من كان ماله فيك .. لاتحسبه منك

[نور الأصايل]

وفاك .. للي مايشوف الوفا .. منك
.................. مثل الصيام .. اللي بليا .. عباده


وذودك عن اللي / مايذود الشقا عنك
.................. مثل الدروس .. اللي بليا شهاده


وصبرك على اللي / لاتعافيت يطعنك
............. مثل العزى .. باول شروق السعاده


وصدقك مع اللي مايثِقْ بك ويضمنك
............... مثل القيادة .. دون / رخصة قياده


وصمتك عن اللي مايعرفك ويبخنك
................... مثل الدهاء .. بمهرجان البلاده


وثِقَتـْك باللي في .. غيابه يخــونك
............. مثل البياض اللي .. بوسط السواده


وفزعتك للي ماتهقويت يزبنك
................ مثل اللقافه .. في عيون الركاده


وفرحـتك للي / شفّ قلبه يحزّنك
................. مثل الحجاج / لياضحك لانعقاده


ومدتك للي لو تجي / مايديّنك
.................... مثل الخبال اللي / تحوفه قراده


ولينك مع اللي يزعجك ، لاتلاينك
.................... مثل الوغد / لامن تلاين امهاده


وطيبتك للي / من رداته تهاونك
................. مثل الذي يتعب / بدون استفاده


وضيقك من اللي / منوته يوم يشحنك
................ مثل الذي بالحرب / يهدي جواده


من كان ماله فيك .. لاتحسبه منك
.............. هذا الصحيح .. ودوك ختم اعتماده


لاشفت شيٍ / يجلب لصدرك التنك
............ ابعد / وكــــــبر قبل عقلك / وساده


خلف مشعان
منقول