مرسول الغلا

[راعي الروضة]

مرسول الغلا

[poem=font="Simplified Arabic,6,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

صافحت مرسوله مع إشراقة الشمس=وتبسمت دنياي .. ساعة قريته
وقمت آتمعن فيه وأقراه .. في همس=وأسكنته بفكري وغيره .. رميته
مرسول ملهوف الحشا .. ناعم اللمس=غاليٍ ولو يطلب عيوني عطيته
نورٍ سكن جوفي عقب ليله .. الدمس=وشربت من كاس السعد وارتويته
ومن قبل مرسول الغلا والفكر .. عمس=ودرب العناء بالفكر .. ياما سريته
والقلب في بحر الألم منغمس .. غمس=والهم راضيٍ بي ولو مارضيته
أصفق من اللوعات خمسٍ على خمس=ماكني إلا لأعظم الهم .. بيته
والحال نش .. ولبة الكبد .. في حمس=حميمها .. مرٍ .. بكبدي .. غذيته
واليوم مرسوله طمس لوعتي .. طمس=ثوبٍ مفصل بالفرح .. وأرتديته
ياقلب خذ مرسول غاليك .. ثم .. امس=وأنس أمس .. أنا قبلك تراني نسيته
اليوم يفرق في مواريه .. عن أمس=وسلم لي حصان الأمل .. وامتطيته
بأسباب مرسولٍ لفا .. طلعة الشمس=وأسكنته بقلبي .. بعد ماقريته


[/poem]

راعي الروضة