هلا قولة كريم وبس لا طالب ولا راجي

[سليمان بن سريع]

[poem=font="Simplified Arabic,6,green,bold,normal" bkcolor="burlywood" bkimage="" border="double,6,darkred" type=2 line=0 align=center use=ex num="0,black"]

هلا بك والجروح اللي بقلبي ما لها دكتور = هلا لو قلتها لك قلتها ما أدور علاجي
هلا باللي تبختر في خطاه وشع منه النور = هلا قولة كريم وبس لا طالب ولا راجي
زمان الحب الأول راح واللي في زمنا قشور = اشوفه لعبة مابين منعاجه ومنعاجي
أنا شاعر وأحب الزين وعشق نظرة البلور = و أحب المهرة اللي ما عليها عنان وسراجي
أروضها على كيفي واعلمها حدود السور = واعلمها العمى إلا عن عباراتي ومنهاجي
وإذا حازت رضاي أعطيتها كل الغلا المنثور = وقلت أنتي بقلبي ساكنه في برجك العاجي
تقولون إني أناني 0 أناني في شعر وشعور = وهذا شي من حق النفوس وما به احراجي
ترى الحب الحقيقي ما يوزع دايم محصور = جمع قلبين ما تسمع لعذال وهراجي
على درب الوفاء ماشين لا غادر ولا مغدور = ولا به( كان ما شفتك )ترى بطفي سراجي[/poem]