لا حبيص و لا نبيص.!

[رحّال]

[poem=font="Arial,6,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
مُتْعبْ و لا يقوى على نبل السهامْ=مير البلا قلبه غدا في حِيصِ بيصْ.
من مرّت الحلوة كما غصن البشامْ=الرّدفِ نابي و البطن ظامر خميصْ.
و العنْق ويلي يا حمدْ عنق النعامْ=والنّهْدِ مركوزٍ حكى حدْر القميصْ.
مع خطوها زلزالِ يضرب فالعظامْ=زلزالِ يدوي مثلما زلزالِ عيصْ.
قلت أصبري يا فاتنة عندي كلامْ=مثل الذهب ما هو زهيد وْ لا رخيصْ.
راعتْ لي بوجهٍ مثل بدر التمامْ=فيه الشعاع اللي خذا منّه وبيصْ.
قالت تعجّل عطني الموجز قوامْ=والمختصر يغني و أشوف إنّك بخيصْ.
قلت الهوى سهم الهوى و المستهامْ=ما له عن دروب العنا مهرب محيصْ.
يمشي الدّروب وْ لو غشى دربه عسام=ْيكفيه في درب الهوى ومضةْ بصيصْ.
و انتي علاج القلب و انتي لي غرامْ=ما ترحميني و اقبلي قلبي خليصْ.
يوم ضحكت قالت عسى دربك سلامْ=و اقفت و انا ما بي حبيص ولا نبيصْ.!
[/poem]