طاوعك قلبك تغيب وتهجر أحبابك
تنسى غلاهم وتتركهم وتنساهم
حرام تترك خفوق يشكي غيابك
وأنته بقلبي اعز الناس واغلاهم
ناديت والصوت لا شدك ولا جابك
يا سيدي يا عديل الروح يا فاهم
وانت بوجه اشتياقي تغلق ابوابك
وانا اقرب الناس من قلبك و أوفاهم
نسيت حتى تقول اشفيك وش صابك
يوم الألم عذب عروقي واشقاهم
بديت ناس على ناسك واصحابك
ما اتعبت نفسك تدورهم وتلقاهم
نامت عيونك ونام الليل باهدابك
والي شكوا غيبتك ذالنوم ما جاهم
زادوا على جرحهم كم جرح باسبابك
وان اقبل الليل صوت الجرح صحاهم
أرسل لك عتاب قلبي و أحسب حسابك
وأبياتي البيض دايم باسمك ابداهم
يجبرني الشوق يجبرني على عتابك
واتمنى تقرا وتعزف قبل تقراهم
لمت الخفوق الي اذا قابلك هلا بك
يا اطيب الناس في عيني وأغلاهم
طاوعك قلبك تغيب وتهجر أحبابك
تنسى غلاهم وتتركهم وتنساهم
04-03-2012, 08:55 PM
العرض الشجري