ميلةٍ وعوجاجي
من يعمره بالحب وللخير كَرَّاس=يعيش في دنياه فلة احجاجي
طيب المعاشر فيه راحة ومنفاس=للنفس عن جور الزمن ونفراجي
من له يجي في عقل مرهف وحساس=يعرف ينوِّر ظلمته بالسراجي
البيت لابده يقوَّم على ساس=حتى يدوم بعزة الله بهاجي
ينشاْ به الجيل المربى بمقياس=مقياس حسن التربية له مزاجي
بنات واولادٍ لهم بالعُلا باس=فضلٍ من الخالق مجيب التراجي
يالله من فضلك اذا لبسوا الباس=لبس الشرف والدين للعبد ناجي
هذا هو المبدأ حلاياه كالماس=نيِّر ولا يطمسه عجة عجاجي
ما جال بالخاطر وما دار بالراس=قلته وانا مستعجلٍ بالتناجي
وصلاة ربي عد ماشي وجلاس=على النبي اللي على الخلق تاجي

عبدالله الشويمان-الرعد في 3/4/1426هـ .
مع تحياتي للجميع.[/poem]